5 ວິທີຮັບມື ເມື່ອຕ້ອງອອກເດດກັບຜູ້ບ່າວນັກທຸລະກິດ


1. ຢ່າຮຽກຮ້ອງວັນພັກຈາກເຂົາຫລາຍເກີນໄປ:
ເມື່ອເລືອກທີ່ຈະອອກເດດກັບຫນຸ່ມນັກທຸລະກິດ ກ່ອນອື່ນເຮົາຈະຕ້ອງທໍາໃຈກັບຕາຕະລາງວຽກທີ່ແຫນ້ນຂອງເຂົາແນ່ນອນວ່າເຮົາຕ້ອງຕົກໃຈຖ້ານັດຂອງເຮົາອາດບໍ່ໄດ້ຢູ່ໃນແຜນວຽກລ່ວງຫນ້າເຂົາເລີຍ ຂໍບອກວ່ານັ້ນບໍ່ແມ່ນເລື້ອງທີ່ຕ້ອງຕົກໃຈ ແຕ່ເຮົາຄວນກັບໄປວາງແຜນທຮິບຂອງເຮົາໃຫ້ຮັດກຸມ ເອົາແບບທີ່ເຂົາບໍ່ສາມາດຫາຂໍ້ອ້າງໄດ້ ແລ້ວກັບມາສະເຫນີເຂົາໃຫມ່ ມັນຕ້ອງຈັກແຜນທີ່ເຂົ້າຕາເຂົາແດ່

2. ທໍາໃຈເມື່ອຖືກເລື່ອນນັດ:
ເຄີຍບໍ່ທີ່ຄໍ່າຄືນນັດເດດສຸດໂລແມນຕິກຂອງເຮົາຕ້ອງຍົກເລີກລົງກາງຄັນ ຫລື ບໍ່ກໍ່ເລື່ອນໄປເປັນວັນພັກອື່ນໆ ຫລື ບໍ່ກໍ່ຕ້ອງເສຍສະລະເດດນັ້ນໃຫ້ກັບທຮິບການປະຊຸມກະທັນຫັນຂອງເຂົາ ຈົງທ່ອງຂື້ນໃຈໄວ້ເລີຍວ່າມັນເປັນເລື້ອງທໍາມະດາຂອງການອອກເດດກັບຫນຸ່ມສະໄຕນີ້ເລີຍ ແລະ ສິ່ງທີ່ເຮັດໄດ້ຢ່າງດຽວກໍ່ຄືທໍາໃຈ

3. ຢ່າຝືນກົດເລີຍ:
ເປັນເລື້ອງຫນ້າແປກແມ່ນບໍ່ທີ່ວ່າພວກບັນດາຫນຸ່ມສະໄຕນີ້ ຈະຈື່ວັນນັດຫມາຍການປະຊຸມໄດ້ຢ່າງແຫມ້ນຢໍາ ແຕ່ກັບລືມວັນສໍາຄັນ ຫລື ວັນຄົບຮອບຂອງຄູ່ເດດ ເອົາເປັນວ່າໃຫ້ເຮົາພະຍາຍາມເຮັດໃຈເຢັນໆ ຢ່າໄປຫົວເສຍ ແລະ ຫງຸດຫງິດ ແຕ່ຄວນເບິ່ງຂ້າມຄວາມຈໍາເສື່ອມເລັກໆນ້ອຍໆຂອງເຂົາໄປແດ່ ຫລື ບໍ່ກໍ່ບໍ່ຕ້ອງໄປຄາດຫວັງວ່າຈະຈື່ມັນໄດ້ ເຂົາເບີມາເຮົາກໍ່ເບີກັບໄປເທົ່ານັ້ນເອງ ຢ່າມັນ ເຮົາບໍ່ແຄຊະຢ່າງ

