5 ວິທີ! ທີ່ຈະປະສົບຄວາມສໍາເລັດໃນການເຮັດວຽກ ດ້ວຍການໃຊ້ຊີວິດແຕ່ລະວັນຢ່າງຄຸ້ມຄ່າ




1. ວາງແຜນທຸກຕອນແລງ:
ການຈະເຮັດວຽກໃຫ້ປະສົບຄວາມສໍາເລັດໄດ້ຕ້ອງອາໄສການວາງແຜນ ແລະ ການວາງແຜນວຽກກໍ່ເປັນຫນ້າທີ່ສໍາຄັນທີ່ສຸດທີ່ຕ້ອງເຮັດຢູ່ສະເຫມີ ໃນການທີ່ຈະວາງແຜນຢ່າງມີປະສິດທິພາບໄດ້ເຮົາຈໍາເປັນຕ້ອງພິຈາລະນາແຜນຢ່າງມີປະສິດທິພາບເຊັ່ນກັນ ອາດເລີ້ມດ້ວຍການຢ້ອນກັບໄປໃນແຕ່ລະວັນວ່າໄດ້ບັນລຸເປົ້າຫມາຍອັນໃດໄປແລ້ວແດ່ ໄດ້ພາດອັນໃດໄປແດ່ ໄດ້ຮຽນຮູ້ສິ່ງໃຫມ່ແນວໃດແດ່ ແລະ ຍັງຕ້ອງຮຽນຮູ້ສິ່ງໃດອີກ ຈາກນັ້ນໃຫ້ຈົດລາຍການທີ່ສໍາຄັນທີ່ສຸດທີ່ຈະຕ້ອງເຮັດໃນມື້ຕໍ່ໄປ ເຊັ່ນການປະຊຸມກັບທີມຝ່າຍຂາຍ ປະຊຸມວຽກກັບຜູ້ຈັດການ ຫລື ເຄຍວຽກ ຖ້າຫາກວ່າວິທີວາງແຜນຂອງເຮົາເປັນໄປໄດ້ດີ ຢ່າລືມແນະນໍາຕໍ່ໃຫ້ຫມູ່ຮ່ວມງານໃນທີມລອງເຮັດເບິ່ງ ເພື່ອໃຫ້ແນ່ໃຈວ່າທຸກຄົນເຂົ້າໃຈເປົ້າຫມາຍຕົງກັນ ແລະ ສາມາດຮັບຜິດຊອບວຽກຮ່ວມກັບເຮົາໄດ້ ເມື່ອເຮົາຕັ້ງເປົ້າຫມາຍຮຽບຮ້ອຍແລ້ວ ຂັ້ນຕໍ່ໄປກໍ່ຄືການຈັດຕາຕະລາງເວລາ ຫ້າມລືມລວມເວລາຍິບຍ່ອຍໃນການປະຊຸມ ຫລື ເຜື່ອເວລາທີ່ຍືດຍຸ່ນສໍາລັບພາລະວຽກຕ່າງໆທີ່ອາດຍັງຄ້າງໃຫ້ເຮົາສະສາງຢ່າງຄາດບໍ່ເຖິງ ຫລັງຈາກວາງແຜນເຫລົ່ານີ້ໄວ້ແລ້ວ ຮັບຮອງວ່າມື້ຕໍ່ໄປເຮົາຈະພ້ອມຮັບມືກັບສົງຄາມຕ່າງໆໄດ້ຢ່າງສະບາຍໆ


