Advice Shop ຕັ້ງເປົ້າ ຄອງຕະຫຼາດ ໄອທີ ໃນລາວ



ນະຄອນຫຼວງວຽງຈັນ: ເມື່ອເອີຍເຖິງ ກຸ່ມທຸລະກິດ ດ້ານໄອທີ່ ທີ່ມາແຮງ ແລະ ບຸກຕະຫຼາດ ລາວຢູ່ໃນປະຈຸບັນ ກໍ່ຄົງຈະປະຕິເສດບໍ່ໄດ້ ທີ່ຈະກ່າວເຖິງ Advice Shop. ຈາກຈຸດເລີ່ມຕົ້ນທີ່ໄດ້ມີແອັດໄວສ໌ (Advice Shop) ໃນ ສປປ.ລາວ ຈົນເຖິງມື້ນີ້ເປັນເວລາ 8 ປີແລ້ວ ຈາກໜຶ່ງເປັນສອງ....ຈາກສອງເປັນສີ່...ຈົນປະຈຸບັນເຮົາມີ Advice Shop ເຖິງ 21 ແຫ່ງ ຄອບຄຸມທຸກແຂວງທົ່ວປະເທດລາວ ຖືວ່າເປັນຮ້ານຄ້າທີ່ຈໍາໜ່າຍສິນຄ້າປະເພດໄອທີທີ່ມີສາຂາຫຼາຍທີ່ສຸດໃນ ສປປ.ລາວ.





ດ້ວຍຈຸດມຸ່ງໝາຍອັນໜັກແຫນ້ນ ຮ່ວມກັນຂອງທຸກໆ Advice Shop ໃນ ສປປ.ລາວ, ໃນປີ 2019 ນີ້ ທີ່ຕ້ອງການເລີ່ມຕົ້ນລວມພະລັງຮ່ວມໃຈທຸກໆຮ້ານໃຫ້ເປັນໜຶ່ງດຽວໃນນາມກຸ່ມ ແອັດໄວສ໌ລາວ ແລະ ຍັງຂຶ້ນກັບແອັດໄວສ໌ປະເທດໄທຄືເກົ່າ ຈຶ່ງໄດ້ເຮັດໃຫ້ເກີດງານ ແອັດໄວສ໌ລາວ ຮ່ວມໃຈເປັນໜື່ງດຽວ ຂຶ້ນມາໃນປີ 2019 ເມື່ອວັນທີ 1 ມິຖຸນາຜ່ານມາ ທີ່ໂຮງແຮມແລນມາກ ແມ່ຂອງ ນະຄອນຫຼວງວຽງຈັນ ເຊິ່ງຖືວ່າເປັນປີທໍາອິດທີ່ໄດ້ຈັດງານ ໂດຍມຸ່ງຫວັງໃຫ້ເປັນຈຸດເລີ່ມຕົ້ນໃນການຮ່ວມໃຈ ລວມພະລັງ ສ້າງຄວາມສາມັກຄີໃຫ້ກັບພະນັກງານ ຕະຫຼອດເຖິງເຈົ້າຂອງກິດຈະການທຸກໆທ່ານ ພາຍໃຕ້ຊື່ ແອັດໄວສ໌ລາວ ແລະ ຈະຈັດຢ່າງຕໍ່ເນື່ອງທຸກໆປີ.





ການຈັກງານຄັ້ງນີ້ເປັນການປະຊາສໍາພັນແອັດໄວສ໌ໃຫ້ເປັນທີ່ຮູ້ຈັກຕໍ່ມວນຊົນໃນ ສປປ.ລາວ ໂດຍເລືອກຈັດງານໃນສະຖານທີ່ ໂຮງແມຮມແລນມາກ ທີ່ເປັນອັນດັບຕົ້ນໆ ຂອງ ສປປ ລາວ,





ໂດຍການເຕົ້າໂຮມ ບັນດາ ຕົວແທນຈໍາໜ່າຍ ແລະ ພະນັກງານ Advice Shop ໃນຄັ້ງນີ້ແມ່ນ ເພື່ອສ້າງຄວາມສາມັກຄີໃຫ້ເປັນໜຶ່ງດຽວຂອງ Advice Shop ໃນ ສປປ.ລາວ ທັງເຈົ້າຂອງກິດຈະການ ແລະ ພະນັກງານ.  ເພື່ອແລກປ່ຽນປະສົບການການເຮັດວຽກຮ່ວມກັນລະຫວ່າງພະນັກງານ, ຈັດການຝືກອົບຮົບ ສ້າງພະລັງ ແລະ ປັບທັດສະນະຄະຕິໃນການເຮັດວຽກຂອງພະນັກງານ. ນອກນີ້ ຍັງເປັນການສ້າງຂັວນກໍາລັງໃຈໃນການເຮັດວຽກຕໍ່ພະນັກງານ, ແລະ  ເພື່ອປະຊາສໍາພັນ ຕະຫຼອດຈົນສ້າງພາບລັກທີ່ດີຕໍ່ແບຣນແອັດໄວສ໌.









------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------
ໂປພິເສດ! ກົດອ່ານດ່ວນ!
Aliexpress WW

Post a Comment

0 Comments