Header Ads

ຄະນະພັກຮາກຖານຫ້ອງການສຶກສາທິການ ແລະ ກິລາເມືອງຊຽງຮ່ອນສໍາເລັດກອງປະຊຸມໃຫຍ່




 ວັນທີ 5 ມິຖຸນາ 2019 ນີ້ ຢູ່ທີ່ສະໂມງສອນໂຮງຮຽນມັດທະຍົມສົມບຸນຊຽງຮ່ອນ ຄະນະພັກຮາກຖານຫ້ອງການສຶກສາທິການ ແລະ ກິລາເມືອງຊຽງຮ່ອນແຂວງໄຊຍະບູລີ  ໄດ້ຈັດກອງປະຊຸມໃຫຍ່ຄັ້ງທີ່ II ຂອງຕົນຂື້ນຢ່າງເປັນທາງການໂດຍການເປັນປະທານ ຂອງສະຫາຍ ໄຊ ແສງມະນີ ກໍາມະການພັກເມືອງ ເລຂາຄະນະພັກຮາກຖານ ຫ້ອງການສຶກສາທິການ ແລະ ກິລາເມືອງ, ໂດຍການໃຫ້ກຽດເຂົ້າຮວ່ມຂອງສະຫາຍ ສໍາລານ ແປງສະຫວ່າງ ເລຂາຄະນະບໍລິຫານງານພັກເມືອງເຈົ້າເມືອງໆຊຽງຮ່ອນແຂວງໄຊຍະບູລີ ,ມີຄະນະປະຈໍາພັກເມືອງ, ກໍາມະການພັກເມືອງ, ເລຂາໜ່ວຍພັກທີ່ຂື້ນກັບ,ພະນັກງານຂອງເມືອງພ້ອມດ້ວຍສະມາຊິກພັກເຂົ້າຮ່ວມ 66 ສະຫາຍຍິງ 12 ສະຫາຍ 



      ກອງປະຊຸມ ສະຫາຍ ໄຊ ແສງມະນີ ກໍາມະການພັກເມືອງ ເລຂາຄະນະພັກຮາກຖານ ຫ້ອງການສຶກສາທິການ ແລະ ກິລາເມືອງໄດ້ຂື້ນຜ່ານ ບົດລາຍງານການເມືອງທັງ ສອງພາກ, ຕີລາຄາການຈັດຕັ້ງປະຕິບັດວຽກງານ 5 ປີ ຜ່ານມາ   ແລະ ທິດທາງແຜນການ ແຕ່ປີ 2020 – 2024 , ທີ່ຈະຕ້ອງພ້ອມກັນນໍາໄປຈັດຕັ້ງປະຕິບັດໃນຕໍ່ໜ້າ, ກອງປະຊຸມໄດ້ພ້ອມກັນຄົ້ນຄວ້າ ແລະ ເປັນເອກະພາບກັນຮັບຮອງເອົາຮ່າງລາຍງານການເມືອງທັງ 2 ພາກ ແລະ ບົດສໍາຫລວດນໍາພາລວມຂອງຄະນະພັກຊຸດເກົ່າ ໃນນັ້ນໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນໍາ-ນໍາພາການຈັດຕັງປະຕິບັດມະຕິກອງປະຊຸມໃຫ່ຍໄລຍະ 5 ປີຜ່ານມາ ຮາກຖານໄດ້ຫັນເອົາແນວທາງ ແຜນນະໂຍບາຍຂອງພັກ, ມະຕິຄໍາສັ່ງຂອງຂັ້ນເທີງ, ເນື້ອໃນມະຕິກອງປະຊຸມໃຫຍ່ຂອງຕົນ ແລະ ລະບຽບການຕ່າງໆຂອງລັດ ລົງມາເຜີຍແຜ່ເຊື່ອມຊຶມໃຫ້ສະມາຊິກພັກພາຍໃນຮາກຖານ, ໄດ້ຮັບຮູ້ ແລະ ເຂົ້າໃຈ ຕໍ່ແນວທາງນະໂຍບາຍຂອງພັກ , ຄະນະພັກຮາກຖານແມ່ນໄດ້ຖືເອົາການນໍາພາວິຊາສະເພາະ ເພື່ອຕິດພັນກັບມະຕິກອງປະຊຸມໃຫ່ຍຄັ້ງທີ VI ຂອງອົງຄະນະພັກເມືອງ ກ່ຽວກັບການສ້າງບ້ານເປັນຫົວໜ່ວຍພັດທະນາ, ສ້າງບ້ານໃຫ່ຍໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ສູ້ຊົນປະຕິບັດຕາມ 3 ແຜນງານຂອງຂະແໜງການສຶກສາໃຫ້ໄດ້ຕາມແຜນ, ສູ້ຊົນປະຕິບັດເປົ້າໝາຍການພັດທະນາແບບຍືນຍົງເປົ້າໝາຍ 4 ໃຫ້ໄດ້ຕາມຄາດໝາຍ 




 ກອງປະຊຸມໃນຄັ້ງນີ້ ມີສະມາຊິກພັກສົມບຸນເຂົ້າຮ່ວມ 45 ສະຫາຍ,ຍິງ 12 ສະຫາຍ, ຜ່ານການກວດກາຕີລາຄາແບ່ງປະເພດແຕ່ລະດ້ານເຮັດໃຫ້ເປັນຮາກຖານມີຄວາມປອດໃສ, ເຂັ້ມແຂງ ແລະ ໜັກແໜ້ນ, ໃນກອງປະຊຸມຄັ້ງນີ້: ຜູ່ເຂົ້າຮວ່ມໄດ້ໃຊ້ສິດບ່ອນບັດເລືອກເອົາ ຄະນະພັກຮາກຖານຊຸດໃໝ່, ເຊີ່ງໄດ້ປະຊາມະຕິເປັນເອກະສັນກັນປ່ອນບັດເລືອກເອົາ ສະຫາຍ  ໄຊ ແສງມະນີ ເປັນເລຂາຄະນະພັກ,  ສະຫາຍ ຊົມເຊີນ ຈັນທະຈອນ  ເປັນຮອງເລຂາຄະນະພັກ,  ສະຫາຍ ນາງ ຄໍາຜິວ ເປັນປະທານກວດກາຮາກຖານພັກ, ສະຫາຍ ຈັນ ວົງຄໍາ ເປັນກໍາມະການຄະນະພັກ ແລະ ສະຫາຍ ສອນນະພາ ຕາດີ ເປັນກໍາມະການຄະນະພັກ, ສະຫາຍ ສອນ ໄຊສີຄໍາ ເປັນກໍາມະການຄະນະພັກ, ສະຫາຍ ນາງ ແດງ ໄຊຍະສານ ເປັນກໍາມະການຄະນະພັກ, ສະຫາຍ ນາງ ຈໍາປາ ມອນທອງຄໍາ ເປັນກໍາມະການຄະນະພັກ ແລະ ສະຫາຍ ຍືນ ປັນຍາແກ້ວ ເປັນກໍາມະການຄະນະພັກ ກອງປະຊຸມຍັງໄດ້ເລືອກເອົາ ຜູ້ແທນສົມບູນ 5 ສະຫາຍແລະຜູ້ແທນສໍາຮອງ 2 ສະຫາຍ ໄປຮວ່ມກອງປະຊຸມໃຫ່ຍຂອງອົງຄະນະພັກເມືອງທີ່ຈະໄຂຂື້ນໃນຕໍ່ໜ້າ, ພ້ອມນັ້ນຄະນະຮາກຖານພັກ ຊຸດໃໝ່ຍັງໄດ້ພ້ອມກັນຜ່ານຂໍ້ແຂ່ງຂັນແລະຈັບມືແຂ່ງຂັນກັບຮາກຖານພັກອື່ນ.


       ໃນຕອນທ້າຍກອງປະຊຸມ ສະຫາຍ ສໍາລານ ແປງສະຫວ່າງ ເລຂາຄະນະບໍລິຫານງານພັກເມືອງເຈົ້າເມືອງໆຊຽງຮ່ອນແຂວງໄຊຍະບູລີກໍ່ໄດ້ໃຫ້ກຽດໂອ້ລົມເຊີ່ງກ່ອນອື່ນໝົດ ສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍ ທີ່ທາງຄະນະພັກຮາກຖານຫ້ອງການສຶກສາທິການ ແລະ ກິລາເມືອງຍາດມາໄດ້ໃນໄລຍະ 5 ປີ ຜ່ານມາ ແລະ ພ້ອມທັງເໜັ້ນໜັກໃຫ້ຄະນະພັກຊຸດໃໝ່ ຈົ່ງພ້ອມກັນສຶບຕໍ່ເອົາໃຈໃສ່ ຈັດຕັ້ງປະຕິບັດ ບັນດາໜ້າວຽກທີ່ຍັງຄົງຄ້າງ ແລະ ເຮັດວຽກງານແບບລວນສູນ ປະຊາທິປະໄຕ ເປັນຫມູ່ຄະນະ ເຊີດຊູສະຕິບັນຍາ, ແລະ ສະຫາຍໄດ້ເໜັ້ນໜັກເຖິງພາລະບົດບາດການຊີ້ນໍານໍາພາຂອງຄະນະພັກຮາກຖານ, ເພີ່ມທະວີວຽກງານການພັດທະນາການສຶກສາໃນໂຮງຮຽນໃຫ້ມີຄຸນນະພາບດີຂື້ນເລື້ອຍໆ,  ເພື່ອເຮັດໃຫ້ວຽກງານແຕ່ລະດ້ານມີການຫັນປຽ່ນໃໝ່ຢ່າງຕັ້ງໜ້າ,ໃຫ້ພັກມີຄວາມປອດໃສ,ເຂັ້ມແຂງ ແລະ ໜັກແໜ້ນ.  ກອງປະຊຸມໄດ້ດໍາເນີນເປັນເວລາ 1 ຕອນ ຈື່ງອັດລົງດ້ວຍຜົນສໍາເລັດຕາມລະດັບຄາດໝາຍ    

 ຂ່າວ: ດິ່ງ ໄທແກ່ນ

No comments

Powered by Blogger.