ສ້າງຄວາມເຂັ້ມແຂງໃຫ້ບັນດາພະນັກງານຜູ້ທີ່ຮັບຜິດຊອບຈຸດບໍລິການຈັດຫາງານ ທີ່ ຫຼວງນໍ້າທາ


ແຮງງານ: ເພື່ອເຮັດໃຫ້ການຈັດຕັ້ງປະຕິບັດວຽກງານຈັດຫາງານ, ຕາມຈຸດບໍລິການຈັດຫາງານ ປະສິດທິພາບ ແລະ ປະສິດທິຜົນໂດຍສະເພາະ ພະນັກງານທີ່ຮັບຜິດຊອບວຽງງານ ນັບແຕ່ສູນກາງຈົນຮອດທ້ອງຖິ່ນ ໃຫ້ມີຄວາມເຂັ້ມແຂງໃນວຽກງານດັ່ງກ່າວ.

ໃນວັນທີ່ 20 ມິຖຸນາ 2019 ຜ່ານມານີ້, ທີ່ພະແນກແຮງງານ ແລະ ສະຫວັດດີການ ( ຮສສ)ແຂວງຫຼວງນໍ້າທາ, ໄດ້ເປີດບັນຊຸດຝຶກອົບຮົມໃຫ້ພະນັກງານຜູ້ຮັບຜິດຊອບຈຸດບໍລິການຈັດຫາງານ ແຂວງຫຼວງນຳ້ທາ, ໃນການຈັດຕັ້ງປະຕິບັດວ່າການບໍລິການຈັດຫາງານ, ເປັນປະທານກ່າວເປີດໂດຍ ທ່ານ ໄທ ແສງອາລຸນ ຮອງກົມພັດທະນາສີມືແຮງງານ ແລະ ຈັດຫາງານ, ພ້ອມດວ້ຍ ວິດທະຍາກອນກົມພັດທະນາສີມືແຮງງານ ແລະ ຈັດຫາງານ ກະຊວງ ຮສສ ແລະ ມີບັນດານັກສຳມະນາກອນ ພ້ອມຂະແໜງການກ່ຽວຂ້ອງເຂົ້າຮ່ວມ.


ຊຸດຝຶກອົບຮົມຄັ້ງນີ້, ແມ່ນມີຄວາມໝາຍ ຄວາມສຳຄັນຫລາຍກ່ຽວກັບວຽກງານຂອງການບໍລິການຈັດຫາງານ, ໃຫ້ພະນັກງານວິຊາການ ຢູ່ທ້ອງຖິ່ນ ໂດຍສະເພາະ ແຂວງຫຼວງນໍ້າທາ, ໃຫ້ຮັບຮູ້ ແລະ ເຂົ້າໃຈ ໃນວຽກງານດັ່ງກ່າວ, ເພື່ອເຮັດໃຫ້ຜູ້ຕ້ອງການມີວຽກເຮັດງານທຳ ຢູ່ພາຍໃນ ແລະ ຕ່າງປະເທດ ໄດ້ເຂົ້າເຖີງ ການບໍລິການຂອງຈຸດດັ່ງກ່າວ, ເຂົ້າເຖິງການຈ້າງງານ ແລະ ພ້ອມນີ້, ຜູ້ເຂົ້າຮ່ວມຍັງໄດ້ຮັບຟັງການນຳສະເໜີກ່ຽວກັບພາລະບົດບາດ, ຂອບເຂດ, ສິດ ແລະ ໜ້າທີ່, ໃນການເຄື່ອນໄຫວວຽກງານຂອງຈຸດບໍລິການຈັດຫາງານ ແລະ ໄດ້ພ້ອມກັນປະກອບຄຳຄິດ, ຄຳເຫັນ ແລະ ສົນທະນາກັນ ຢ່າງກົງໄປກົງມາ ເພື່ອໃຫ້ເຮັດໃຫ້ ເຂົ້າໃຈ ແລະ ສາມາດນຳໄປຈັດຕັ້ງປະຕິບັດ ວຽກງານບໍລິການຈັດຫາງານຢ່າງມີປະສິດທິຜົນເປັນກ້າວໆ.

ປະຈຸບັນຈຸດບໍລິການຈັດຫາງານແມ່ນໄດ້ຮັບການສ້າງຕັ້ງຂຶ້ນທັງໝົດ 13 ແຂວງຄື: ບໍ່ແກ້ວ, ອຸດົມໄຊ, ໄຊຍະບູລີ, ຫຼວງພະບາງ, ວຽງຈັນ, ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ແລະ ຄາດວ່າແຕ່ນີ້ຮອດປີ 2020 ຈະເພີ່ມຈຸດບໍລິການຈັດຫາງານ ໃນແຂວງຂອບເຂດທົ່ວປະເທດ.
ໂອກາດທີ່ ທ່ານ ໄທ ແສງອາລຸນ , ເປັນປະທານກ່າວເປີດບັນຊຸດຝຶກອົບຮົບຄັ້ງນີ້ ໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຂອບໃຈນຳພາກສວ່ນທີ່ກຽ່ວຂ້ອງໃຫ້ການຮ່ວມມື ເຂົ້າຮ່ວມຊຸດຝຶກອົບຮົບ, ພ້ອມທັງຫວັງຢ່າງຍິ່ງວ່າ ບັນດານັກສຳມະນາກອນ ແລະ ພາກສວ່ນທີ່ກຽ່ວຂ້ອງ ຈະພ້ອມກັນຈັດຕັ້ງປະຕິບັດວຽກງານການບໍລິການຈັດຫາງານ ໃນຈຸດບໍລິການຈັດຫາງານ ຈະເປັນເຄື່ອງມືທີ່ສຳຄັນຕໍ່ກັບຕະຫຼາດແຮງງານ ຢູ່ແຂວງຫຼວງນ້ຳທາໃຫ້ດີທີ່ສຸດ./

ຂ່າວຮສສ: ເພັດສະໄໝ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------


Post a Comment

0 Comments