ປະກາດຕາມຫາ ທ້າວ ຈັນແດງ ສູນດາຣາ (Chandeng SUNDARA) ໄປຮຽນທີ່ ເຢຍລະມັນ ຂາດການຕິດຕໍ່ແຕ່ປີ 1991


ສະບາຍດີຊາວເຟດທັງຫຼາຍ, ຂໍຄວາມຊ່ວຍເຫຼືອຊາວເຟດທັງຫຼາຍຊ່ວຍຕາມຫານັກສຶກສາລາວທີ່ສູນຫາຍ.
ຂໍ້ມູນລາຍລະອຽດດັ່ງນີ້:

ຂ້າພະເຈົ້າ ທ້າວ ອຸ່ນເຮືອນ ສູນດາຣາ ເປັນອ້າຍຂອງຜູ້ສູນຫາຍ ຊື່ ທ້າວ ຈັນແດງ ສູນດາຣາ (Chandeng SUNDARA)ບ້ານເກີດ ບ້ານແຊນຄະລົກເມືອງຫຼວງພະບາງ ແຂວງຫຼວງພະບາງ, ຊື່ພໍ່ ຊຽງຜຸຍ, ຊື່ແມ່ ສາວແພງ,
ລາວເປັນນັກສຶກສາລາວໄດ້ທຶນໄປຮຽນຕໍ່ຢູ່ປະເທດໂປໂລຍ ແຕ່ປີ 1986



ພາຍຫຼັງປະເທດໂປໂລຍ ມີສະພາບວຸ້ນວາຍ ສະຖານທູດໄດ້ຈັດສົ່ງນັກສຶກສາລາວກັບຄືນປະເທດ, ແຕ່ນ້ອງຊາຍຂ້າພະເຈົ້າບໍ່ໄດ້ກັບ, ຈິ່ງໄປຮຽນຕໍ່ຢູ່ປະເທດເຢຍລະມັນ ປີ 1988, ຮູບດ້ານລ້າງເປັນຮູບຖ່າຍຢູ່ພາຍໃນຫ້ອງນອນຂອງລາວເອງ ຢູ່ປະເທດເຢຍລະມັນ ຮູບໃບນີ້ແມ່ນລາວຝາກມານຳຈົດໝາຍ, ແຕ່ຂ້າພະເຈົ້າບໍ່ຮູ້ຊື່ມະຫາວິທະຍາໄລທີ່ລາວຮຽນ.



ຈົນຮອດວັນທີ 25/1/1991 ເລີ່ມຂາດການຕິດຕໍ່ກັບຄອບຄົວ ແລະ ບໍ່ມີຂ່າວຄາວກຽ່ວກັບລາວເລີຍຈົນເຖິງປະຈຸບັນ ບໍ່ຮູ້ວ່າຍັງມີຊີວິດຢູ່ ຫຼື ເສຍຊີວິດແລ້ວ, ຂ້າພະເຈົ້າໄດ້ແຕ່ຫວັງວ່າຊາວເຟດຈະຊ່ວຍຂ້າພະເຈົ້າຕາມຫານ້ອງຊາຍທີ່ສູນຫາຍໄປກັບຄືນມາ, ຖ້າໃຜທີ່ເປັນໝູ່ຄູ່ ແລະເພື່ອນຮ່ວມຮຽນນຳລາວ ຫຼືໃຜຮູ້ຂໍ້ມູນກ່ຽວກັບລາວກະຂໍໃຫ້ຕິດຕໍ່ຫາຂ້າພະເຈົ້າ ທາງເຟດຂອງຂ້າພະເຈົ້າ ( ອຸ່ນເຮືອນ ສູນດາລາ) ຫຼື ເບີໂທ : +856 20 55250031
ຂໍຂອບໃຈລວງໜ້ານຳຊາວເຟດທັງຫຼາຍທີ່ຊ່ວຍແຊເພື່ອຕາມຫານ້ອງຊາຍໃຫ້ຂ້າພະເຈົ້າ.



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------


Post a Comment

0 Comments