ເຊັນສັນຍາໂຄງການກໍ່ສ້າງ-ສ້ອມແປງຊົນລະປະທານ ຫ້ວຍຮົ່ວ 3 ເມືອງໂພນທອງ


ຫຼວງພະບາງ: ວັນທີ 5 ມິຖຸນາ 2019 ນີ້ ທີ່ຫ້ອງປະຊຸມຫ້ອງການກະສິກໍາ ແລະ ປ່າໄມ້ເມືອງໂພນທອງ ໄດ້ຈັດພິທີ ເຊັນສັນຍາໂຄງການກໍ່ສ້າງ-ສ້ອມແປງຊົນລະປະທານ ຫ້ວຍຮົ່ວ 3 ບ້ານນາຫຼວງ ລະຫວ່າງ ຫ້ອງການກະສິກໍາ ແລະ ປ່າໄມ້ເມືອງ ໃນນາມເຈົ້າຂອງໂຄງການ ກັບບໍລິສັດ ແວດປະເສີດ ກໍ່ສ້າງຊົນລະປະທານ, ໂດຍມີ ທ່ານ ສົມມາລີ ຄໍາເກັ່ງ ເຈົ້າເມືອງ-ເມືອງໂພນທອງ, ພ້ອມດ້ວຍຄະນະກໍາມະການຄຸ້ມຄອງການລົງທຶນຂອງລັດຂັ້ນເມືອງ, ຕາງໜ້າບໍລິສັດ ແວດປະເສີດ ກໍ່ສ້າງຊົນລະປະທານ, ຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມ.


ໃນພິທີ ໄດ້ຮັບຟັງ ການຜ່ານຂໍ້ຕົກລົງຂອງທ່ານເຈົ້າເມືອງໂພນທອງ ວ່າດວ້ຍການຮັບຮອງ ແລະມອບຮັບວຽກງານການກໍ່ສ້າງ - ສ້ອມແປງ ຊົນລະປະທານຫ້ວຍຮົ່ວ 3 ບ້ານນາຫລວງ ກຸ່ມນາຊອນ ເມືອງໂພນທອງ ທີ່ຖືກຜົນກະທົບ ຈາກໄພພິບັດທໍາມະຊາດໃນປີຜ່ານມາ, ມີມູນຄ່າທັງໝົດ 7 ຮ້ອຍລ້ານກີບ ໂດຍແມ່ນບໍລິສັດ ແວດປະເສີດ ກໍ່ສ້າງຊົນລະປະທານ ເປັນຜູ້ຮັບເໝົາ ໂດຍຜ່ານການຊະນະການປະມູນ ໃນວັນທີ່ 2 ພືດສະພາ ປີ 2019 ການກໍ່ສ້າງ ຄັ້ງນີ້ ແມ່ນນໍາໃຊ້ງົບປະມານ ທຶນຟື້ນຟູໄພພິບັດ, ຈາກນັ້ນ ທ່ານ ວົງເພັດ ທອງລານີວົງ ຮອງຫົວໜ້າ ຫ້ອງການ ກະສິກໍາແລະ ປ່າໄມ້ເມືອງ ໄດ້ຂຶ້ນຜ່ານ ສັນຍາການກໍ່ສ້າງ -ສ້ອມແປງຊົນລະປະທານ ຕາມຮ່າງ ແລະຂໍ້ກໍານົດ, ກົດລະບຽບການລົງທຶນຂອງລັດ ວາງອອກ,



ໂດຍຈະໄດ້ລົງມືຈັດຕັ້ງປະຕິບັດແຕ່ວັນທີ 5 ມິຖຸນາ ປີ 2019 ໃຊ້ເວລາ 3 ເດືອນ ຈື່ງຈະສໍາເລັດ, ພ້ອມນັ້ນທັງສອງຝ່າຍ ໄດ້ເຊັນບົດບັນທືກຮ່ວມກັນ ໂດຍມີຜູ້ເຂົ້າຮ່ວມ ເປັນສັກຂີພິຍານ.ໂອກາດນີ້ ທ່ານ ສົມມາລີ ຄໍາເກັ່ງ ໄດ້ຊີ້ນໍາ ໃຫ້ເຈົ້າຂອງໂຄງການ ແລະບໍລິສັດຜູ້ຮັບເໝົາ ຈົ່ງພ້ອມກັນເອົາໃຈໃສ່ ຈັດຕັ້ງປະຕິບັດໃຫ້ມີຜົນສໍາເລັດຕາມສັນຍາທີ່ໄດ້ກໍານົດໄວ້ ເພື່ອຕອບສະໜອງ ນໍ້າຊົນລະປະທານເຂົ້າສູ່ເຂດການຜະລິດຂອງປະຊາຊົນໃຫ້ໄດ້ຮັບຜົນດີກ່ວາເກົ່າ.

ຂ່າວ: ທະນູສີນ ອິດທິພົນ ນັກຂ່າວເມືອງໂພນທອງ 



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

------------------------------------------
ໂປພິເສດ! ກົດອ່ານດ່ວນ!
Aliexpress WW

Post a Comment

0 Comments