ນະຄອນ-ຫຼວງພະບາງ ຈັດບັ້ນສອບເສັງຈົບຊັ້ນ ມັດທະຍົມຕົ້ນ ມ4

  
ວັນທີ 18 ມິຖຸນາ 2019 ນີ້ ທີ່ໂຮງຮຽນມັດທະຍົມສົມບູນ ປ່ອງຄໍາ ນະຄອງ-ຫຼວງພະບາງ ໄດ້ຈັດພິທີເປີດການສອບເສັງ ຈົບຊັ້ນມັດທະຍົມຕອນຕົ້ນ ມ4 ຢ່າງເປັນທາງການ ມີ ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ, ພ້ອມດ້ວຍ ຄະນະນຳ ແລະຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາ ນະຄອນ ຫຼວງພະບາງ, ຄະນະກຳມະການ, ພະນັກງານຄູ ແລະນັກສອບເສັງເຂົ້າຮ່ວມ. 

ໃນພິທີ ທ່ານ ບົວແຫວນ ບຸນທະວົງ ຫົວໜ້າຫ້ອງການສຶກສາທິການ ແລະ ກິລາ ນະຄອນ ຫຼວງພະບາງ ລາຍງານໃຫ້ຮູ້ວ່າ: ທົ່ວນະຄອນ ຫຼວງພະບາງ ມີໂຮງຮຽນມັດທະຍົມຕອນຕົ້ນທັງໝົດ 24 ແຫ່ງ ໃນນີ້ມີໂຮງຮຽນເອກະຊົນ 3 ແຫ່ງ, ມີໂຮງຮຽນມັດທະຍົມ ທີ່ມີຂັ້ນຮຽນຮອດຊັ້ນ ມ4 ຈຳນວນ 21 ແຫ່ງ, ແບ່ງເປັນ 12 ສູນສອບເສັງ, ມີຫ້ອງສອບເສັງທັງໝົດ 83 ຫ້ອງ, ມີນັກສອບເສັງ 1.666 ຄົນ, ຍິງ 714 ຄົນ,ສະເລ່ຍມີນັກສອບເສັງ 20 ຄົນຕໍ່ຫ້ອງ ແລະອະນຸກຳມະການເຝົ້າຫ້ອງ 2 ຄົນຕໍ່ຫ້ອງ, ດຳເນີນການສອບເສັງ ລະຫວ່າງວັນທີ 18-20 ມິຖຸນາ 2019 ເຊິ່ງກໍານົດເອົາ 6 ວິຊາຫຼັກຄື: ພາສາລາວ-ວັນນະຄະດີ, ສຶກສາພົນລະເມືອງ, ວິທະຍາສາດທຳມະຊາດ, ວິທະຍາສາດສັງຄົມ, ຄະນິດສາດ ແລະພາສາອັງກິດ ໂດຍໄດ້ກຳນົດເອົາໂຮງຮຽນມັດທະຍົມສູມບູນປ່ອງຄຳ ເປັນສະຖານທີ່ເປີດການສອບເສັງ ທົ່ວນະຄອນຫຼວງພະບາງ. ໂອກາດດັ່ງກ່າວ, ຄະນະປະທານໄດ້ກ່າວເປີດການສອບເສັງ ແລະຕັດຫົວບົດສອບເສັງຢ່າງເປັນທາງການ.

ໂດຍ: ແຈັກກີ້ ສກຂ ຫຼວງພະບາງ.





Post a Comment

0 Comments