4. ປ່ອຍໃຫ້ເຂົາເປັນຝ່າຍຕັດສິນໃຈ:
ໃນຊ່ວງຂອງເວລາອອກເດດ ດ້ວຍບຸກຄະລິກຂອງຫນຸ່ມສະໄຕນີ້ ມັກທີ່ຈະເປັນຝ່າຍຕັດສິນໃຈອັນໃດງ່າຍໆ ຫາກເຮົາພະຍາຍາມປ່ອຍໃຫ້ເຂົາມີຫນ້າທີ່ຮັບຜິດຊອບເດດນີ້ຂອງເຮົາ ທັງເປັນຄົນສັ່ງອາຫນ ແລະ ຈອງບັດເບິ່ງຫນັງ ແຕ່ບໍ່ແມ່ນວ່າເຮົາຈະບໍ່ສະແດງຄວາມຄິດເຫັນອັນໃດເລີຍ ໃນຊ້ວງລະ ຫວ່າງການເດດນັ້ນເຮົາກໍ່ເວົ້າລົມເຖິງແຜນທີ່ຢາກເຮັດກັບເຂົາຮ່ວມກັນ ເພື່ອເຮັດໃຫ້ເຂົາເຫັນວ່າເຮົາເອງກໍ່ໃສ່ໃຈ ແລະ ສົນໃຈທີ່ຢາກຈະມີເຂົາຢູ່ເປັນສ່ວນຫນຶ່ງໃນອະນາຄົດ

5. ການຕົງຕໍ່ເວລາ:
ການອອກເດດກັບຫນຸ່ມສະໄຕນີ້ເລື້ອງເວລາເປັນສິ່ງສໍາຄັນ ເພາະຖ້າຮົາມາສວຍຫລາຍ ນັ້ນອາດເຮັດໃຫ້ເຂົາເບິ່ງເຮົາໄດ້ວ່າເປັນຄົນບໍ່ຕົງເວລາ ບໍ່ເຄົາລົບເວລາຂອງຜູ້ອື່ນ ເຮົາເອງກໍ່ຄົງບໍ່ຢາກຖືກເບິ່ງຂ້າມຢ່າງນັ້ນແນ່ນອນ ທາງທີ່ດີຖ້າເຂົານັດເວລາໃດກໍ່ຄວນໄປໃຫ້ທັນເວລາ ຖ້າມີອຸບັດຕິເຫດໄປບໍ່ໄດ້ ແລະ ຈໍາເປັນຕ້ອງຜິດນັດ ກໍ່ຢ່າລືມໂທບອກເຂົາລ່ວງຫນ້າ ເພາະຄວາມຈິງເລື້ອງແບບນີ້ກໍ່ເປັນມາລະຍາດຂັ້ນພື້ນຖານທີ່ເຮົາທຸກຄົນຕ້ອງເຮັດ ທັງກັບຄູ່ເດດໂຕເອງ ແລະ ຄົນອື່ນ ເພື່ອສະແດງເຖິງຄວາມຮັບຜິດຊອບກັບການກະທໍາຂອງໂຕເອງ ຫລາຍຄົນອາດເບິ່ງວ່າການອອກເດດກັບຫນຸ່ມນັກທຸລະກິດເປັນເລື້ອງຍາກ ເພາະຈະມີເວລາໃຫ້ຫນ້ອຍລວມ ທັງນັດທີ່ຖືກເລື່ອນແລ້ວເລື່ອນອີກ ອາການນ້ອຍໃຈກໍ່ເລີຍອາດເກີດຂື້ນງ່າຍໆ ຢ່າໄປນ້ອຍໃຈໃຫ້ເສຍເວລາ ລອງບໍລິຫານຈັດການເວລາຂອງໂຕເອງ ແລະ ເຂົາໃຫ້ດີໆ ຄິດໄປຄິດມາການອອກ ແລະ ພິຊິດໃຈຫນຸ່ມນັກທຸລະກິດກໍ່ເປັນເລື້ອງທີ່ຫນ້າທ້າທາຍຢູ່ບໍ່ຫນ້ອຍເລີຍ

Post a Comment

0 Comments