ກອງປະຊຸມໃຫຍ່ ຄັ້ງທີ 4 ຂອງຜູ້ແທນຊາວໜຸ່ມເມືອງທ່າແຕງ



ເຊກອງ: ໃນໂອກາດທີ່ທ່ານ ສົມເພັດ ເອິດລັດດາ ວ່າການເລຂາພັກເມືອງ ວ່າການເຈົ້າເມືອງໆທ່າແຕງ ໃຫ້ກຽດເຂົ້າຮ່ວມກອງປະຊຸມໃຫຍ່ຄັ້ງທີ 4 ຂອງຜູ້ແທນຊາວໜຸ່ມເມືອງທ່າແຕງ ໃນທ້າຍເດືອນພຶດສະພາແລ້ວນີ້, ທ່ານກໍໄດ້ປະກອບຄໍາເຫັນ ກ່ຽວກັບການຈັດຕັ້ງປະຕິບັດວຽກງານຊາວໜຸ່ມ ພາຍໃນເມືອງ.



ໂດຍສະເພາະດ້ານຕັ້ງໜ້າທີ່ຈະຕ້ອງເສີມຂະຫຍາຍ ແລະ ບັນຫາຄົງຄ້າງ ທີ່ຈະຕ້ອງສຸມໃສ່ແກ້ໄຂ ເພື່ອໃຫ້ການຈັດຕັ້ງປະຕິບັດໃນຕໍ່ໜ້າມີຜົນສຳເລັດ ແລະ ມີປະສິດທິຜົນສູງ, ເຊິ່ງດ້ານຕັ້ງໜ້າໃນ 5 ປີຜ່ານ ມາເຫັນວ່າ: ວຽກງານຊາວໜຸ່ມ ມີທ່າກ້າວໜ້າຫຼາຍເປັນຕົ້ນ: ວຽກງານສຶກສາອົບຮົມການເມືອງແນວຄິດ ວຽກງານຂະບວນການຊາວໜຸ່ມ-ເຍົາວະຊົນ, ວຽກງານສົ່ງເສີມອາຊີບຊາວໜຸ່ມ ວຽກງານພົວພັນຕ່າງປະເທດ ແລະ ອື່ນໆ. ອັນພົ້ນເດັ່ນ ແມ່ນການກໍ່ສ້າງຮາກຖານການເມືອງ ນັບແຕ່ສໍານັກງານລົງຮອດຮາກຖານບ້ານ ເຫັນວ່າມີຄວາມເຂັ້ມແຂງ, ການຂະຫຍາຍໜ່ວຍຊາວໜຸ່ມ ເມື່ອທຽບໃສ່ສະໄໝທີ3 ເພີ່ມຂຶ້ນ 18 ໜ່ວຍ, ລົບລ້າງບ້ານຂາວໄດ້ 100%, ຂະຫຍາຍສະມະຊິກຊາວໜຸ່ມໄດ້ 1 ພັນກວ່າສະຫາຍ ຊຶ່ງລື່ນຄາດໝາຍທີ່ວາງໄວ້, ສ້າງໜ່ວຍຊາວໜຸ່ມ 4 ບຸກໄດ້ 70 ໜ່ວຍ ກວມເອົາ 97%. ສາເຫດດັ່ງກ່າວນັ້ນ ຈິ່ງເປັນເງື່ອນໄຂ ໃຫ້ເມືອງທ່າແຕງ ໄດ້ປະກາດເປັນເມືອງຊາວໜຸ່ມຕົວແບບ 4 ບຸກໃນປີ 2017.



ນອກນັ້ນ ວຽກງານເຍົາວະຊົນ ກໍເຫັນວ່າມີການຂະຫຍາຍຕົວເພີ່ມຂຶ້ນ ເຖິງ 22 ກວ່າສ່ວນຮ້ອຍ ແລະ ອະນຸຊົນເພີ່ມຂຶ້ນ 23 ກວ່າສ່ວນຮ້ອຍ. ສ່ວນວຽກງານພັດທະນາເສດຖະກິດ-ສັງຄົມ ກໍເຫັນວ່າ ແຕ່ລະໜ່ວຍມີຄັງເງິນຕໍ່າສຸດ 5 ແສນກີບ ແລະ ສູງສຸດ 20 ລ້ານກີບ. ອັນໄດ້ເປັນເງື່ອນໄຂດີໃນການແກ້ໄຂເສດຖະກິດຄອບຄົວຂອງຊາວໜຸ່ມ. ຈາກຜົນສໍາເລັດ ແລະ ເງື່ອນໄຂສະພາບຕົວຈິງ ທີ່ຄະນະບໍລິຫານງານຊາວໜຸ່ມ ຊຸດທີ 3 ຂອງເມືອງທ່າແຕງ ໄດ້ເຄື່ອນໄຫວມີຜົນສໍາເລັດດີ, ພ້ອມຄົບຕາມວາລະ ແລະ ສະໄໝ; ຈິ່ງຈໍາເປັນຕ້ອງໄດ້ໄຂກອງປະຊຸມໃຫຍ່ຂຶ້ນ ເພື່ອຄັດເລືອກເອົາຄະນະບໍລິຫານງານຊາວໜຸ່ມຊຸດໃໝ່ອີກຄັ້ງ ເຊິ່ງເປັນຊຸດທີ 4.



ຈາກນັ້ນ; ທ່ານ ສົມເພັດ ເອິດລັດດາ ຍັງມີຄໍາເຫັນຕື່ມອີກ ເພື່ອໃຫ້ບັນດາສະຫາຍຄະນະບໍລິຫານງານຊາວໜຸ່ມເມືອງຊຸດທີ 4 ທີ່ຖືກຄັດເລືອກໃນຄັ້ງນີ້ ສຸມໃສ່ແກ້ໄຂບັນຫາທີ່ຍັງຄົງຄ້າງໂດຍສະເພາະ ບັນຫາປະກົດການຫຍໍ້ທໍ້ ທີ່ເກີດຂຶ້ນໃນຊາວໜຸ່ມ-ໄວໜຸ່ມ ແລະ ພ້ອມກັນສືບຕໍ່ຜັນຂະຫຍາຍທິດທາງແຜນການ ຄັ້ງທີ 4 ນີ້ໃຫ້ປະກົດຜົນເປັນຈິງ ແລະ ຍິ່ງໃຫຍ່ກວ່າເກົ່າ.

ໂດຍ ລັດຕະນະພອນ ກອງໄຊສະຫວັດ
ນັກຂ່າວເມືອງທ່າແຕງ



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

------------------------------------------
ໂປພິເສດ! ກົດອ່ານດ່ວນ!
Aliexpress WW

Post a Comment

0 Comments