Header Ads

ແຕ່ງຕັ້ງ ທ່ານ ສີໄລ ສີສະແຫວງສຸກ ຫົວໜ້າພະແນກຍຸດຕິທຳແຂວງ ຂຶ້ນເປັນເຈົ້າເມືອງໄຊເສດຖາ ແຂວງອັດຕະປືຜູ້ໃໝ່

ອັດຕະປື: ພິ­ທີ​ມອບ-ຮັບ​ໜ້າ­ທີ່​ເຈົ້າ­ເມືອງ​ໄຊເສດຖາ ແຂວງ ອັດຕະປື ຜູ້ໃໝ່ ຈັດຂຶ້ນ​ໃນວັນ​ທີ 12 ມິຖຸນາ 2019 ລະ­ຫວ່າງ​ ທ່ານ ບຸນເສີດ ເສດທິລາດ ກຳມະການພັກແຂວງ ເລຂາພັກເມືອງ ເຈົ້າເມືອງຜູ້ເກົ່າ ຍ້າຍໄປເປັນ ຫົວໜ້າພະແນກກະສິກຳ ແລະ ປ່າໄມ້ແຂວງ ແລະ ແຕ່ງຕັ້ງ ທ່ານ ສີໄລ ສີສະແຫວງສຸກ ຫົວໜ້າພະແນກຍຸດຕິທຳແຂວງ ຂຶ້ນເປັນເຈົ້າເມືອງໄຊເສດຖາ ຜູ້ໃໝ່

​ໃຫ້ກຽດເຂົ້າໃນພິທີມອບ-ຮັບ ມີທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງເຂົ້າຮ່ວມ.

ທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງໃຫ້ຮູ້ວ່າ: 

ການ​ມອບ-ຮັບ​ໜ້າ­ທີ່​ເຈົ້າ­ເມືອງ​ຄັ້ງ​ນີ້ ແມ່ນ​ປະ­ຕິ­ບັດ​ຕາມ​ມະ­ຕິ​ຕົກ­ລົງ​ຂອງ​ຄະ­ນະ​ປະ­ຈຳ​ພັກ​ແຂວງ ເພື່ອ​ສືບ­ຕໍ່​ເຮັດ​ໜ້າ­ທີ່​ການ­ເມືອງ​ທີ່​ພັກ-ລັດ​ມອບ​ໝາຍ​ໃຫ້ ແລະ ໃນທີ່ນີ້ ທ່ານໄດ້ຊີ້​ນຳ​ໃຫ້ເຈົ້າເມືອງຜູ້ໃໝ່ ຈົ່ງສືບຕໍ່ເອົາໃຈໃສ່ສ້າງສາ​ພັດ­ທະ­ນາ​ເສດ­ຖະ­ກິດ-ສັງຄົມຂອງເມືອງໃຫ້ຢູ່ໃນລະດັບຕໍ່ເນື່ອງ, ເອົາໃຈໃສ່ພັດທະນາຊີ­ວິດ​ການ​ເປັນ​ຢູ່​ຂອງ​ປະ​ຊົນ​ພາຍ​ໃນ​ເມືອງ​ໄຊເສດຖານັ້ນ ໃຫ້​ປະ­ສົບ​ຜົນ­ສຳ­ເລັດ​ຕາມ​ຄາດ­ໝາຍ​ທີ່​ວາງ​ໄວ້. 

ຂ່າວ: ມາລາທິບ



No comments

Powered by Blogger.