Header Ads

ໜ່ວຍພັກວິຊາການ ພະແນກສຶກສາທິການ ແລະ ກິລາແຂວງອຸດົມໄຊ ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ສົມບູນ



ອຸດົມໄຊ: ພິທີຮັບ ໄດ້ຈັດຂື້ນ ໃນຕອນແລງວັນທີ 31 ພຶດສະພາ 2019 ນີ້. ທີ່ສະໂມສອນຂອງພະແນກສຶກສາທິການ ແລະ ກິລາແຂວງ, ໂດຍເປັນປະທານຂອງສະຫາຍ ພວງວິໄລ ອິນທະວົງ ຄະນະພັກຮາກຖານ, ເລຂາໜ່ວຍພັກວິຊາການ ພະແນກສຶກສາ-ກິລາແຂວງ, ມີສະຫາຍ ສົມສະນິດ ສຸດທິວົງ ຮອງເລຂາໜ່ວຍພັກວິຊາການ ພ້ອມດ້ວຍ ຄະນະ ແລະ ສະມາຊິກພັກພາຍໃນໜ່ວຍເຂົ້າຮ່ວມ.

ໃນການຮັບສະມາຊິກພັກຄັ້ງນີ້ ມີມະຫາຊົນກ້າວໜ້າເຂົ້າເປັນສະມາຊິກພັກສຳຮອງ 3 ສະຫາຍ, ຍິງ 1 ສະຫາຍ ແລະ ເລື່ອນສະມາຊິກພັກສຳຮອງ 11 ສະຫາຍ, ຍິງ 3 ສະຫາຍ ເຂົ້າເປັນສະມາຊິກພັກສົມບູນ.



ຜ່ານການຕິດຕາມ ແລະ ເຝິກຝົນຫຼໍ່ຫຼອມຂອງບັນດາ ສະມາຊິກພັກໃນຄັ້ງນີ້ ເຫັນວ່າ ໄດ້ດີ ຖືກຕາມມາດຖານເງື່ອນໄຂຂອງອົງການຈັດຕັ້ງວາງໄວ້.

ດັ່ງນັ້ນ ທາງຄະນະໜ່ວຍພັກວິຊາການ ຈຶ່ງໄດ້ຈັດພິທີຮັບຮອງເອົາ ເຂົ້າມາເຄື່ອນໄຫວພາຍໃນອົງການຈັດຕັ້ງ, ຕາມຂໍ້ຕົກລົງຂອງຄະນະປະຈຳພັກແຂວງ. ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມຈາກສະຫາຍເລຂາໜ່ວຍພັກ ເຊີ່ງຍາມໃດກໍ່ໄດ້ເປັນຫ່ວງເປັນໃຍຕໍ່ກັບສະມາຊິກພັກ ເຊີ່ງສະຫາຍໄດ້ເໜັ້ນໜັກໃຫ້ສະມາຊິກຕ້ອງເອົາໃຈໃສ່ປະຕິບັດລະບຽບຂອງພັກ, ກົດໝາຍຂອງລັດ ພ້ອມນັ້ນຕ້ອງເຂົ້າຮ່ວມດຳເນີນຊິວິດພັກໃຫ້ເຂັ້ມງວດ, ເພີ່ມຄວາມຮັບຜິດຊອບຕໍ່ໜ້າທີ່ວຽກງານຂອງຕົນທີ່ຖືກມອບໝາຍ, ມີຄຸນທາດການເມືອງໜັກແໜ້ນ, ມີທັດສະນະຖືກຕ້ອງ ແລະ ເປັນແບບຢ່າງທີ່ດີໃຫ້ແກ່ມະຫາຊົນ.



ໃນໂອກາດນີ້ ທາງໜ່ວຍພັກຍັງໄດ້ດໍາເນີນຊີວິດການເມືອງ ແລະ ທອດຖອນບົດຮຽນ ເພື່ອສະຫຼຸບການຈັດຕັ້ງນໍາພາວຽກງານຂອງໜ່ວຍ ໃນໄລຍະຜ່ານມາ ແລະ ວາງທິດທາງແຜນການ ໃນຕໍ່ໜ້າ ຕື່ມອີກ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------
ໂປພິເສດ! ກົດອ່ານດ່ວນ!
Aliexpress WW

No comments

Powered by Blogger.