ແຟນເຈົ້າຊູ້! ຕ້ອງໃຊ້ວິທີປາບເສືອໃຫ້ກາຍມາເປັນແມວນ້ອຍ



ຄູ່ຮັກທຸກຄູ່ ຈະເຈີແນ່ນອນເລື່ອງເຈົ້າຊູ້! ໂດຍສ່ວນໃຫຍ່ ກະແມ່ນຜູ່ຊາຍນີ້ລະ ທີ່ມັກຈະມີພຶດຕະກໍາ ຕາສົ້ມຕາຫວານ ຫຼອກລໍ້ໃຫ້ສາວອື່ນຕາຍໃຈ ເວລາທີ່ ພົບສາວອື່ນ ຍ່າງກາຍໄປມາ. ກໍ່ເລີຍມີເຕັກນິກມາແນະນໍາ ສາວໆ ເພື່ອຈະໄດ້ເອົາໄວ້ປາບເສືອ ໃຫ້ກາຍເປັນແມວ ດັ່ງນີ້...


1. ເປັນໂຕເອງ:
ບໍ່ວ່າຈະຄົບກັບໃຜກໍ່ຕາມ ການເປັນໂຕເອງນັ້ນກໍ່ເປັນເລື້ອງທີ່ສໍາຄັນ ເພາະນີ້ມັນຈະເປັນການພິສູດວ່າເຂົາມັກເຮົາໃນແບບທີ່ເຮົາເປັນ ໂດຍສະເພາະກັບຜູ້ຊາຍເຈົ້າຊູ້ ແນ່ນອນວ່າເຂົາອາດຈະເປັນໄມ້ເລື້ອຍໄປທົ່ວ ແຕ່ຜູ້ຍິງທີ່ຢືນຢູ່ຂ້າງໆເຂົາຍ່ອມຈະເປັນຜູ້ຍິງທີ່ຈິງໃຈ ເປັນໂຕຂອງໂຕເອງ ບໍ່ແສແສ້ງ ເພາະລໍາພັງໂຕເຂົາທີ່ເປັນຄົນເຈົ້າຊູ້ນັ້ນກໍ່ຂີ້ຕັວະເກັ່ງຢູ່ແລ້ວ ຖ້າຈະໃຫ້ມາຄົບກັບຄົນເຟກໆ ອີກຊີວິດຄົງຈະວຸ້ນວາຍຂະຫນາດ.


2. ຢ່າຕາມໃຈຫລາຍເກີນໄປ:
ບາງຄົນທີ່ມີແຟນເຈົ້າຊູ້ນັ້ນສ່ວນໃຫ່ຍຈະຕາມໃຈແຟນຫລາຍ ບໍ່ວ່າເຂົາຢາກກິນອັນໃດ ຢາກໄປໃສ ຫລື ຢາກໄດ້ອັນໃດກໍ່ຈະປະເຄນໃຫ້ເຂົາຫມົດ ຖ້າເຮົາເປັນແບບນີ້ຢູ່ ແນະນໍາໃຫ້ຢຸດພຶດຕິກໍາເຫລົ່ານີ້ເລີຍ ມັນບໍ່ໄດ້ຊ່ວຍໃຫ້ໂຕເຮົາມີຄຸນຄ່າຂື້ນເລີຍ ຖ້າເຂົາຮັກເຮົົາ ແລະ ພ້ອມຈະຢຸດຢູ່ທີ່ເຮົາແທ້ໆ ເຊື່ອໂລດວ່າບໍ່ໄດ້ເອົາໃຈອັນໃດເຂົາຫລາຍແຕ່ຈັ່ງໃດເຮົາກໍ່ຄືທີ 1 ສໍາລັບເຂົາຢູ່ດີ.





3. ເຂົ້າໃຈໃນຄວາມເປັນເຂົາ:
ກໍ່ຍ້ອນນິໃສເຂົາເປັນແບບນັ້ນ ຈະໃຫ້ເຮັດຈັ່ງໃດໄດ້ ແຕ່ເຖິງແມ່ນວ່າເຂົາຈະແອ່ວ ຫລື ຈະຫລີ່ໄປທົ່ວ ແຕ່ເຂົາກໍ່ບໍ່ໄດ້ຈິງຈັງກັບໃຜເທົ່າກັບເຮົາແມ່ນບໍ່ ຢ່າມາໂທດຄົນອື່ນເລີຍ ໂທດໂຕເອງນັ້ນແຫລະ ຕອນຈີບກັນແລກໆ ເຮົາກໍ່ຫນ້າຈະຮູ້ຢູ່ແລ້ວວ່າເຂົາເປັນຈັ່ງໃດ ທັງຫມົດນັ້ນເກີດຂື້ນຈາກເຮົາເລືອກເອງ ແລ້ວພໍຄົບກັນແລ້ວເຮົາຈະມາໂວຍວາຍວ່າເຂົາເຈົ້າຊູ້ ບໍ່ເວີກດອກ ພະຍາຍາມເຂົ້າໃຈຄວາມເປັນເຂົາດີກວ່າ.


4. ສ້າງຄວາມປະທັບໃຈດ້ວຍໃຈ:
ເຊື່ອຫລືບໍ່ວ່າເວລາທີ່ໃຜຈິງໃຈກັບເຮົາ ເຮົາຈະຮູ້ສຶກໄດ້ ຄັ້ງນີ້ກໍ່ຄືກັນ ຫາກເຮົາຢາກຈະກໍາຫລາບເສືອໃຫ້ກາຍເປັນແມວນະກໍ່ຕ້ອງໃຊ້ວິທີໃຈແລກໃຈ ເປັນໂຕຂອງໂຕເອງ ເຮັດໃຫ້ເຂົາມີຄວາມສຸກ ແລະ ຍີ້ມລ້າເລີງທຸກມື້ ໃຫ້ເຮົາຮູ້ສຶກວ່າການທີ່ເຮົາໄດ້ໃຊ້ເວລາກັບເຂົານັ້ນມັນສະບາຍໃຈແບບສຸດໆ ເທົ່ານັ້ນແຫລະກໍ່ພຽງພໍແລ້ວ ແຕ່ຖ້າເຮົາເຮັດແບບນີ້ແລ້ວເຂົາຍັງບໍ່ຢຸດເຈົ້າຊູ້ ກໍ່ໃຫ້ເຮົາປ່ອຍເຂົາໄປໂລດ ຢ່າໄປເສຍເວລາເລີຍ.


5. ເບິ່ງແຍງຕົນເອງໃຫ້ດີທີ່ສຸດ:
ໃຜວ່າເລື້ອງຮູບຮ່າງພາຍນອກບໍ່ສໍາຄັນ ບໍ່ຈິງເດີ້ ເພາະເວລາຄົນເຮົາເຈິກັນຄັ້ງແລກເຂົາເບິ່ງອັນໃດກັນ ກໍ່ເບິ່ງຫນ້າ ເບິ່ງຫຸ່ນນັ້ນແຫລະ ແລ້ວຍິ່ງເຮົາມີແຟນເຈົ້າຊູ້ແລ້ວ ກໍ່ຄວນດູແລໂຕເອງ ນັ້ນເປັນເລື້ອງສໍາຄັນຢ່າງຍິ່ງ ໃຜຈະຢາກຢູ່ກັບຄົນທີ່ໂຊມໆ ເບິ່ງບໍ່ແຂງແຮງ ຫັນມາແຕ່ງໂຕເພື່ອໂຕເອງ ແລະ ຄົນທີ່ເຮົາຮັກດີກວ່າ.

ໂດຍ > ສຸຣິດທິເດດ ບຸດດາວົງ

Post a Comment

0 Comments