Header Ads

ກວດກາໂຄງການພັດທະນາ ພື້ນຖານໂຄງລ່າງ ເພື່ອສົ່ງເສີມການທ່ອງທ່ຽວຢູ່ເມືອງຈອມເພັດ


ຫຼວງພະບາງ: ວັນທີ 4 ມິຖຸນາ 2019 ທ່ານ ນາງ ສຸດາພອນ ຄົມທະວົງ ຮອງຫົວໜ້າພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ, ຫົວໜ້າໂຄງການພັດທະນາໂຄງລ່າງພຶ້ນຖານ ເພື່ອສົ່ງເສີມການ ທ່ອງທ່ຽວ ຂອງແຂວງ ພ້ອມດ້ວຍທີມງານ ແລະຂະແໜງການທີ່ກ່ຽວຂ້ອງ ຂອງເມືອງຈອມເພັດ ໄດ້ລົງພື້ນທີ່ ເພື່ອຕິດຕາມກວດກາ ໂຄງການພັດທະນາຢູ່ ບ້ານຊຽງແມນ ແລະບ້ານຈ່ານເໜືອ,


ປະກອບມີ ໂຄງການປັບປຸງ ທ່າຂ້າມເຮືອບັກ, ກໍ່ສ້າງເສັ້ນທາງປູຫີນ ໃນແລວທາງການທ່ອງທ້ຽວ ຢູ່ບ້ານຊຽງແມນ ແຕ່ວັດຈອມເພັດ ຫາ ວັດຫາດສ້ຽວ, ກໍ່ສ້າງຕະຫຼາດຊຸມຊົນ, ຕິດຕັ້ງໄຟຟ້າເຍືອງທາງ, ກໍ່ສ້າງຫ້ອງນໍ້າສາທາລະນະ. ສະເພາະບ້ານຈ່ານເໜືອ ໄດ້ປັບປຸງສູນຫັດຖະກຳເຄື່ອງປັ້ນດິນເຜົາ, ກໍ່ສ້າງເສັ້ນທາງປູຫີນພາຍໃນບ້ານ ແລະເສັ້ນທາງລົງທ່ານ້ຳຂອງ. ໂອກາດນີ້ ທ່ານ ນາງ ສຸດາພອນ ຄົມທະວົງ ກ່າວວ່າ: ໂຄງການດັ່ງກ່າວ ເພື່ອສ້າງສິ່ງອຳນວຍຄວາມສະດວກໃຫ້ແກ່ການທ່ອງທ່ຽວ ເຮັດໃຫ້ນັກທ່ອງທ່ຽວທີ່ມາທ່ຽວ ມີຄວາມສະດວກສະບາຍ.

ສຳລັບ ໂຄງການພັດທະນາໂຄງລ່າງພຶ້ນຖານ ເພື່ອສົ່ງເສີມການ ທ່ອງທ່ຽວ ຢູ່ເມືອງຈອມເພັດ ໄດ້ເລີ່ມລົງມືມາແຕ່ເດືອນ ພະຈິກ 2018 ມາຮອດປັດຈຸບັນ ສຳເລັດແລ້ວ 90% ຄາດວ່າ ຈະສຳເລັດໃນທ້າຍເດືອນ ມິຖຸນາ 2019 ນີ້. ໂດຍໄດ້ຮັບການສະໜັບສະໜູນຈາກ ທະນາຄານພັດທະນາອາຊີ (ADB).

ຂ່າວ: ນັກຂ່າວ ເມືອງຈອມເພັດ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com

------------------------------------------
ໂປພິເສດ! ກົດອ່ານດ່ວນ!
Aliexpress WW

No comments

Powered by Blogger.