ເສົ້າໃຈແທ້ໆ! ພໍ່ແມ່ຕິດຢາບ້າ ປະລູກນ້ອຍ ອາຍຸ 8 ເດືອນຢູ່ເຮືອນຄົນດຽວ ເສຍຊີວິດ ທີ່ບ້ານນາສາລາ



ນະຄອນຫຼວງວຽງຈັນ: ເປັນຂ່າວສຸດເສົ້າ ກັບເຫດການພໍ່ແມ່ຕິດຢາບ້າ ແລ້ວປະລູກນ້ອຍ ຢູ່ເຮືອນຄົນດຽວຈົນເສຍຊີວິດ. ຈາກການລາຍງານຂອງ ສະມາຄົມອາສາກູ້ໄພນະຄອນຫຼວງ 1624 ໃຫ້ຮູ້ ໃນວັນທີ 29 ກໍລະກົດ 2019 ວ່າ. ໄດ້ຮັບແຈ້ງຈາກປະຊາຊົນວ່າ ເກີດເຫດ ພໍ່ແມ່ຕິດຢາເສບຕິດ ແລະ ຜິດຖຽງກັນແລ້ວຖີ້ມລູກສາວອາຍຸພຽງ 8 ເດືອນໄວ້ໃນເຮືອນຢູ່ຄົນດຽວ 6-7 ມື້ ເດັກນ້ອຍເສຍຊີວິດຄາທີ່ຢູ່ບ່ອນນອນ ທີ່ ບ້ານ ນາສາລາ ເມືອງ ໄຊທານີ ນະຄອນຫລວງວຽງຈັນ.



ປະຊາຊົນໃຫ້ຮູ້ວ່າ ພໍ່ແມ່ຂອງເດັກນ້ອຍຜູ່ຕາຍ ແມ່ນຕິດຢາເສບຕິດ, ແລ້ວຜິດຖຽງກັນ. ຈາກນັ້ນ ໄດ້ພາກັນໜີ ເພາະໃຜກໍ່ບໍ່ຢາກເບິ່ງລູກນ້ອຍ. ປະຊາຊົນກໍ່ບໍ່ຮູ້ວ່າ ເດັກນ້ອຍຖືກປະໄວ້ທີ່ເຮືອນດັ່ງກ່າວ, ຈົນ ວັນທີ 29 ກໍລະກົດ 2019 ປະຊາຊົນ ຈິ່ງພົບເຫັນ ແລະ ແຈ້ງ ທາງກູ້ໄພ ແລະ ເຈົ້າໜ້າທີ່.

ສ່ວນການດຳເນີນການກວດສອບ ພໍ່ແມ່ ທີ່ປະປ່ອຍລູກຈົນເສຍຊີວິດ ທາງເຈົ້າໜ້າທີ່ຈະດຳເນີນການໄປຕາມກົດໝາຍຕໍ່ໄປ.








------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments