ຮູ້ແລ້ວບໍ່ 4 ຜົນດີ! ຈາກການລ້າງຫນ້າດ້ວຍນໍ້າເຢັນ ໄດ້ປະໂຫຍດເຕັມໆດ້ານຄວາມງາມ





ການລ້າງໜ້າດ້ວຍນໍ້າເຝັນ ມີປະໂຫຍດຫຍັງແດ່.... ມາອ່ານນໍາກັນເລີຍ

1. ກະຊັບຮູຂຸມຂົນ:
ເປັນປະໂຫຍດສໍາຄັນລໍາດັບຕົ້ນໆທີ່ຫລາຍຄົນມັກຈະຄຸ້ນຫູກັນດີວ່າການໃຊ້ນໍ້າເຢັນລ້າງຫນ້າ ຈະຊ່ວຍກະຊັບຮູຂຸມຂົົນໄດ້ເປັນຢ່າງດີ ແລະ ຈະເຮັດໃຫ້ຜີວງາມຍິ່ງຂື້ນ ເປັນເລື້ອງຈິງແຕ່ບໍ່ທັງຫມົດ ເນື່ອງຈາກນໍ້າເຢັນສາມາດຊ່ວຍກະຊັບໄດ້ພຽງຊົ່ວຄາວເທົ່ານັ້ນ ຫາກບໍ່ທາຄີມບໍາລຸງ ຫລື ທາຄີມກັນແດດເມື່ອອອກໄປເຈິແສງແດດ ກໍ່ມີໂອກາດທີ່ຮູຂຸມຂົນຈະຂະຫຍາຍໃຫຍ່ ແລະ ເຮັດໃຫ້ຫນ້າມັນຫລາຍກວ່າເກົ່າ ແຕ່ເຖິງຢ່າງໃດກໍ່ຄວນເລືອກລ້າງຫນ້າດ້ວຍນໍ້າເຢັນຈະດີທີ່ສຸດ


2. ລົດຄວາມມັນ:
ການດູແລຜີວມັນນັ້ນເປັນເລື້ອງທີ່ຍາກລໍາບາກຫລາຍ ເພາະຕ້ອງຄອຍຊັບມັນ ເຕີມເຄື່ອງສໍາອາງຕະຫລອດວັນ ຫາກບໍ່ເຮັດຄວາມສະອາດເຈິສີວອັກເສບໄດ້ ທັງທີ່ຈິງແລ້ວ ຫາກໃຊ້ນໍ້າເຢັນລ້າງຫນ້າເປັນປະຈໍາກໍ່ຊ່ວຍລົດຄວາມມັນສ່ວນເກີນເທິງໃບຫນ້າໄດ້ແບບບໍ່ຕ້ອງລົງທຶນແລ້ວ ເນື່ອງຈາກຮູຂຸມຂົນກະຊັບຂື້ນ ນໍ້າມັນກໍ່ປະລິດນ້ອຍລົງ ເຊິ່ງກໍ່ເຮັດໃຫ້ຫນ້າບໍ່ຄ່ອຍມັນນັ້ນເອງ


3. ລົດສີວອັກເສບ:
ຢ່າງເກິ່ນໆໄປແລ້ວໃນຂໍ້ 2 ວ່າ ເມື່ອຫນ້າມັນ ແລະ ເກີດສິ່ງສົກກະປົກເຂົ້າໄປອຸດຕັນ ກໍ່ຈະເຮັດໃຫ້ເກີດສີວອັກເສບໄດ້ ເພາະສະນັ້ນຫາກໃຊ້ນໍ້າເຢັນລ້າງຫນ້າເປັນປະຈໍາ ນອກຈາກຈະລົດຄວາມມັນແລ້ວ ກໍ່ຍັງຊ່ວຍລົດອັດຕາການເກີດສີວອີກດ້ວຍ ເປັນການດູແລຜີວແບບລຽບງ່າຍບໍ່ຕ້ອງເສຍເງິນຈັກກີບ ແຕ່ເຖິງຢ່າງໃດກໍ່ຄວນໃຊ້ຄີມບໍາລຸງ ຫລື ໂລຊັນທາຫນ້າຄວບຄູ່ກັນໄປພ້ອມ ຈະເຮັດໃຫ້ໄດ້ປະສິດທິພາບດີຍິ່ງກວ່າເກົ່າ


4. ເຮັດໃຫ້ຜີວເບິ່ງກະຈ່າງໃສ:
ບໍ່ແມ່ນແຕ່ນໍ້າອຸ່ນເທົ່ານັ້ນທີ່ເຮັດໃຫ້ເລືອດໄຫລວຽນໄດ້ດີ ນໍ້າເຢັນກໍ່ສາມາດເຮັດໄດ້ເຊັ່ນກັນ ແລະ ຍັງຊ່ວຍເພີ້ມຄວາມຊຸ່ມຊື່ນໃຫ້ກັບຜີວ ຈຶ່ງເຮັດໃຫ້ໃບຫນ້າເບິ່ງລຽບນຽນກະຈ່າງໃສໄດ້ເອງແບບທໍາມະຊາດ ແລະ ຍັງຊ່ວຍໃຫ້ເຄື່ອງສໍາອາງຕ່າງໆຕິດຫນ້າໄດ້ທົນເພາະຄວາມລຽບນຽນດີ້ພ້ອມ ເອີ້ນໄດ້ວ່າເປັນສູດຜີວງາມທີ່ບໍ່ຕ້ອງລົງທຶນອັນໃດເລີຍ ແຖມຍັງເພີ້ມຄວາມສົດຊື່ນໃຫ້ກັບໃບຫນ້າໄດ້ເປັນຢ່າງດີ ພຽງແຕ່ລ້າງຫນ້າດ້ວຍນໍ້າເຢັນກໍ່ເພີ້ມຄວາມສວຍງາມໃຫ້ກັບໃບຫນ້າໄດ້ແລ້ວ ໃຜທີ່ຍັງບໍ່ເຄີຍລອງກໍ່ຕ້ອງລອງເບິ່ງ ສ່ວນໃຜທີ່ມັກໃຊ້ນໍ້າອຸ່ນລ້າງຫນ້າກໍ່ຄວນຢຸດໄດ້ແລ້ວ ກ່ອນທີ່ຈະຫນ້າແຫ້ງຈົນຖີ້ມລີ້ວລອຍເອົາໄວ້ຢ່າງບໍ່ຫນ້າເບິ່ງ

Post a Comment

0 Comments