ແຂວງວຽງຈັນພິທິຈັດຊຸດຝຶກອົບຮົມ ຍົກລະດັບການຜະລິດຂ່າວດ້ວຍໂທລະສັບມືຖື ແລະ ສົ່ງຂໍ້ມູມຜ່ານສື່ອອນລາຍ



   ເພື່ອເປັນການຍົກລະດັບທາງດ້ານຄວາມຮູ້,ຄວາມສາມາດທາງດ້ານທັກສະການຜະລິດຂ່າວຜ່ານໂທລະສບມືຖື ກໍ່ຄືການພັດທະນາ ແລະ ຍົກລະດັບໃຫ້ທັນກັບລະບົບເຕັກໂນໂລຊີທີ່ທັນສະໄຫມ ໂດຍການນຳເອົາເຕັກໂນໂລຊີ່ເຫລົ່ານັ້ນມາໃຊ້ກັບໂທລະສັບມືຖື ສະມາດໂຟນ ແລະ ການສື່ສານທາງດ້ານອື່ນໆ

ອີກຢ່າງຫນຶ່ງກໍ່ເພື່ອຍົກລະດັບຂອງວິຊາການທາງດ້ານຂ່າວ ຫລື ຜູ້ເຮັດວຽກງານທາງດ້ານສື່ມວນຊົນ ໄດ້ຮ່ວມກັນຄົ້ນຄ້ວາ,ຊອກຮູ້ ແລະ ສະແຫວງຫາການນຳໃຊ້ສື່ທີ່ທັນສະໄຫມເພື່ອປະກອບເຂົ້າໃນວຽກງານຕົວຈິງ ໃນການສົ່ງຂ່າວທາງດ້ານສື່ສັງຄົມອອນລາຍ ໄດ້ຢ່າງວ່ອງໄວ,ຊັດເຈນ,ທັນເວລາ ແລະ ມີຄວາມເປັນຈິງ ໃຫ້ທັນກັບຍຸກ ສະໄຫມຂອງສັງຄົມໃນປະຈຸບັນ.ນັກສຳມະນາກອນທີ່ເຂ້າຮ່ວມໃນເທື່ອນີ້ແມ່ນຈະໄດ້ຮຽນຮູ້ຈັນຍາບັນຂອງນັກຂ່າວ,ການນຳໃຊ້ແອັບໃນໂທລະສັບມືຖືເພື່ອຜະລິດຂ່າວໃນສື່ສັງຄົມອອນລາຍ ແລະ ການຖ່າຍພາບດ້ວຍໂທລະສັບມືຖື.

ກອງປະຊຸມດັ່ງກ່າວໄດ້ຈັດຂຶ້ນໃນ ວັນທີ 20 ມີຖຸນາ 2019 ນີ້ຢູ່ທີ່ສູນວັດທະນະທຳຂອງແຂວງ,ໂດຍການເປັນປະທານຂອງ ທ່ານ ສີພັນດອນ ສີອາພອນ  ຮອງຫົວຫນ້າພະແນກ ຖ ວ ທ ແຂວງ,ມີບັນດາທ່ານຜູ້ຮັບຜິດຊອບບັ້ນຝຶກອົບຮົມພ້ອມດ້ວຍນັກສຳມະນາກອນເຂ້າຮ່ວມ.

ຂ່າວ: ຄຳຂຽນ ພົມມີໄຊ



Post a Comment

0 Comments