ໂອກາດດີໆສໍາລັບນ້ອງໆທີ່ມັກໃນກິລາເຕະບານ ແລະ ໃຝ່ຝັນຢາກໄປຮອດຖິ່ນເສືອໃຕ້ ບາເຢິນມິວນິກ ທີ່ສະໂມສອນບາເຢິນມິວນີກ ປະເທດເຢຍລະມັນ ມາຮອດແລ້ວ!



ບໍລິສັດອາລິອັນສ໌ ປະກັນໄພລາວ ກໍ່ຄືກຸ່ມບໍລິສັດອາລິອັນສ໌ ບໍລິສັດປະກັນໄພຊັ້ນນໍາຂອງໂລກ ໄດ້ເປີດໂອກາດໃຫ້ເຍົາວະຊົນລາວໃຫ້ມີຄວາມມັກໃນການຫຼີ້ນກິລາບານເຕະ ແລະ ມີຄວາມໃຝ່ຝັນຢາກຝືກຊ້ອມໃກ້ຊິດ ແລະ ໄປສໍາພັດປະສົບການຕົວຈິງກັບສະໂມສອນບານເຕະດັງລະດັບໂລກ ສະໂມສອນ ບາເຢິນມິວນິກ ປະເທດເຢຍລະມັນ ພາຍໃຕ້ໂຄງການ Allianz Explorer Camp Laos 2019. 

ໂຄງການ Allianz Explorer Camp Laos 2019 ນີ້ຈະແບ່ງອອກເປັນ 2 ໄລຍະຄື: ໄລຍະທີ່ 1 ໂຄງການຈະຄັດເລືອກເອົາຜູ້ຊະນະຈາກການຄັດເລືອກຢູ່ລາວ ເພື່ອໄປເຂົ້າຄ່າຍຝືກຊ້ອມຢູ່ປະເທດສິງກະໂປ ຮ່ວມກັບຜູ້ຊະນະຈາກບັນດາປະເທດອາຊຽນໃນລະຫວ່າງວັນທີ 23-26/07/2019 ແລ້ວ ເຮັດການຄັດເລືອກເອົາຜູ້ທີ່ຊະນະຈາກຄ້າຍຝືກຊ້ອມຢູ່ສິງກະໂປ ເພື່ອໄປຮ່ວມຄ້າຍຝືກຊ້ອມກັບ ສະໂມສອນ ບາເຢິນມິວນີກ ປະເທດເຢຍລະມັນ ອີກ 1 ຄົນ ເພື່ອຮ່ວມຝືກຊ້ອມກັບຜູ້ຊະນະຈາກທົ່ວໂລກ ໃນວັນທີ 22-27/08/2019. ເຊີ່ງທາງບໍລິສັດ ອາລິອັນສ໌ ປະກັນໄພລາວ ຈະເປັນຜູ້ນໍາພາ ແລະ ຮັບຜິດຊອບຄ່າເດີນທາງ ແລະ ທີ່ພັກໃຫ້ໝົດທັງ 2 ຄ່າຍຝືກຊ້ອມ.

ການຄັດເລືອກແມ່ນຈະຈັດຂຶ້ນໃນວັນທີ 06/07/2019 ເລີ່ມເວລາ 06 ໂມງ 00 (ເຊົ້າ) ທີ່ເດີ່ນສະຫະພັນກິລາບານເຕະແຫ່ງຊາດ, ບ້ານຫ້ວຍຫົງ, ເມືອງຈັນທະບູລີ, ນະຄອນຫຼວງວຽງຈັນ ໂດຍໄດ້ຮັບການສະໜັບສະໜູນທາງດ້ານເຕັກນິກຈາກສະຫະພັນກິລາບານເຕະແຫ່ງຊາດ.

1. ສິ່ງທີ່ນ້ອງໆຈະໄດ້ຮັບເວລາເຂົ້າຄ້າຍ
  • ໄດ້ພົບກັນນັກເຕະດັງລະດັບໂລກ ຈາກສະໂມສອນ ບາເຢິນມິວນິກ (Bayern Munchen FC).
  • ໄດ້ສຳພັດບັນຍາດກາດຕົວຈິງ ແລະ ຢ້ຽມຊົມສະໜາມກິລາ ບາເຢິນມິວນິກ (Bayern Munchen FC).
  • ໄດ້ແລກປ່ຽນປະສົບການກັບນັກກິລາຈາກຫຼາຍປະເທດ
  • ນອກຈາກການຝືກຊ້ອມບານເຕະແລ້ວ ຍັງມີການໃຫ້ຄວາມຮູ້ ແລະ ກິດຈະກໍາອີກຫຼາຍຢ່າງ

      2. ເງື່ອນໄຂ ແລະ ລາຍລະອຽດການສະໝັກ

  • ຜູ້ທີ່ມີອາຍຸ 14 – 16 ປີ ບໍ່ຈໍາກັດເພດ;
  • ມີສັນຊາດລາວ;
  • ມີຄວາມມັກໃນກິລາບານເຕະ;
  • ມີທັກສະທາງດ້ານພາສາອັງກິດຂັ້ນພື້ນຖານ;
  • ມີຄວາມກ້າຫານ ແລະ ສະແຫວງຫາປະສົບການໃໝ່ໆ.
  • ສໍາເນົາບັດປະຈໍາຕົວ ຫຼື ປື້ມສໍາມະໂນຄົວ (ໃຫ້ຖືໄປນໍາໃນມື້ຄັດເລືອກພ້ອມ);

ໂຄງການ Allianz Explorer Camp Laos 2019 ທາງບໍລິສັດ ອາລິອັນສ໌ ປະກັນໄພລາວ ແມ່ນໄດ້ຈັດຂື້ນເປັນປີທີ 3 ແລ້ວ ເຊີ່ງແຕ່ກ່ອນໃສ່ຊື່ວ່າ Allianz Junior Football Camp

ນ້ອງໆຜູ້ໃດສົນໃຈເຂົ້າຮ່ວມໂຄງການແມ່ນສາມາດເຂົ້າໄປສອບຖາມໃນເຟສບຸກຂອງທາງບໍລິສັດ ອາລິອັນສ໌ ປະກັນໄພລາວໄດ້ທີ່ www.facebook.com/agl.allianz  ຫຼື ໂທສອບຖາມທີ່ເບີ 030 538 8821 (ໃນໂມງລັດຖະການ)

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------



Post a Comment

0 Comments