ແຕ່ງຕັ້ງ ທ່ານ ຄໍາບຸນ ດວງພະບາງ ເປັນຫົວໜ້າຄະນະໂຄສະນາອົບຮົມແຂວງອັດຕະປື ຜູ້ໃໝ່



ອັດຕະປື ມອບ-ຮັບໜ້າທີ່ຫົວໜ້າຄະນະໂຄສະນາອົບຮົມ ຜູ້ເກົ່າ ແລະ ຜູ້ໃໝ່

ພິທີມອບ-ຮັບໜ້າທີ່ລະຫວ່າງຫົວໜ້າຄະນະໂຄສະນາອົບຮົມ ແຂວງອັດຕະປື ຜູ້ເກົ່າ ກັບ ຜູ້ໃໝ່ ໄດ້ຈັດຂື້ນໃນວັນທີ 2 ກໍລະກົດ 2019 ນີ້ທີ່ຫ້ອງປະຊຸມດັ່ງກ່າວ, ໂດຍການເຂົ້າຮ່ວມຂອງສະຫາຍ ອຸ່ນຫຼ້າ ໄຊຍະສິດ ຄະນະປະຈຳພັກແຂວງ ຮອງເຈົ້າ ແຂວງ ອັດຕະປື, ມີແຂກຖືກເຊີນ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ .

ໃນພິທີ ສະຫາຍ ຂັນທອງ ຍີ້ນດາວົງ ຮອງຄະນະຈັດຕັ້ງ ແຂວງ ໄດ້ຜ່ານຂໍ້ຕົກລົງເຈົ້າແຂວງວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານ, ເຊິ່ງໃນນີ້ ໄດ້ຕົກລົງໃຫ້ ສະຫາຍ ສົມໄຊ ແກ້ວໂພສິງ ກຳມະການພັກແຂວງຫົວໜ້າຄະນະໂຄສະນາອົບຮົມ ແຂວງ ຜູ້ເກົ່າ ພັກຜ່ອນບໍານານຕາມນະໂຍບາຍຂອງຂັ້ນເທິງວາງອອກ ແລະ ແຕ່ງຕັ້ງ ສະຫາຍ ຄໍາບຸນ ດວງພະບາງ ກຳມະການພັກແຂວງ ເລຂາພັກເມືອງ ເຈົ້າເມືອງ ສາມັກຄີໄຊ ເປັນຫົວໜ້າຄະນະໂຄສະນາອົບຮົມແຂວງຜູ້ໃໝ່ຢ່າງເປັນທາງການ

ໃນພິທີ ສະຫາຍ ອຸ່ນຫຼ້າ ໄຊຍະສິດ ຄະນະປະຈຳພັກແຂວງ ຮອງເຈົ້າ ແຂວງ ອັດຕະປື ໄດ້ຍົກໃຫ້ເຫັນວ່າ: ການຍົກຍ້າຍສັບປ່ຽນໜ້າທີ່ຕໍາແໜ່ງເທື່ອນີ້ ບົນພື້ນຖານກໍ່ເພື່ອປະຕິບັດຕາມແນວທາງແນວທາງ ຄວາມຮຽກຮ້ອງຕ້ອງການຂອງໜ້າທີ່ການເມືອງຂອງພັກ ແລະ ລັດໃນໄລຍະໃໝ່ ດັ່ງນັ້ນ, ຮຽກຮ້ອງມາຍັງຜູ້ທີ່ໄດ້ຮັບການແຕ່ງຕັ້ງໃໝ່ນີ້ ຈົ່ງເພີ່ມທະວີຄວາມເອົາໃຈໃສ່ຕໍ່ໜ້າທີ່ຄວາມຮັບຜິດຊອບທີ່ຖືກມອບໝາຍ,ເພີ່ມທະວີຄວາມສາມັກຄີພາຍໃນກົມກອງຂອງຕົນໃຫ້ດີຂຶ້ນເທື່ອລະກ້າວ.

ຂ່າວ: ມະນີວອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments