ທ່ານເລຂາທິການໃຫຍ່, ປະທານປະເທດ ຢ້ຽມຢາມແຂວງບໍລິຄຳໄຊ

ບໍລິຄຳໄຊ: ໃນຕອນເຊົ້າຂອງວັນທີ 13 ມິຖຸນາ 2019 ຢູ່ເຮືອນພັກກົມການເມືອງ ທ່ານ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງ ເຈົ້າແຂວງບໍລິຄຳໄຊ ພ້ອມດ້ວຍຄະນະ ໄດ້ເປັນກຽດຕ້ອນຮັບພະນະ ທ່ານ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ໄດ້ເດີນທາງມາຢ້ຽມຢາມແຂວງບໍລິຄຳໄຊ.

          ການມາຢ້ຽມຢາມໃນຄັ້ງນີ້ ທ່ານເລຂາທິການໃຫຍ່, ປະທານປະເທດແຫ່ງ ສປປ ລາວ ໄດ້ຮັບການລາຍງານ ສະພາບການພັດທະນາເສດຖະກິດ-ສັງຄົມຮອບດ້ານ ຈາກທ່ານເລຂາພັກແຂວງ, ເຈົ້າແຂວງບໍລິຄຳໄຊ ບາງຕອນທ່ານໄດ້ເວົ້າວ່າ: ໃນປີ 2018 ເສດຖະກິດຂອງແຂວງຍັງສືບຕໍ່ຂະຫຍາຍຕົວຕໍ່ເນື່ອງ ໃນລະດັບ 6,05%, ມູນຄ່າລວມຍອດຜະລິດຕະພັນພາຍໃນ (GDP) ບັນລຸໄດ້5.252,29 ຕື້ກີບ, ສະເຫຼ່ຍລາຍຮັບໃສ່ພົນລະເມືອງໄດ້ 2.152 ໂດລ່າ ເທົ່າກັບ 18.073.935 ກີບຕໍ່ຄົນຕໍ່ປີ, ການແກ້ໄຂບັນຫາ 4 ເຖື່ອນຄື: ແກ້ໄຂຄົນເຖືອນ, ລົດເຖືອນ, ອາວຸດເຖື່ອນ ແລະ ສິນຄ້າເຖື່ອນ ເຫັນວ່າໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ເຮັດໃຫ້ສະພາບທົ່ວແຂວງມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ, ໄດ້ຈັດກອງປະຊຸມວິທະຍາສາດໃນຫຼາຍຫົວຂໍ້: ປັບປຸງອຳນາດການປົກຄອງບ້ານໃຫ້ມີຄວາມເຂັ້ມແຂງ, ບັນຫາທີ່ດິນ, ບັນຫາສາສະໜາ, ບັນຫາອຸບັດຕິເຫດ, ການຕັ້ງສະນຳ ແລະ ອຶ່ນໆ ເພື່ອກໍານົດເປົ້າໝາຍ ແລະ ທິດທາງ ໃນການແກ້ໄຂບັນຫາຢ່າງມີຈຸດສຸມ ແລະ ຖືກຕ້ອງ. ສຳລັບວຽກພັກ-ພະນັກງານ, ວຽກງານວັດທະນາສັງຄົມ, ວຽກງານກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ ຕິດພັນກັບວຽກງານສາມສ້າງ ແລະ ວຽກງານອຶ່ນໆ ກໍ່ໄດ້ຮັບການປັບປຸງ, ແກ້ໄຂ ແລະ ພັດທະນາໃຫ້ດີຂຶ້ນຢ່າງຕໍ່ເນື່ອງ.



         ຫຼັງຈາກນັ້ນ ທ່ານ ເລຂາທິການໃຫຍ່, ປະທານປະເທດ ຍັງໄດ້ໃຫ້ກຽດໂອລົມ ໂດຍທ່ານຍັງໄດ້ຕີລາຄາສູງ ແລະ ຍ້ອງຍໍຊົມເຊີຍຕໍ່ຜົນງານການຊີ້ີນຳ-ນຳພາ ຂອງອົງຄະນະພັກທຸກຂັ້ນທີ່ຍາດມາໄດ້ ພ້ອມດຽວກັນທ່ານຍັງໄດ້ເນັ້ນໜັກ 3 ວຽກງານສຳຄັນຄື: ການພັດທະນາພື້ນຖານໂຄງລ່າງຕິດພັນວຽກປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ປັບປຸງລະບົບການເມືອງຢູ່ຂັ້ນຮາກຖານ ໃຫ້ເຂັ້ມແຂງ-ໜັກແໜ້ນ ໄປຄຽງຄູ່ກັບການປະຕິບັດວຽກງານ 3 ສ້າງ, ຍູ້ແຮງຂະບວນການຜະລິດເປັນສິນຄ້າຂອງປະຊາຊົນໃຫ້ຫຼາຍຂຶ້ນ ໂດຍຕ້ອງມີແນວທາງນະໂຍບາຍທີ່ຊັດເຈນຄົບຖ້ວນ ເປັນຕົ້ນແມ່ນນະໂຍບາຍດ້ານລາຄາ, ດ້ານພາສີກະສິກຳ, ນະໂຍບາຍສິນເຊື່ອກະສິກຳ, ນະໂຍບາຍກ່ຽດກັບທີ່ດິນ ແລະ ອື່ນໆ ເພື່ອຊຸກຍູ້ການຜະລິດກະສິກຳໃຫ້ຂະຫຍາຍຕົວ, ກະສິກຳໃໝ່ແມ່ນກະສິກຳຮອບດ້ານ, ມີທັງການປູກ-ລ້ຽງ ເອົາການຜະລິດຕິດພັນກັບການປຸງແຕ່ງ, ຜະລິດເປັນສິນຄ້າ, ແນວພັນ ແລະ ເຕັກນິກໃໝ່, ການຈັດຕັ້ງຜັນຂະຫຍາຍ ຜົນກອງປະຊຸມສູນກາງ ຄັ້ງທີ 8 ສະໄໝທີ X ໂດຍສະເພາະຕໍ່ກັບການແກ້ໄຂບັນຫາເສດຖະກິດ-ການເງິນ, ການພັດທະນາຊົນນະບົດໃນໄລຍະໃໝ່, ການແບ່ງຂັ້ນຄຸ້ມຄອງລະຫວ່າງສູນກາງ ແລະ ທ້ອງຖິ່ນ ແລະ ບັນຫາການແກ້ໄຂຄະດີໃຫ້ມີຄວາມຍຸດຕິທຳໃນສັງຄົມ, ເພີ່ມທະວີຄວາມຮັບຜິດຊອບ ແລະ ຍົກສູງການຊີ້ນຳ-ນຳພາ ຢ່າງມີຈຸດສຸມ, ແທດເໝາະ ແລະ ແທດເຖິງ, ເດັດດ່ຽວແກ້ໄຂພະຍາດອາຍາສິດ, ສວຍໃຊ້ໜ້າທີ່ຕຳແໜ່ງ, ຂາດລະບຽບວິໄນ ຂອງພະນັກງານ, ຕ້ອງຢຶດໝັ້ນການຖືເອົາຜົນປະໂຫຍດຂອງປະເທດຊາດ ແລະ ຂອງປະຊາຊົນເປັນກົກ, ຖືເອົາຄວາມສາມັກຄີພາຍໃນໝູ່ຄະນະ ແລະ ກຳລັງແຮງສັງລວມຂອງມະຫາຊົນ ເປັນປັດໃຈສຳຄັນພື້ນຖານໃນການຊີ້ນຳ-ນຳພາ ຂອງຄະນະພັກແຂວງ ແລະ ຂະແໜງການອ້ອມຂ້າງ, ການກະກຽມກອງປະຊຸມໃຫ່ຍ 3 ຂັ້ນ ໃຫ້ຖືເອົາການຈັດຕັ້ງຜັນຂະຫຍາຍ ມະຕິກອງປະຊຸມສູນກາງ ຕິດພັນກັບການກະກຽມ ແລະ ດຳເນີນກອງປະຊຸມໃຫ່ຍຂອງຮາກຖານພັກ, ອົງຄະນະພັກເມືອງ ແລະ ແຂວງ ໃຫ້ມີຂະບວນການຢ່າງແຂງແຮງຕໍ່ເນື່ອງ, ບຸກທະລຸແກ້ໄຂຂອດຂັ້ນກົນໄກການຄຸ້ມຄອງ-ບໍລິຫານ, ການພັດທະນາຊົນນະບົດ, ແກ້ໄຂຄວາມທຸກຍາກຂອງປະຊາຊົນ ແລະ ການຊີ້ນຳວິຊາສະເພາະຕ່າງໆ ເປັນຂະບວນຕົວຈິງ ຂອງການກະກຽມກອງປະຊຸມໃຫ່ຍ 3 ຂັ້ນ, ຖືເອົາຄວາມສາມາດນຳພາແກ້ໄຂບັນຫາຕົວຈິງ, ໃຜເຮັດແທ້ທຳຈິງ, ໃຜນຳພາໄດ້ ເປັນມາດຖານສຳຄັນເພື່ອຄັດເລືອກ, ເລືອກເຟັ້ນເອົາບຸກຄະລາກອນ ເຂົ້າໃນໂຄງປະກອບຂອງຄະນະພັກແຕ່ລະຂັ້ນ ເພື່ອໃຫ້ສອດຄ່ອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງ, ຮອງຮັບການສືບຕໍ່ນຳພາ ພາລະກິດປະຕິວັດຂອງພັກເຮົາ ທັງໃນສະເພາະໜ້າ ແລະ ໃນຊຸມປີຕໍ່ໄປ.






Post a Comment

0 Comments