ປະທານສະພັນແມ່ຍິງແຂວງວຽງຈັນ ຕ້ອນຮັບຂະບວນທັດສະນະສຶກສາຂອງຄະນະສະພັນແມ່ຍິງສະຖາບັນຄົ້ນຄ້ວາເສດຖະກິດແຫ່ງຊາດ



ແຂວງວຽງຈັນ: ໃນວັນທີ 21 ມີຖຸນາ 2019 ຜ່ານມາ ຄະນະສະພັນແມ່ຍິງສະຖາບັນຄົ້ນຄ້ວາ ເສດຖະກິດແຫ່ງຊາດ ໄດ້ມາທັດສະນະສຶກສາຢູ່ແຂວວຽງຈັນ ໂດຍການຕ້ອນຮັບຂອງທ່ານ ນາງ ຈັນທະບູນ ໂພສະລາດ ປະທານສະພັນແມຍິງແຂວງຈັນ ເຊິ່ງທ່ານໄດ້ກ່າວສະແດງຄວາມຍິນດີຕ້ອນຮັບ ຂະບວນທັດສະນະສຶກສາຄັ້ງນີ້ ພ້ອມທັງນຳພາໄປຢ້ຽມຢາມ ກຸ່ມຫັດຖະກຳຕ່ຳຫູກ ແລະ ກຸ່ມຫັດຖະກຳຈັກສານ ເປັນຕົ້ນແມ່ນກຸ່ມຫັດຖະກຳຕ່ຳສິ້ນ ຫຼື ເອີ້ນວ່າບ້ານຫູກຈອມມະນີ ຢູ່ບ້ານຫຼັກ52 ເຊິ່ງມີທັງໝົດ 100 ປາຍກ່ວາກີີ່ ພາໄປຢ້ຽມຢາມກຸ່ມຫັດຖະກຳຈັກສານບ້ານນາລ້ອງຄູນ ເມືອງໂພນໂຮງ ເຊິ່ງເປັນບ້ານໜຶ່ງທີ່ມີ່ສຽງໂດ່ງດັງ ທາງດ້ານການຈັກສານ ນອກນັ້ນຍັງມີບ້ານໂພນ,ບ້ານນາຍາງ,ບ້ານຊ້າງໃຫຍ່,ບ້ານວັງມົນ,ບ້ານສະກາ ແລະ ບ້ານເງິນອີກຫຼາຍບ້ານ ທີ່ເຮັດຫັດຖະກຳກ່ຽວກັບການຈັກສານ ແລະ ໄດ້ນຳພາໄປຢ້ຽມຢາມກຸ່ມຫັດຖະກຳຕ່ຳຫູກຂອງປ້າຄຳແສນຫຼືນາງສົມເພດ ບ້ານໂພນໝີ ເມືອງວຽງຄຳ ເຊິ່ງກຸ່ມຫັດຖະກຳຕ່ຳຫູກ ແລະ ກຸ່ມຫັດຖະກຳຈັກສານເຫລົ່ານີ້ ໄດ້ສ້າງວຽກເຮັດງານທຳ, ສ້າງລາຍຮັບໃຫ້ແກ່ເອື້ອຍນ້ອງແມ່ຍິງ ເປັນຈຳນວນຫຼວງຫຼາຍ.



ທ່ານ ນາງ ວັດຕະນະສິນ ເພັດສີເມືອງ ປະທານສະພັນແມ່ຍິງສະຖາບັນຄົ້ນຄ້ວາເສດຖະກິດແຫ່ງຊາດ ໄດ້ກ່າວວ່າ ການມາທັດສະນະສຶກສາໃນຄັ້ງນີ້ ເພື່ອສ້າງຂະບວນການຕ້ອນກອງປະຊຸມໃຫ່ຍຂອງຄະນະພັກສະຖາບັນ ແລະ ກອງປະຊຸມໃຫຍ່ ຂອງ 3 ອົງການຈັດຕັ້ງມະຫາຊົນຂອງສະຖາບັນ ທີ່ມາທັດສະນສຶກສາ ຢູ່ແຂວງວຽງຈັນ ຍ້ອນວ່າແຂວງວຽງຈັນເປັນແຂວງໜຶ່ງ ທີ່ມີຜະລິດຕະພັນທີ່ເດັ່ນທາງດ້ານສີໄມ້ລາຍມືເປັນຕົ້ນແມ່ນຫັດຖະກຳຕ່ຳຫູກ ແລະ ຫັດຖະກຳຈັກສານ ການມາທັດສະນະຄັ້ງນີ້ຈະເຮັດໃຫ້ເອື້ອຍນ້ອງແມ່ຍິງຂອງສະຖາບັນເຫັນເຖິງການຜະລິດຕົວຈິງຂອງເອື້ອຍນ້ອງແມ່ຍິງຢູ່ບ້ານ, ຢູ່ເມືອງ ທີ່ໄດ້ຈັດຕັ້ງເປັນກຸ່ມການຜະລິດເປັນຕົ້ນແມ່ນການຜະລິດສີ້ນ,ການຜະລິດຫັດຖະກຳຈັກສານ ເຊິ່ງຈະເປັນບົດຮຽນທີ່ດີໃຫ້ແກ່ ສະມາຊິກແມ່ຍິງຂອງສະຖາບັນ ຜູ້ທີ່ມີເງື່ອນໄຂສ້າງເສດຖະກິດຄອບຄົວຂະໜາດນ້ອຍໄດ້ໃນອານາຄົດ.



ໃນໂອກາດນີ້ ເອື້ອຍນ້ອງແມ່ຍິງຂອງສະຖາບັນ ຍັງໄດ້ຊື້ເຄື່ອງຊ່ວຍແຕ່ລະກຸ່ມ ເພື່ອເປັນການຊຸກຍູ້ສົງເສີມ ເຂົາເຈົາ້ ໃຫ້ມີແຮງໃຈຜະລິດໃຫ້ໄດ້ຫຼາຍກວ່າເກົາ ແລະ ເພື່ອນຳໄປໃຊ້ສອຍໃນສ່ວນຕົວ ແລະ ຄອບຄົວ,ພ້ອມທາງເປັນຂອງຕ້ອນຂອງຝາກໃຫ້ແກ່ຄົນທີ່ຮັກແພງຕື່ມອີກ.

ພາບ - ຂ່າວ : ບຸນມາ ແກ້ວບຸດດາ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------


Post a Comment

0 Comments