2. ສັງສັນກັບຜູ້ຄົນ ແລະ ຄອຍຮັກສາສໍາພັນອັນດີເອົາໄວ້ຢ່າງສະຫມໍ່າສະເຫມີ:
ການໃຊ້ຊີວິດຢ່າງເຕັມທີ່ ແລະ ມີປະສິດທິພາບຫມາຍຄວາມວ່າໃນແຕ່ລະວັນຂອງເຮົາຈະຕ້ອງເຈິກັບຜູ້ຄົນທີ່ເຮົາຮັກ ຫລາຍກວ່າການນັບນີ້ວລໍໃຫ້ເຖິງວັນຢຸດທ້າຍອາທິດ ແນ່ນອນວ່າການຄືບຄານຜ່ານມື້ທັງຫ້າພຽງເພື່ອລໍຄອຍເສລີພາບໃນວັນຢຸດທ້າຍອາທິດຍ່ອມບໍ່ແມ່ນການໃຊ້ຊີວິດທີ່ດີແນ່ອນ ເພາະສະນັ້ນຈຶ່ງຈໍາເປັນຕ້ອງເຮັດໃຫ້ຊີວິດໃນ 24 ຊົ່ວໂມງຂອງເຮົາມີຄວາມຫມາຍຫລາຍທີ່ສຸດ ແລະ ການຈະເຮັດໃຫ້ຊີວິດແຕ່ລະວັນຂອງເຮົາມີຄວາມຫມາຍໄດ້ຢ່າງຫນ້ອຍກໍ່ຄວນໃຊ້ເວລາກັບຜູ້ຄົນທີ່ເຮົາຮັກຢ່າງມີຄຸນຄ່າ ອາດລອງຫາກິດຈະກໍາສ້າງສັນເຮັດຮ່ວມກັນ ຄວບຄູ່ໄປກັບການພັດທະນາ ແລະ ຮັກສາຄວາມສໍາພັນທີ່ດີເອົາໄວ້ ຫລື ແລກປ່ຽນເລື້ອງລາວຫນ້າສົນໃຈລະຫວ່າງກັນກໍ່ດີ


3. ຢ່າລີລໍທີ່ຈະເປີດປະຕູສູ່ໂລກໃຫມ່ໆ:
ການເຂົ້າຮ່ວມກິດຈະກໍາໃນວົງສັງຄົມກໍ່ນັບວ່າມີປະໂຫຍດໃນແງ່ຂອງການຮຽນຮູ້ເຊັ່ນກັນ ໄປຮຽນເຕັ້ນ ຟັງຄອນເສີດ ເຂົ້າຮ່ວມງານສານສໍາພັນ ຫລື ຢ້ຽມຊົມພິພິດທະພັນກໍ່ດີ ກິດຈະກໍາເຫລົ່ານີ້ບໍ່ໄດ້ມີເພື່ອວັນຢຸດເທົ່ານັ້ນ ເຮົາຢ່າລືມເປີດໂອກາດໃຫ້ສະຫມອງໄດ້ພັກຜ່ອນ ແລະ ພັດທະນາໃນມຸມມອງໃຫມ່ໆແດ່ ການມີສ່ວນຮ່ວມໃນກິດຈະກໍາທີ່ສ້າງສັນ ແລະ ໃຫ້ຄວາມຮູ້ທີ່ນອກເຫນືອໄປຈາກຂອບເຂດຂອງວຽກທີ່ເຮົາເຮັດ ຍ່ອມເປັນອີກຫນຶ່ງກົນລະຍຸດທີ່ດີໃນການເຮັດວຽກ ເນື່ອງຈາກການໄດ້ລອງເຮັດສິ່ງໃຫມ່ໆຈະຊ່ວຍເປີດມຸມມອງທີ່ບໍ່ເຄີຍໄດ້ຮັບຮູ້ ຫລື ສໍາຜັດມາກ່ອນສະເຫມີ ແຖມຍັງຊ່ວຍໃຫ້ຫລີກລ້ຽງຈາກປັນຫາພາວະທາງອາລົມໄດ້ອີກດ້ວຍ


4. ອ່ານ ແລະ ຂຽນບັນທຶກໃຫ້ຫລາຍ:
ຖ້າເຮົາເປັນຫນຶ່ງໃນພວກທີ່ໄດ້ຍິນຄໍາວ່າຂຽນ ແລ້ວເປັນຕ້ອງຕົກໃຈຂໍໃຫ້ເຊື່ອວ່າມັນຈະຊ່ວຍເຮົາໄດ້ຫລາຍແທ້ໆ ຢ່າງຫນ້ອຍກໍ່ຂຽນໃຫ້ໂຕເອງອ່ານກໍ່ຍັງດີ ເພາະການໃຊ້ເວລາ 15-20 ນາທີ ໃນການຂຽນບັນທຶກທາງອາລົມມັກຈະໃຫ້ຜົນດີຕໍ່ສຸກຂະພາບທັງກາຍ ແລະ ໃຈສະເຫມີ ລອງໃຫ້ເວລາໂຕເອງຈັກຫນ້ອຍຫນຶ່ງໃນການຂຽນບັນທຶກ ແລະ ອ່ານຫນັງສືກ່ອນນອນ ການຂຽນໄດອາລີກໍ່ສາມາດຊ່ວຍຂັບໄລ່ຄວາມຄິດທີ່ບໍ່ດີ ຫລື ຄວາມຄຽດທັງຫລາຍອອກໄປຈາກຫົວ ເພື່ອກຽມໂຕຮັບມືກັບວັນຕໍ່ໄປໄດ້ ແຖມຍັງໄລ້ກັງວົນ ຫລັບສະບາຍຂື້ນອີກຕ່າງຫາກ


5. ພັກຜ່ອນ:
ຜູ້ປະກອບການສ່ວນໃຫ່ຍມັກຈະບໍ່ຄ່ອຍໄດ້ຫລັບໄດ້ນອນກັນເທົ່າໃດ ເພາະມົວແຕ່ຫຍຸ້ງວຸ້ນວາຍຢູ່ກັບໂຮງງານແດ່ ເຮັດໃຫ້ໂລກດີຂື້ນແດ່ ພະວົງຢູ່ກັບການຍົກລະດັບຖານະແດ່ ຫລື ບໍ່ກໍ່ພະຍາຍາມຈະບໍລິຫານວຽກເທິງຄວາມສ່ຽງ ເຊື່ອວ່າການນອນບໍ່ໄດ້ເປັນສິ່ງເລວລ້າຍອັນໃດເລີຍ ມັນມີຂໍ້ດີໃນການທີ່ຈະຊ່ວຍເຮັດໃຫ້ວຽກຂອງເຮົາອອກມາດີຂື້ນອີກດ້ວຍ ແນ່ນອນວ່າໃນ ການໄປສູ່ປະສິດທິພາບທີ່ດີຍ່ອນມີທາງລັດຢູ່ຫລາກຫລາຍແຕ່ຂໍຢ່າໄດ້ລັດການນອນເລີຍ ເຊື່ອວ່າຈັ່ງໃດກໍ່ບໍ່ໄດ້ຜົນ ຢ່າງຫນ້ອຍກໍ່ຂໍໃຫ້ໄດ້ພັກຜ່ອນປະມານ 7.5 ຊົ່ວໂມງໃນແຕ່ລະວັນ ໃຫ້ໄກ້ຄຽງທີ່ສຸດກໍ່ຍັງດີ ຖ້າຫາກວ່າພະລັງງານບໍ່ພໍ ຈັ່ງໃດກໍ່ບໍ່ມີທາງທີ່ຈະເຮັດວຽກໄດ້ຢ່າງເຕັມຄວາມສາມາດ ທັງຫມົດນີ້ເປັນເຫມືອນກັບແພັກເກັດຊີວິດປະຈໍາວັນທີ່ອັດແຫນ້ນໄປດ້ວຍຄວາມສະຫນຸກສະຫນານ ຄວາມຄຸ້ມຄ່າ ການຟື້ນຟູສຸກຂະພາບ ການຮັກສາຄວາມສໍາພັນ ແລະ ຄວາມຄິດສ້າງສັນທີ່ເຮົາສາມາດສ້າງຂື້ນໃຫ້ກັບໂຕເອງ ຫາກເຮານໍາມາປະຕິບັດໄດ້ຈິງ ຮັບຮອງວ່າຊີວິດການເຮັດວຽກຂອງເຮົາຈະມີເປົ້າຫມາຍ ແລະ ປະສິດທິພາບທີ່ສູງຂື້ນ ຢຸດໃຊ້ຊີວິດພຽງຜ່ານໄປແຕ່ລະວັນແລ້ວມາສ້າງສັນຄວາມກ້າວຫນ້າໃນເວລາ 24 ຊົ່ວໂມງດີກວ່າ

ໂດຍ > ສຸຣິດທິເດດ ບຸດດາວົງ

Post a Comment

0 Comments