ໂຮງຮຽນພູເຂົາຄຳ ເມືອງແກ້ວອຸດົມ ຈັດພິທີສະຫຼຸບສົກຮຽນປະຈຳປີ 2018-2019




ແຂວງວຽງຈັນ: ວັນທີ 07 ມີຖຸນາ 2019 ໂຮງຮຽນພູເຂົາຄຳຄືຊັ້ນອະນຸບານ,ຊັ້ນປະຖົມ ແລະ ຊັ້ນມັດທະຍົມຕອນຕົ້ນ ໄດ້ຈັດພິທີສະຫຼຸບສົກຮຽນປະຈຳປີ 2018-2019 ຂື້ນຢູ່ທີ່ເດີ່ນໂຮງຮຽນປະຖົມບ້ານພູເຂົາຄຳ ເມືອງແກ້ວອຸດົມ. ໂດຍການເປັນກຽດເຂົາຮ່ວມເປັນປະທານຂອງ ທ່ານ ບົວວັນ ແກ້ວວິໄລທອງ ຄະນະປະຈຳພັກເມືອງປະທານກວດກາພັກ-ລັດເມືອງແກ້ວອຸດົມ, ທ່ານ ຄຳປານ ຄຳມຸງຄຸນ ກຳມະການພັກເມືອງຫົວໝ້າຫ້ອງການສຶກສາທິການ ແລະ ກິລາເມືອງແກ້ວອຸດົມ,ເຂົ້າຮ່ວມມີອຳນາດການປົກຄອງບ້ານ,ຄູອາຈານ,ນ້ອງນັກຮຽນທັງສາມໂຮງຮຽນພ້ອມດ້ວຍຜູ້ປົກ ຄອງນ້ອງນັກຮຽນເຂົ້າຮ່ວມເຂົ້າຮ່ວມຢ່າງພ້ອມພຽງ.



ໃນພິທີ ທ່ານ ຄຳພວງ ວົງມີໄຊ ຜູ້ອຳນ່ວຍການໂຮງຮຽນມັດທະຍົມຕອນຕົ້ນພູເຂົາຄຳໄດ້ຂື້ນຜ່ານບົດສະຫຼຸບສົກຮຽນປະຈຳປີ 2018-2019 ຊື່ງທ່ານໄດ້ໃຫ້ຮູ້ວ່າໃນໄລຍະຜ່ານມາຄູອາຈານແຕ່ລະສະຫາຍແມ່ນມີແນວຄິດອຸ່ນອ່ຽນທຸ່ນທຽ່ງຕໍ່ການຈັດຕັ້ງກໍ່ຄືການປະຕິບັດລະບຽບກົດໝາຍຂອງລັດ,ລະບຽບຂອງລັດຖະກອນ ,ປະຕິບັດຕາມມະຕິຄຳສັ່ງຂອງຂັ້ນເທີງ,ມີຄວາມຮັບຜິດຊອບຕໍ່ໝ້າທີ່ວຽກງານທີ່ການຈັດຕັ້ງມອບໝາຍໃຫ້,ມີຄວາມສາມັກຄີເຊີ່ງກັນ ແລະ ກັນທັງພາຍໃນພາຍນອກ. ປະຈຸບັນໂຮງຮຽນພູເຂົາຄຳຊັ້ນມັດທະຍົມຕອນຕົ້ນມີຄູອາຈານທັງໝົດ 12 ຄົນ,ຍີງ 08 ຄົນ,ມີນັກຮຽນທັງໝົດ 111 ຄົນ,ເປັນຍີງ 66 ຄົນໃນນັ້ນຊັ້ນມໍ 01 ມີນັກຮຽນ 29 ຄົນ,ຍີງ 20 ຄົນສອບເສັງໄດ້ 29 ຄົນເທົ່າກັບ 100%,ຊັ້ນມໍ 02 ມີ 30 ຄົນ,ຍີງ 18 ຄົນສອບເສັງໄດ້ 28 ຄົນເທົ່າກັບ 93%,ຊັ້ນມໍ 03 ມີ 27 ຄົນ,ຍີງ 17 ຄົນສອບເສັງໄດ້ 24ຄົນເທົ່າກັບ 89% ສຳລັບຊັ້ນມໍ 04 ພວມກະກຽມສອບເສັງຈົບຊັ້ນ.



ຊັ້ນປະຖົມມີຄູອາຈານທັງໝົດ 08 ຄົນ,ຍີງ 06 ຄົນ,ມີນັກຮຽນທັງໝົດ 146 ຄົນ,ຍີງ 61 ຄົນຊັ້ນປໍ 01 ມີນັກຮຽນ 25 ຄົນ,ຍີງ 10 ຄົນສອບເສັງໄດ້ 22 ຄົນເທົ່າກັບ88%,ຊັ້ນປໍ 02 ມີ 31 ຄົນ,ຍີງ 12 ຄົນສອບເສັງໄດ້ 30 ຄົນເທົ່າກັບ 97% ,ຊັ້ນປໍ 03 ມີ 38 ຄົນ,ຍີງ 17 ຄົນສອບເສັງໄດ້ 36 ຄົນເທົ່າກັບ 95%,ຊັ້ນປໍ 04 ມີ 32 ຄົນ,ຍີງ 12 ຄົນສອບເສັງໄດ້ 28 ຄົນເທົ່າກັບ 88% ແລະ ຊັ້ນປໍ05 ມີ 20 ຄົນ,ຍີງ 10 ຄົນສອບເສັງໄດ້ 20 ຄົນເທົ່າກັບ 100%. ສຳລັບຊັ້ນອານຸບານມີຄູອາຈານທັງໝົດ 09 ຄົນ,ຍິງ 09 ຄົນມີນັກຮຽນທັງໝົດ 109 ຄົນ,ຍີງ 50 ຄົນ.ໃນໄລຍະຜ່ານມາຄູອາຈານແຕ່ລະສະຫາຍໄດ້ມີການສ້າງແຜນການສອນປະຈຳປີ,ກວດກາປະຈຳເດືອນ,ເສັງພາກຮຽນ 1 ,ໄດ້ແຕ່ງບົດສອນ,ຜ່ານບົດສອນ,ຂື້ນຫ້ອງສອນເປັນປົກກະຕິ,ມີຄວາມຮັບຜິດຊອບສູງຕໍ່ວຽກງານທີ່ການຈັດຕັ້ງມອບໝາຍໃຫ້,ເອົານັກຮຽນໄປສອບເສັງທົດລອງຂັ້ນແຂວງຈຳນວນ 04ນ້ອງ,ສອບເສັງພອນສະຫວັນຂັ້ນເມືອງຈຳນວນ 04 ນ້ອງສາມາດສອບເສັງໄດ້ປະເພດ 02 ວິຊາຄະນິດສາດ,ມອບຂອງຂັວນໃຫ້ນັກຮຽນທີ່ຮຽນໄດ້ອັນດັບດີປະຈຳພາກຮຽນ ແລະ ປະເມີນຄູປະຈຳປີໄດ້ສຳເລັດ.



ພ້ອມນີ້ພິທີຍັງໄດ້ມອບໃບປະກາດສະນິຍາບັດຈົບຊັ້ນປະຖົມສຶກສາໃຫ້ນ້ອງນ້ອຍນັກຮຽນໃຫ້ກຽດຂື້ນມອບໂດຍ ທ່ານ ຄຳປານ ຄຳມຸງຄຸນ ກຳມະການພັກເມືອງຫົວໝ້າຫ້ອງການສຶກສາທິການ-ກິລາເມືອງແກ້ວອຸດົມ,ພ້ອມນີ້ຍັງໄດ້ມອບລາງວັນໃຫ້ແກ່ນັກຮຽນເກັ່ງ,ໃຫ້ກຽດຂື້ນມອບໂດຍ ທ່ານ ບົວວັນ ແກ້ວວິໄລທອງ ຄະນະປະຈຳພັກເມືອງປະທານກວດກາພັກ-ລັດເມືອງແກ້ວອຸດົມພ້ອມທັງຮັບຟັງການໂອ້ລົມຈາກທ່ານອີກດ້ວຍ.

ຂ່າວ: ສຸກັນ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

ໂປພິເສດ! ກົດອ່ານດ່ວນ!

Aliexpress WW

Post a Comment

0 Comments