5 ພຶດຕິກໍາ ບໍ່ເກີດແຫ່ງທໍາລາຍຄວາມສໍາພັນຂອງຄູ່ຮັກ ແບບບໍ່ຮູ້ໂຕ


1. ຄາດຫວັງໃນໂຕຄົນຮັກຫລາຍເກີນໄປ:
ເປັນເລື້ອງທໍາມະດາເມື່ອຄົນເຮົາຄົບກັນຍ່ອມຕັ້ງຄວາມຫວັງກັບອີກຝ່າຍມັນກໍ່ເປັນເລື້ອງປົກະຕິຢູ່ແລ້ວ ແຕ່ຈະບໍ່ທໍາມະດາກໍ່ຕໍ່ເມື່ອ ຝ່າຍໃດຝ່າຍຫນຶ່ງທຸ້ມເທຄວາມຄາດຫວັງຈາກອີກຝ່າຍຫລາຍຈົນເກີນໄປ ເປັນຕົ້ນວ່າການຄາດຫວັງໃຫ້ອີກຝ່າຍເຊີໄພ້ທຸກວັນເກີດ ຫລື ທຸກວັນຄົບຮອບ ແຕ່ເມື່ອບໍ່ມີສັນຍານຕອບຮັບຈາກຄວາມຮັກທີ່ລາບລື້ນກໍ່ອາດກໍ່ໃຫ້ເປັນປະເດັນດຮາມ້າງ່າຍໆ ລອງລົດຄວາມຫວັງລົງແດ່ ແລ້ວຄວາມສໍາພັນຈະສະບາຍໂຕຂື້ນຫລາຍ




2. ຢາກຮູ້ທຸກເລື້ອງຂອງອີກຝ່າຍ:
ແນ່ນອນວ່າຄົນເຮົາຄົບກັນບໍ່ແມ່ນທຸກເລື້ອງທີ່ເຮົາຈະເຫັນດີເຫັນພ້ອມກັນໄປຫມົດທຸກເລື້ອງ ຫລື ອາດມີບາງເລື້ອງທີ່ເຮົາບໍ່ໄດ້ບອກໃຫ້ອີກຝ່າຍໄດ້ຮູ້ ເພາະການເວົ້າທຸກຢ່າງທີ່ຄິດອາດບໍ່ແມ່ນເລື້ອງທີ່ດີສະເຫມີໄປ ບໍ່ແມ່ນເຂົາບໍ່ຢາກບອກເຮົາ ແຕ່ອາດເປັນເພາະເຂົາບໍ່ສະບາຍໃຈທີ່ຈະເວົ້າເຖິງມັນກໍ່ເປັນໄປໄດ້ ຢ່າໄປພະຍາຍາມຄາດຄັ້ນ ຫລື ໂນ້ມນ້າວໃຫ້ເຂົາຕ້ອງເລົ່າຄວາມໃນໃຈ ເລື້ອງບາງເລື້ອງປ່ອຍຜ່ານມັນໄປແດ່ກໍ່ໄດ້


3. ຢ່າເສຍສະຫຼະຈົນໂຕເອງລໍາບາກ:
ການເສຍສະລະເພື່ອຄົນຮັກເປັນເລື້ອງທີ່ຫນ້າຊື່ນຊົມ ແລະ ຄວນປະຕິບັດຕໍ່ກັນ ແຕ່ຢ່າງທີ່ບອກວ່າອັນທີ່ມັນເກີນໄປຍ່ອມບໍ່ກໍ່ໃຫ້ເກີດສົມດຸນ ບາງຄັ້ງຄວາມເສຍສະລະກໍ່ຈໍາເປັນຕ້ອງມີຂໍ້ຈໍາກັດຂອງໂຕເອງ ບໍ່ແມ່ນວ່າທຸ້ມຢ່າງດຽວ ມື້ດີຄືນດີ ເຮົາອາດຮູ້ສຶກວ່າເມື່ອຍຈົນເກີນໄປທີ່ຈະເສຍສະລະໄດ້ອີກ ແລະ ກໍ່ຈະເກີດຄໍາຖາມທີ່ວ່າ ຂ້ອຍເຮັດໃຫ້ເຈົ້າຫລາຍຂະຫນາດນີ້ ແຕ່ເປັນຫຍັງເຈົ້າຈຶ່ງບໍ່ເສຍສະລະໃຫ້ຂ້ອຍແດ່ ຈົນກາຍເປັນປັນຫາຕາມມາພາຍຫລັງ



