ຖ້າຢາກເປັນຄົນສົມຫວັງໃນຄວາມຮັກ ຕ້ອງເຂົ້າໃຈ 4 ສິ່ງນີ້




1. ຕ່າງຝ່າຍຕ່າງມີຫນ້າທີ່:
ເລື້ອງຮັກມັນກໍ່ຮັກຢູ່ດອກ ແຕ່ທຸກໆຄົນເທິງໂລກນີ້ລ້ວນແລ້ວແຕ່ມີຫນ້າທີ່ທີ່ຕ້ອງເຮັດ ຖ້າຈະເອົາແຕ່ຄວາມຮູ້ສຶກມານໍາຢ່າງດຽວມັນກໍ່ຄົງບໍ່ແມ່ນແລ້ວ ເຖິງແມ່ນວ່າຄວາມຮັກຈະຍິ່ງໃຫ່ຍ ແລະ ເຮັດໃຫ້ເຮົາມີຄວາມສຸກຂະຫນາດໃດກໍ່ຕາມ ແຕ່ມັນກໍ່ບໍ່ແມ່ນທຸກຢ່າງຂອງຊີວິດ ທາງທີ່ດີເຮົາຄວນເວັ້ນໄລຍະຫ່າງກັນຈັກຫນ້ອຍໃຫ້ເຫລືອພື້ນທີ່ ທີ່ທັງສອງຄົນຕ້ອງໄດ້ເຮັດຕາມຄວາມຝັນ ໄດ້ເຮັດຕາມຫນ້າທີ່ຂອງໂຕເອງ ຄອຍເປັນກໍາລັງໃຈໃຫ້ກັນດີກວ່າ ນີ້ລະທີ່ເຂົາເອີ້ນວ່າຮັກດີໆ



2. ເຂົ້າໃຈເຊິ່ງກັນແລະກັນ:
ເວົ້າງ່າຍໆກໍ່ຄືເຊື່ອໃຈກັນນັ້ນລະ ຄົນເຮົາມັນຢູ່ນໍາກັນບໍ່ໄດ້ດອກຖ້າບໍ່ເຊື່ອໃຈກັນ ອີກຄົນກໍ່ລະແວງ ອີກຄົນກໍ່ອຶດອັດ ເຖິງຢູ່ໄດ້ກໍ່ຄົງຈະຢູ່ກັນໄດ້ບໍ່ດົນ ເພາະສະນັ້ນຖ້າຢາກມີຄວາມຮັກແບບມີຄວາມສຸກກໍ່ເລີ່ມຕົ້ນດ້ວຍການເຊື່ອໃຈກັນ ໄວ້ໃຈກັນງ່າຍໆເທົ່ານັ້ນເອງ




3. ໃຫ້ກຽດກັນສະເຫມີ:
ເຖິງແມ່ນວ່າພວກເຮົາຈະຄົບກັນມາດົນ ແຕ່ເລື້ອງການໃຫ້ກຽດນີ້ກໍ່ບໍ່ຄວນຫາຍໄປຕາມການເວລາ ມັນຄວນແຕ່ຈະຍິ່ງຄົບກັນດົນເຂົ້າ ຍິ່ງຕ້ອງໄດ້ແຄຄວາມຮູ້ສຶກ ຍິ່ງຕ້ອງເຄົາລົບໃຫ້ກຽດອີກຝ່າຍ ນີ້ລະສິ່ງທີ່ຈະໃຫ້ຄວາມຮັກຂອງພວກເຮົາຍືນຍາວ ແລະ ຫວານຊື່ນ


4. ຄວາມສົມບູນແບບບໍ່ມີຈິງ:
ບໍ່ມີດອກພວກພະເອກ ນາງເອກ ຄືໃນລະຄອນນັ້ນນະ ຖ້າມົວແຕ່ໄປຫາ ໄປລໍຖ້າຄົນທີ່ສົມບູນແບບ ເຮົາກໍ່ຄົງບໍ່ມີຄວາມຮັກຄືກັບຄົນອື່ນເຂົາຈັກເທື່ອ ດັ່ງນັ້ນຍອມຮັບໃນຄວາມຈິງໂລດ ສິ່ງທີ່ດີນອກຈາກຄົນທີ່ສົມບູນແບບກໍ່ຄືການທີ່ເຮົາໄດ້ເຈິຄົນທີ່ເຂົາຮັກເຮົາໃນຍາມທີ່ເຮົານັ້ນຫນ້າຮັກ ແລະ ບໍ່ຫນ້າຮັກ ມັນຫາຍາກຄົນທີ່ຈະຮັບເຮົາໄດ້ທັງຂໍ້ດີ ແລະ ຂໍ້ເສຍ ຖ້າໃຜໄດ້ເຈິຄົນແບບນີ້ກໍ່ຮັກສາເຂົາໄວ້ໃຫ້ດີໆກໍ່ແລ້ວກັນ

ໂດຍ > ສຸຣິດທິເດດ ບຸດດາວົງ

Post a Comment

0 Comments