HUAWEI :ຜູ້ຊົມໃຊ້ສະມາດໂຟນຫົວເຫວີຍເລີ່ມອັບເກດ EMUI 9.1 ໄດ້ແລ້ວ ຕັ້ງແຕ່ທ້າຍເດືອນມິຖຸນາເປັນຕົ້ນໄປ


ຫົວເຫວີຍປະກາດໃຫ້ຜູ້ໃຊ້ສະມາດໂຟນ ແລະ ແທັບເລັດຂອງຫົວເຫວີຍເລີ່ມທະຍອຍອັບເກດເປັນ EMUI 9.1 ໄດ້ແລ້ວຕັ້ງແຕ່ທ້າຍເດືອນມິຖຸນາເປັນຕົ້ນໄປ ຈະມາພ້ອມລະບົບ File EROFS (Extendable Read-Only File System) ທີ່ເຮັດໃຫ້ຄວາມໄວໃນການອ່ານແບບ Random ເພີ່ມຂຶ້ນ ແລະ ຍັງເພີ່ມປະສິດທິພາບຄວາມໄວໃຫ້ການໃຊ້ງານໄດ້ຢ່າງຕໍ່ເນື່ອງດົນນານຍິ່ງຂຶ້ນ ດ້ວຍເທັກໂນໂລຢີ GPU Turbo 3.0 ຫຼຸດການກິນໄຟຈາກຊິບເຊັດລົງກວ່າເກົ່າ ແລະ ຍັງເພີ່ມສາຍເອີ້ນເຂົ້າແບບວິດີໂອໄດ້ອີກດ້ວຍ ລວມເຖິງລູກຫຼິ້ນອັດສະລິຍະເຊັ່ນ AI Video 2.0 ໃຫ້ຜູ້ໃຊ້ຫົວເຫວີຍມີຄວາມມ່ວນຊື່ນເພີດເພີນກັບສະມາດໂຟນໄດ້ຫຼາຍຍິ່ງຂຶ້ນ. 

ສະມາດໂຟນຫົວເຫວີຍທີ່ຈະເປີດໃຫ້ມີການອັບເກດເປັນ EMUI 9.1 ໃນປະເທດລາວມີດັ່ງນີ້:
  • ທ້າຍເດືອນມິຖຸນາ - MediaPad M5 Series ທັງ M5 ແລະ M5 Pro ອັບເກດເປັນ EMUI 9.0
  • ແລະ Mate20/ Mate20 Pro ອັບເກດເປັນ EMUI 9.1
  • ເດືອນກໍລະກົດ - P20 / P20 Pro / nova 3 / nova 3i / nova 4 / Mate 10 / Mate 10 Pro / Y9 2019 ອັບເກດເປັນ EMUI 9.1
  • ເດືອນສິງຫາ - P10 / P10 Pro / Mate 9 / Mate 9 Pro ອັບເກດເປັນ EMUI 9.1
  • ສຳລັບລູກຄ້າທຸກທ່ານທີ່ໃຊ້ Huawei Nova 3e ແລະ Y9 2018 ແມ່ນສາມາດເລີ່ມອັບເດດ EMUI 9.1 ໄດ້ແລ້ວຕັ້ງແຕ່ມື້ນີ້ເປັນຕົ້ນໄປ... 

ວິທີອັບເກດ
  • ສາມາດອັບເກດໄດ້ໂດຍການເຮັດຕາມຄຳແນະນຳໃນສະມາດໂຟນ ໂດຍໄປທີ່ ການຕັ້ງຄ່າ > ການອັບເດດຊອບແວ
  • ພະນັກງານປະຈຳຮ້ານ ແລະ ສູນບໍລິການຫົວເຫວີຍກໍສາມາດໃຫ້ຄວາມຊ່ວຍເຫຼືອໃນການອັບເກດໄດ້ເຊັ່ນກັນ
  • ຊ່ວງເວລາໃນການແຈ້ງເຕືອນໃຫ້ອັບເກດເປັນ EMUI 9.1 ຈະແຕກຕ່າງກັນໄປຕາມແຕ່ລະເຄື່ອງແຕ່ລະລຸ້ນ
  • ຜູ້ໃຊ້ສະມາດໂຟນຫົວເຫວີຍ ສາມາດກວດສອບເວີຊັ່ນຂອງ EMUI ທີ່ໃຊ້ຢູ່ໃນປະຈຸບັນໄດ້ໃນຕົວເຄື່ອງໂດຍເຂົ້າໄປທີ່:
  • ການຕັ້ງຄ່າ > ລະບົບ > ກ່ຽວກັບໂທລະສັບ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------










Post a Comment

0 Comments