4. ເກັບທຸກຢ່າງມາຄິດຫຼາຍ:
ສາວໆຄົນໃດທີ່ຮູ້ໂຕວ່າໂຕເອງເປັນຄົນຄິດຫລາຍຢູ່ແລ້ວ ຂໍເຕືອນໄວ້ເລີຍວ່າຂໍໃຫ້ພະຍາຍາມລົດໆຄວາມຄິດຫລາຍຂອງໂຕເອງລົງແດ່ ຢ່າພະຍາຍາມເກັບເອົາທຸກຄໍາເວົ້າ ທຸກການກະທໍາຂອງຄົນຮັກມາມີອິດທິພົນຕໍ່ໂຕເອງຫລາຍເກີນໄປ ຄົນທີ່ເລວລ້າຍບໍ່ແມ່ນເຂົາ ແຕ່ຈະເປັນໂຕເຮົາເອງ ທັ້ງໆທີ່ບາງທີອີກຝ່າຍອາດບໍ່ໄດ້ຄິດອັນໃດເລີຍກໍ່ໄດ້ ເຊື່ອຫລືບໍ່ວ່າພຶດຕິກໍານີ້ເປັນສາເຫດໃຫ້ຫລາຍຄູ່ຕ້ອງຜິດຖຽງກັນ ແລະ ຈົບຄວາມສໍາພັນກັນມາຫລາຍຕໍ່ຫລາຍຄູ່ແລ້ວ



5. ບໍ່ຢືດຢຸ່ນຕໍ່ຄວາມປ່ຽນແປງ:
ການທີ່ເຮົາຍອມຮັບຄວາມປ່ຽນແປງຕ່າງໆ ຖືເປັນອີກເລື້ອງສໍາຄັນສໍາລັບຄູ່ຮັກທີ່ຢາກມີຄວາມຮັກທີ່ຍືນຍາວ ເພາະຄວາມປ່ຽນແປງເປັນທໍາມະດາຂອງໂລກ ເພງທີ່ເຮົາເຄີຍມັກ ອາຫານທີ່ເຮົາເຄີຍກິນ ຄວາມຮັກທີ່ເຄີຍຫວານ ສິ່ງເຫລົ່ານີ້ຍ່ອມເປັນສິ່ງທີ່ຈືດຈາງໄປຕາມການເວລາ ດັ່ງນັ້ນ ເຮົາຕ້ອງຮູ້ຈັກຢືດຢຸ່ນ ຢ່າໄປຍຶດຕິດ ຫລື ຜູກຕິດ ບາງຄັ້ງຄວາມປ່ຽນແປງອາດເປັນເລື້ອງຍາກທີ່ຈະຍອມຮັບ ແຕ່ສຸດທ້າຍແລ້ວເຮົານັ້ນແຫລະທີ່ຈະຕ້ອງຢູ່ກັບມັນໃຫ້ໄດ້

* ສິ່ງເຫລົ່ານີ້ເປັນພຽງພຶດຕິກໍາໂຕຢ່າງເລັກໆນ້ອຍໆທີ່ອາດນໍາມາເຊິ່ງບໍ່ເກີດທໍາລາຍຄວາມສໍາພັນລະຫວ່າງເຮົາ ແລະ ຄົນຮັກ ໃຜທີ່ຮູ້ໂຕວ່າຕອນນີ້ກໍາລັງມີພຶດຕິກໍາທີ່ເຂົ້າຂ່າຍຢູ່ແລ້ວ ກໍ່ລອງປັບປ່ຽນພຶດຕິກໍາຂອງໂຕເອງຕັ້ງແຕ່ມື້ນີ້ ກໍ່ຍັງບໍ່ຊ້າເກີນໄປ ຖ້າເຮົາຍັງເຫັນວ່າຄົນຮັກຂອງເຮົາຍັງມີຄ່າທີ່ຈະຮັກສາເອົາໄວ້ຢູ່ ຮັບຮອງວ່າຜົນລັບທີ່ໄດ້ມີແຕ່ຄຸ້ມກັບຄຸ້ມ


ຮຽງຮຽງໂດຍ : ສຸຣິດທິເດດ ບຸດດາວົງ

>>>> ເພີ່ມເຕີມ ຄວາມຮູ້ ທີ່ Biz Solution


Post a Comment

0 Comments