ກະຊວງ ຖວທ ເຊື່ອມຊຶມວຽກງານການຕ້ານການຄ້າມະນຸດໃຫ້ 4 ແຂວງພາກໃຕ້


ກະຊວງ ຖວທ ເຊື່ອມຊຶມວຽກງານການຕ້ານການຄ້າມະນຸດໃຫ້ 4 ແຂວງພາກໃຕ້

ໃນວັນທີ 2 ກໍລະກົດ 2019 ກະຊວງ ຖວທ ໄດ້ຈັດກອງປະຊຸມເຜີຍແຜ່ ກ່ຽວກັບການຕ້ານສະກັດກັ້ນຕ້ານການຄ້າມະນຸດ ທີ່ແຂວງອັດຕະປື ໂດຍມີພະນັກງານຈາກຂົງເຂດ ຖວທ 4 ແຂວງພາກໃຕ້ຄື: ແຂວງຈໍາປາສັກ, ສາລະວັນ, ເຊກອງ ແລະ ອັດຕະປື.



ທ່ານ ສະຫວັນຄອນ ລາຊະມົນຕີ ຮອງລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວກ່າວໄຂກອງປະຊຸມເທືອນີ້ວ່າ: ບັນຫາການຄ້າມະນຸດ ແມ່ນເປັນອາດສະຍາກຳທີ່ຮ້າຍແຮງ, ສົ່ງຜົນກະທົບໂດຍກົງທາງດ້ານຮ່າງກາຍ ແລະ ຈິດໃຈ ຂອງຜູ້ຖືກເຄາະຮ້າຍ ຕໍ່ສັງຄົມ, ຄອບຄົວ ແລະ ການພັດທະນາປະເທດຊາດ
ດັ່ງນັ້ນ, ການເຜີຍແຜ່ກົດໝາຍວ່າດ້ວຍການຕ້ານການຄ້າມະນຸດ ເຊິ່ງປະກອບມີ 9 ພາກ, 91 ມາດຕາ ນີ້ ພາກສ່ວນກ່ຽວຂ້ອງທີ່ເຂົ້າຮ່ວມນັ້ນ ຫລັງໄດ້ປຶກສາຫາລືຄົ້ນຄວ້າເພື່ອເຮັດໃຫ້ວຽກງານຕ້ານການຄ້າມະນຸດໃຫ້ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນດັ່ງທີ່ກອງປະຊຸມໄດ້ຕັ້ງໄວ້ໃນເທື່ອນີ້ແລ້ວ ຂໍຽກຮ້ອງມາຍັງທຸກພາກສ່ວນທີ່ກ່ຽວຂ້ອງຈົ່ງ ກຳແໜ້ນ ຢ່າງເລີກເຊີ່ງ ພ້ອມສະກັດກັ້ນ ແລະ ແກ້ໄຂປະກົດການຫຍໍ້ທໍ້ຕໍ່ກັບຜູ້ຖືກເຄາະຮ້າຍທີ່ສົ່ງຜົນກະທົບໂດຍກົງທາງດ້ານຮ່າງກາຍ ແລະ ຈິດໃຈຈາກການຄ່າມະນຸດຢູ່ແຕ່ລະທ້ອງຖິ່ນໃຫ້ມັນໄດ້ຮັບການຈັດຕັ້ງປະຕິບັດ ຢ່າງເຂັ້ມງວດ.



ໃນຄະນະດຽວກັນ ກອງປະຊຸມບັນດາຜູ້ເຂົ້າຮ່ວມຍັງໄດ້ຮັບຟັງ ລະບຽບການແຕ່ງດອງ ແລະ ການຊ່ວຍເຫຼືອແມ່ຍິງລາວຜູ້ຖືກເຄາະຮ້າຍຢູ່ຕ່າງປະເທດ ຈາກຂະບວນການຄ້າມະນຸດ, ສະພາບການເຄື່ອນຍ້າຍແຮງງານຢູ ສ ປປລາວ ທັງພາຍໃນ ແລະ ຕ່າງປະເທດນຳອີກດ້ວຍ.

ໂດຍ: ມາລາທິບ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments