8 ເທັກນິກ ເກັ່ງພາສາອັງກິດດ້ວຍໂຕເອງ ບໍ່ຕ້ອງເສຍເງິນຮຽນກໍ່ເກັ່ງໄດ້




1. ຝຶກລົມກັບໂຕເອງ:
ວິທີທີ່ສຸດເລີດ ເປັນວິທີທີ່ດີຢ້ຽມສໍາລັບໃຜທີ່ຂີ້ອາຍ ຫລື ບໍ່ກ້າອອກໄປໃຊ້ສໍານຽງເວົ້າກັບໃຜ ກໍ່ຝຶກເວົ້າກັບໂຕເອງນີ້ລະ ແຍງແວ່ນ ແລະ ລອງເວົ້າພາສາອັງກິດ ໃຜຈະມາຫາວ່າເຮົາບ້າກະຢ່າເຂົາ ດ່າກັບໄປເປັນພາສາອັງກິດເລີຍ.


2. ຟັງເພງ ຂ່າວ ຫລື ວິທະຍຸ ທີ່ເປັນພາສາອັງກິດ:
ເຊື່ອວ່າສາວໆຫລາຍຄົນມັກຟັງເພງກັນເປັນປົກະຕິ ຍິ່ງເວລາຂັບລົດ ຫລື ນັ່ງເຮັດວຽກຕ້ອງຟັງເພງແກ້ເບື່ອກັນຢູ່ແລ້ວ ແນະນໍາໃຫ້ຫັນມາຟັງເພງສາກົນກັນ ແຕ່ວ່າຈະຟັງຢ່າງດຽວບໍ່ໄດ້ ຕ້ອງເປີດຫາຄວາມຫມາຍຂອງເນື້ອເພງນັ້ນພ້ອມ ຈະໄດ້ຮູ້ຈັກຄໍາສັບຫລາຍຂື້ນ.


3. ອ່ານຂ່າວ ບົດຄວາມ ຫລື ນິຍາຍ ທີ່ເປັນພາສາອັງກິດ:
ຮູ້ບໍ່ວ່າການຝຶກອ່ານພາສາອັງກິດນັ້ນຊ່ວຍເຮັດໃຫ້ເຮົາໄດ້ຄວາມຮູ້ຫລາຍຂື້ນ ແລະ ທັນໂລກກ່ອນໃຜ ນອກຈາກເຮົາຈະໄດ້ເພີດເພີນກັບການອ່ານແລ້ວ ເຮົາຍັງໄດ້ຮູ້ຄໍາສັບໃຫມ່ໆຂື້ນມາອີກດ້ວຍ.

4. ເບິ່ງຫນັງ ຊີລີ ຫລື ກະຕູນ ທີ່ເປັນພາສາອັງກິດ:
ວິທີນີ້ຫລາຍຄົນຈະໃຊ້ກັນຫລາຍ ແລະ ຂໍແນະນໍາໃຫ້ເບິ່ງທີ່ເປັນ soundtrack ເພາະນອກຈາກຈະໄດ້ຟັງສຽງສໍານຽງຂອງໂຕລະຄອນໃນເລື້ອງແລ້ວ ຍັງໄດ້ຮູ້ອີກດ້ວຍວ່າມັນແປວ່າຫຍັງ ເນື່ອງຈາກໃນຫນັງຈະມີບັນຍາຍແປໄທຢູ່ຂ້າງລຸ່ມໃຫ້ເຮົາໄດ້ອ່ານຕາມ ໄດ້ຟັງທັງສໍານຽງການເວົ້າ ແລະ ຍັງໄດ້ຮູ້ຄວາມຫມາຍຂອງຄໍານັ້ນອີກດ້ວຍ.


5. ຢູ່ໃນສະພາບແວດລ້ອມທີ່ມີແຕ່ຄົນຕ່າງປະເທດ:ເຄສນີ້ຈະເປັນວິທີບັງຄັບໄປໃນໂຕໂດຍສະເພາະ ເພາະຖ້າປົກະຕິເຮົາເວົ້າບໍ່ເປັນເລີຍ ບໍ່ເຄີຍເກັ່ງພາສາອັງກິດມາກ່ອນ ແຕ່ຖ້າຄົນອ້ອມໂຕເຮົາມີແຕ່ຄົນຕ່າງປະເທດ ເຮົາກໍ່ຈະບັງຄັບໂຕເອງໃຫ້ຝຶກຝົນພາສາໃຫ້ດີຂື້ນ ເພື່ອທີ່ຈະຢູ່ລອດໃນສັງຄົມນັ້ນ ແລະ ເຮັດໃຫ້ເຂົ້າໃຈວ່າພວກເຂົາເວົ້າອັນໃດກັນ ວິທີນີ້ໄດ້ຜົນລ້ານເປີເຊັນ ຈະເກັ່ງພາສາອັງກິດເອງໄດ້ໄປໃນໂຕ ເພາະມີຄົນລອງມາແລ້ວ.

6. ຫາຫມູ່ຕ່າງປະເທດລົມ:
ລອງຝຶກກັບຫມູ່ຕ່າງປະເທດຢູ່ໂຮງຮຽນ ຫລື ບ່ອນເຮັດວຽກ ຄອຍເຂົ້າໄປລົມກັບເຂົາປະຈໍາ ໃຫ້ເຂົາຊ່ວຍສອນພາສາໃຫ້ກັບເຮົາ ແຊັດກັບເຂົາປະຈໍາ ຫມູ່ກັນມັກຊ່ວຍເຫລືອກັນຢູ່ແລ້ວ ແລະ ສໍາລັບໃຜທີ່ບໍ່ມີຫມູ່ຕ່າງປະເທດເລີຍ ຂໍແນະນໍາໃຫ້ລອງຫາຫມູ່ຕ່າງປະເທດໃນໂລກໂຊຊຽວ ບໍ່ຕ້ອງອາຍທີ່ຈະຫາຫມູ່ໃຫມ່ໆ ເພາະສະໄຫມນີພາສາອັງກິດເປັນພາສາຫລັກທີ່ທຸກຄົນຕ້ອງໃຊ້.

7. ອາສາພາຫມູ່ຕ່າງປະເທດໄປທ່ຽວ ຫລື ເປັນໄກ້ພາທ່ຽວ:ພວກເຮົາທຸກຄົນລ້ວນມີສັງຄົມ ແລະ ຈໍາເປັນຕ້ອງມີຫມູ່ ຈຶ່ງບໍ່ແປກເລີຍທີ່ເຮົາຈະຄອຍຫາຫມູ່ໃຫມ່ໆຢູ່ສະເຫມີ ໂດຍສະເພາະຫມູ່ຕ່າງປະເທດ ນອກຈາກຈະໄດ້ທັງຮຽນພາສາອັງກິດ ແລະ ໄດ້ຮູ້ຄໍາສັບໃຫມ່ຫລາຍຂື້ນ ຍັງໄດ້ແລກປ່ຽນວັດທະນະທໍາ ແລະ ຄວາມຄິດເຫັນກັນອີກດ້ວຍ ເຜີໆອາດຈະກາຍເປັນຫມູ່ຊະນິດໃນອະນາຄົດກໍ່ໄດ້.

8. ຫາແຟນເປັນຄົນຕ່າງປະເທດ:
ຂໍ້ນີ້ບາງຄົນລໍຄອຍມາແສນນານ ເປັນວິທີເລັ່ງລັດ ສໍາລັບໃຜທີ່ຢາກເກັ່ງທັນທີ ເພາະຖ້າຢາກໄດ້ແຟນຕ່າງປະເທດໂຕເຮົາເອງກໍ່ຄົງຈະຕ້ອງຟັງຮູ້ເລື້ອງ ເວົ້າເປັນ ຂຽນໄດ້ ອ່ານອອກ ເພື່ອທີ່ຈະຢູ່ກັບເຂົາໄດ້ ດັ່ງນັ້ນກໍ່ຈົ່ງຝຶກຕາມວິທີທີ່ແນະນໍາບອກມາຂ້າງເທິງ ແລະ ສໍາລັບໃຜທີ່ພາສາພໍໄປວັດໄປວາໄດ້ ແຕ່ຢາກເກັ່ງຫລາຍຂື້ນ ກໍ່ຫາແຟນເປັນຕ່າງປະເທດເລີຍ ຮັບຮອງວ່າຄົບກັນໄປເລື້ອຍໆ ສາຍພາສາມາເອງທັນທີ ງານນີ້ໄດ້ທັງແຟນ ໄດ້ທັງພາສາພ້ອມ.


ໂດຍ > ສຸຣິດທິເດດ ບຸດດາວົງ

Post a Comment

0 Comments