ຍຶດຢາໄອ້ 30 ເປົານໍ້າໜັກ 600 ກິໂລກະລາມ ທີ່ເມືອງຕົ້ນເຜິ້ງ ໂຊເຟີໂຕນໜີກ່ອນ



ເຈົ້າໜ້າທີ ປກສ ແຂວງບໍ່ແກ້ວຍຶດຢາໄອສໄດ້ 600 ກິໂລ

ໃນວັນທີ່ 3 ກໍລະກົດ 2019. ເວລາປະມານ 13 ໂມງ 30 ນາທີ ໄດ້ມີລົດຕູ້ສະຕາແລັກ, ໝາຍເລກທະບຽນ ກບ 2917 ກໍາແພງນະຄອນ ແລ່ນມາທາງເມືອງຕົ້ນເຜິ້ງ ມຸ້ງໜ້າໄປທາງເມືອງຫ້ວຍຊາຍ, ທາງເຈົ້າໜ້າທີ່ໜ່ວຍສະເພາະກິດທະຫານແຂວງເຫັນວ່າລົດຄັນດັ່ງກ່າວ ມີພິລຸດຜິດປົກກະຕິ



ດັ່ງນັ້ນ ທາງໜ່ວຍສະເພາະກິດຈຶ່ງໄດ້ທໍາການຕິດຕາມ ມາຮອດບ້ານນໍ້າເກິ່ງໃໝ່ ຈາກນັ້ນເຈົ້າຂອງລົດຄັນດັ່ງກ່າວຮູ້ຕົວກອ່ນ ຈຶ່ງໄດ້ເອົາລົດເຂົ້າໄປຈອດໄວ້ຢູ່ໂຮງຮຽນປະຖົມສົມບູນ ບ້ານນໍ້າເກິ່ງໃໝ່ ແລ້ວເອົາຕົວລົບໜີ,


ຈາກນັ້ນທາງເຈົ້າໜ້າທີ່ໜ່ວຍສະເພາະກິດທະຫານແຂວງ ຈຶ່ງໄດ້ນໍາເອົາລົດຄັນດັ່ງກ່າວ ຂື້ນມາກອງບັນຊາການທະຫານແຂວງ ເພື່ອທໍາການກວດຄົ້ນ ໂດຍສົມທົບກັບພາກສ່ວນທີ່ກຽ່ວຂ້ອງ ຄື: ກອງບັນຊາການທະຫານແຂວງ, ກອງບັນຊາການ ປກສ ແຂວງ ແລະ ອົງການໄອຍະການແຂວງ




ຜ່ານການກວດຄົ້ນຕົວຈິງເຫັນວ່າລົດຄັນດັ່ງກ່າວມີຢາເສບຕິດປະເພດຢາໄອສ ຈໍານວນ 30 ເປົາ, ມີ 600 ຫໍ່, ມີນໍ້າໜັກ 600 ກິໂລ, ສ່ວນເຈົ້າຂອງລົດທີເອົາຕົວລົບໜີຢູ່ນັ້ນ ປະຈຸບັນທາງເຈົ້າໜ້າທີ່ຕໍາຫຼວດພວມດໍາເນີນການສຶບຄົ້ນຫາເພື່ອນໍາຈັບຕົວມາດໍາເນີນຄະດີຕາມລະບຽບກົດໝາຍ.

ຂ່າວ: ຄຳໄຕ - ພາບ: ຄຳເພັງ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments