Header Ads

ສຳເລັດກອງປະຊຸມສະຫລຸບການປະເມີນຜົນ ຂະບວນການແຂ່ງຂັນ 5 ເປັນເຈົ້າຮອບ III ປີ 2019



ວຽງຈັນ: ສະຫະພັນກຳມະບານລັດວິສາຫະກິດໄຟຟ້າສາຂາແຂວງວຽງຈັນ ເປີດກອງປະຊຸມສະຫລຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ວັນທີ 12 ກໍລະກົດ 2019 ທິ່ສະໂມສອນ ຣີສອດ ແຫລວຄຳປະເສີດ, ໂດຍການເປັນປະທານຂອງທ່ານ ອຸໄດ ພົມມະຈັນ ປະທານສະຫະພັນກຳມະບານລັດວິສາຫະກິດໄຟຟ້າສາຂາແຂວງວຽງຈັນ ໃຫ້ກຽດເຂົ້າຮ່ວມໂດຍທ່ານ ຈຳປາທອງ ວົງເດືອນ ເລຂາຄະນະພັກ ຫົວໜ້າລັດວິສາຫະກິດໄຟຟ້າສາຂາແຂວງວຽງຈັນ, ມີທ່ານ ນາງ ບຸນຄໍ້າ ສີສຸທຳ ຮອງປະທານສະຫະພັນກຳມະບານແຂວງວຽງຈັນ, ມີແຂກຮັບເຊີນ, ສະມາຊິກກຳມະບານເຂົ້າຮ່ວມ 152 ສະຫາຍ, ຍິງ 60 ສະຫາຍ.

ໃນກອງປະຊຸມທ່ານ ອຸໄດ ພົມມະຈັນ ໄດ້ຂື້ນຜ່ານບົດສະຫລຸບການຈັດຕັ້ງປະຕິບັດ ເນື້ອໃນຂໍ້ແຂ່ງຂັນ 5 ເປັນເຈົ້າປະຈຳປີ 2019 ຜ່ານທິດທາງແຜນການໃນຕໍ່ໜ້າ ແລະ  ຍັງໄດ້ຍົກໃຫ້ເຫັນຜົນງານດ້ານດີ, ຂໍ້ຄົງຄ້າງ, ບົດຮຽນທິ່ຖ່ອດຖ່ອນໄດ້, ບາງຕອນທ່ານຍັງໃຫ້ຮູ້ວ່າ ສະຫະພັນກຳມະບານ ລັດວິສາຫະກິດໄຟຟ້າສາຂາແຂວງວຽງຈັນ ປະກອບມີ 4 ຮາກຖານ , 19 ໜ່ວຍທິ່ຂື້ນກັບ, ມີສະມາຊິກກຳມະບານທັງໝົດ 196 ສະຫາຍ, ຍິງ 66 ສະຫາຍ, ສະມາຊິກກຳມະບານເຂົ້າເປັນສະມາຊິກກອງທຶນ ຊ່ວຍເຫລືອເຊິ່ງກັນ ແລະ ກັນ ແລະ ກອງທຶນທານຸເຄາະ ມີທັງໝົດ 181 ສະຫາຍ, ຍິງ 49 ສະຫາຍ, ຍັງໄດ້ຕີລາຄາສະມາຊິກໃນໄລຍະ 01 ປີຜ່ານມາໄດ້ຈັດອອກເປັນ 02 ປະເພດຄື: ສະມາຊິກກຳມະບານ 5 ເປັນເຈົ້າປະເພດ 01 ມີ 187 ສະຫາຍ ແລະ ປະເພດ 02 ມີ 09 ສະຫາຍ, ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າພາຍໃນໜ່ວຍທີ່ຂື້ນກັບສາມາດປະຕິບັດໄດ້ 95 % ຖ້າທຽບໃສ່ແຜນການທີ່ວາງໃວ້ແມ່ນໄດ້ 100%, ຈາກຜົນງານດັ່ງກ່າວຈຶ່ງໄດ້ຮັບໃບຢັ້ງຢືນສະຫະພັນກຳມະບານ 5 ເປັນເຈົ້າ ແລະ ສະຫະພັນກຳມະບານລັດວິສາຫະກິດໄຟຟ້າສາແຂວງວຽງຈັນໄດ້ມອບໃບຢັ້ງຢືນ 5 ເປັນເຈົ້າໃຫ້ 4 ກຳມະບານຮາກຖານທີ່ຂື້ນກັບ.

ທ້າຍພິທີໄດ້ຮັບຟັງການໂອ້ລົມຂອງທ່ານ ຈຳປາທອງ ວົງເດືອນ ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຜົນ
ງານທີ່ຍາດມາໄດ້ໃນໄລຍະຜ່ານມາ ແລະ ທ່ານຍັງໄດ້ເນັ້ນໜັກໃນວຽກງານການຈັດຕັ້ງປະຕິບັດ 5 ເປັນເຈົ້າ ຕິດພັນກັບໜ່ວຍພັກປອດໃສເຂັ້ມແຂງ ໜັກແໜ້ນ, ເອົາໃຈໃສ່ໂຄສະນາສຶກສາອົບຮົມວຽກງານການເມືອງແນວຄິດໃຫ້ແກ່ສະມາຊິກກຳມະບານທຸກສະຫາຍ, ຮຽກຮ້ອງໃຫ້ສະມາຊິກກຳມະບານແຕ່ລະສະຫາຍຈົ່ງພ້ອມກັນເອົາໃຈໃສ່ຕັ້ງໜ້າປະຕິບັດວຽກງານວິຊາສະເພາະຂອງຕົນໃຫ້ສຳເລັດຕາມລະດັບຄາດໝາຍທິ່ວາງໃວ້.

ຂ່າວ: ໄຊປັນຍາ






No comments

Powered by Blogger.