ເສົ້າໃຈ! ອຸບັດຕິເຫດ ກາງເດິກ ລົດຈັກຕໍາທ້າຍລົດສິບລໍ້ ເສຍຊີວິດຄາທີ 2 ຄົນ



ນະຄອນຫຼວງວຽງຈັນ: ລາຍງານຈາກ ສະມາຄົມອາສາກູ້ໄພນະຄອນຫຼວງ 1624 ແຈ້ງໃຫ້ຮູ້ວ່າ ໃນວັນທີ 02 ກໍລະກົດ 2019 ເວລາ: 00:02 ໄດ້ຮັບແຈ້ງເຫດເຂົ້າໝາຍເລກສຸກເສີນ 1624 ວ່າມີລົດຈັກຕຳທ້າຍລົດສິບລໍ້ຢູ່ ທາງເລກທີ 13 ໃຕ້ ບ້ານໜອງບົວທອງ, ເມືອງປາກງື່ມ, ນະຄອນຫລວງວຽງຈັນ .




ທີມກູ້ຊີບ-ກູ້ໄພນະຄອນຫຼວງວຽງຈັນຈື່ງອອກກວດສອບເຫດພົບຜູ້ບາດເຈັບ 2 ຄົນ ຍິງ 1

ຄົນທີ 1 ເປັນເພດຊາຍ ມີອາການເບື້ອງຕົ້ນແມ່ນ ມີບາດແຜເປີດໃຫຍ່ຢູ່ໜ້າເອິກ,ຄາງຫັກ, ຫົວຖືກກະທົບແຮງປ່ຽນຮູບ, ເສຍເລືອດຫຼາຍ ,ໝົດສະຕິ, ຫົວໃຈຢຸດເຕັ້ນ.



-ຄົນທີ 2 ເປັນເພດຍິງ ມີອາການເບື້ອງຕົ້ນແມ່ນ ຄາງມີບາດແຜເປີດໃຫຍ່, ກະທົບຫົວ ,ເສຍເລືອດຫຼາຍ, ໝົດສະຕິ, ຫົວໃຈຢຸດເຕັ້ນ.

ດັ່ງນັ້ນທີມກູ້ຊີບ-ກູ້ໄພນະຄອນຫຼວງຈຶ່ງໄດ້ປະຖົມພະຍາບານເບື້ອງຕົ້ນ,ທຳການນວດຫົວໃຈ cpr ລະຫວ່າງການນຳສົ່ງໄປໂຮງໜໍ 150 ຕຽງ. ຂໍສະແດງຄວາມເສຍໃຈນຳພີ່ນ້ອງຄົນເສຍຊີວິດ.



ສ່ວນສາເຫດຂອງອຸບັດຕິເຫດ ເຈົ້າໜ້າທີ່ກ່ຽວຂ້ອງຈະດໍາເນີນການກວດສອບຕາມຂັ້ນຕອນຕໍ່ໄປ.

ລາຍງານໂດຍ: ສະມາຄົມອາສາກູ້ໄພນະຄອນຫຼວງ 1624


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments