Header Ads

ໂຮງຮຽນລ້ຽງເດັກ-ອານຸບານ ແສງສະຫວັນ ຈັດກິດຈະກຳ ສະຫຼອງວັນເດັກສາກົນ



ເພື່ອເປັນການຫວນຄືນຄວາມໝາຍຄວາມສຳຄັນຂອງວັນເດັກນ້ອຍສາກົນ 1 ມິຖຸນາ ກໍ່ຄືສິດຜົນປະໂຫຍດຂອງເດັກນ້ອຍ ໃນຕອນເຊົ້າວັນທີ 29 ພຶດສະພາ 2019 ຢູ່ທີ່ໂຮງຮຽນລ້ຽງເດັກ-ອນຸບານ ແສງສະຫວັນເມືອງໄຊຍະບູລີ ແຂວງໄຊຍະບູລີ ໄດ້ຈັດກິດຈະກຳສະເຫຼີມສະຫຼອງວັນເດັກສາກົນຂຶ້ນ ໂດຍເປັນປະທານຂອງທ່ານ ນາງ ຈັນທະລີ ສຸກຜາລີ ຜູ້ອຳນວຍການໂຮງຮຽນອານຸບານແສງສະຫວັນ ໃຫ້ກຽດເຂົ້າຮ່ວມຂອງ ທ່ານ ນາງ ສົມຈັນ ສີບຸນຄົງ ຮອງນາຍບ້ານໆສີມຸງຄຸນ,ສະມາຄົມພໍ່ແມ່ນັກຮຽນ ຜູ້ປົກຄອງເດັກ, ແຂກຖືກເຊີນ ແລະ ພະນັກງານ ຄູ-ອາຈານ ຫຼານນ້ອຍ ນັກຮຽນເຂົ້າຮ່ວມ.



ໃນພິທີ ທ່ານ ນາງ ຈັນທະລີ ສຸກຜາລີ ຜູ້ອຳນວຍການໂຮງຮຽນອານຸບານແສງສະຫວັນ ໄດ້ຂຶ້ນຜ່ານປະຫວັດຫຍໍ້ຄວາມເປັນມາຂອງວັນເດັກນ້ອຍສາກົນ ແລະ ສິດທິຂອງເດັກ ຊຶ່ງທ່ານຍົກໃຫ້ເຫັນຕົ້ນກຳເນີດ ແລະ ຍົກໃຫ້ເຫັນແນວທາງນະໂຍບາຍຂອງພັກ-ລັດໃນການປົກປ້ອງ ແລະ ສົ່ງເສີມຄວາມກ້າວໜ້າຂອງເດັກນ້ອຍລາວ, ທີ່ເປັນໜໍ່ແໜງ ແລະ ເປັນຜູ້ສືບທອດຂອງຊາດໃນອະນາຄົດ.ພ້ອມນີ້ທ່ານຍັງໄດ້ຍົກໃຫ້ເຫັນຜົນງານການເຄື່ອນໄຫວໃນໄລຍະໜຶ່ງປີຜ່ານມາໂຮງຮຽນອະນຸບານແສງຫັວນໄດ້ເຄື່ອນໄຫວວຽກງານຕາມພາລະບົດບາດ ສິດ ແລະ ໜ້າທີຂອງຕົນມີຜົນສຳເລັດ ໂດຍພື້ນຖານ ໃນສົກປີ 2018-2019ນີ້




ໂຮງຮຽນມີພະນັກງານທັງໝົດ 17 ຄົນ, ຍິງ16 ຄົນ ໃນນັ້ນຊັ້ນສູງ 9 ຄົນ,ຊັ້ນກາງ 1 ຄົນ ,ຊັ້ນປະລິນຍາຕີ 1 ຄົນ ມີຫ້ອງ ຮຽນ 7 ຫ້ອງ ຄືມີ ຫ້ອງລ້ຽງເດັກ 2 ຫ້ອງ ແລະ ຫ້ອງອານຸບານ 5 ຫ້ອງ.ມີນັກຮຽນທັງໝົດ 168 ນ້ອງ ຍີງ 74 ນ້ອງ ໃນນີ້ນັກຮຽນເກນອານຸບານທັງໝົດ 114 ນ້ອງ, ຍິງ51 ນ້ອງ. ມີນັກຮຽນອານຸບານ 3 ເລື່ອນຂຶ້ນປໍ 1 ໄດ້ 12 ນ້ອງ ,ຍິງ 8 ນ້ອງ ສາມາດສ້າງເປັນເດັກພັດທະນາດີ ໄດ້ທັງໝົດ 135ນ້ອງ ຍິງ 70ນ້ອງ  ກວມເອົາ 80%ຂອງຈຳນວນນັກຮຽນ.



ຈາກນັ້ນ ຜູ້ເຂົ້າຮ່ວມຍັງໄດ້ຮັບຊົມ ການສະແດງສິລະປະ-ວັນນະຄະດີເປັນຕົ້ນບົດຟ້ອນລວມໝູຍິງຊາຍເພັງ ເຜົ່າລາວ,ຂັບເລາະຮຸງ,ບົດຟ້ອນຈຳປາເມືອງລາວ,ຫຼິ້ນເກມກິລາສຳຫຼັບເດັກປະເພດຕ່າງໆ  ຢ່າງເປັນຂະບວນ ແລະ ເຕັມໄປດ້ວຍບັນຍາກາດຟົດຟື້ນມ່ວນຊື່ນ.ໃນໂອກາດນີ້ທ່ານ ນາງ ຈັນທະລີ ສຸກຜາລີ ຜູ້ອຳນວຍການໂຮງຮຽນອານຸບານແສງສະຫວັນ ໄດ້ຂຶ້ນມອບໃບຍັ້ງຢືນເດັກອານຸບານ 3 ມອບຂອງຂວັນເດັກພັດທະນາດີ ແລະ ແຈກຍ້າຍເຂົ້າຕົ້ມເຂົ້າໝົມໃຫ້ນ້ອງນ້ອຍ-ເດັກທີ່ເຂົ້າຮ່ວມງານຄັ້ງນີ້ຢ່າງທົ່ວເຖິງຕື່ມອີກ.




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


No comments

Powered by Blogger.