ເຈົ້າເມືອງໆກາສີ ລົງກວດກາ ໂຄງການກໍ່ສ້າງ ໂຮງຮຽນ ອະນຸບານ ບ້ານໂພນສະຫວາດ ສໍາເລັດແລ້ວ 100%



ແຂວງວຽງຈັນ: ໃນວັນທີ 2 ກໍລະກົດ 2019 ນີ້, ທ່ານ ຄໍາສົດ ເພັດລາວັນ ກໍາມະການພັກແຂວງ ເລຂາພັກເມືອງ ເຈົ້າເມືອງກາສີ, ທ່ານ ສອນໄຊ ວິຊາການ ພະແນກສຶກສາທິການ ແລະ ກິລາແຂວງວຽງຈັນ, ທ່ານ ຄໍາແສງ ຈາກພະແນກໂຍທາທິການ ແລະ ຂົນສົ່ງແຂວງວຽງຈັນ, ຫົວໜ້າ - ຮອງຫົວໜ້າຫ້ອງການທີ່ກ່ຽວຂ້ອງ, ຜູ້ອໍານວຍການໂຮງຮຽນພ້ອມດ້ວຍອໍານາດການປົກຄອງບ້ານ - ບ້ານໂພນສະຫວາດ.



ໄດ້ລົງກວດກາໂຄງການກໍ່ສ້າງໂຮງຮຽນ ອະນຸບານ ບ້ານໂພນສະຫວາດ ທີ່ພະແນກໂຍທາທິການ ແລະ ຂົນສົ່ງເປັນເຈົ້າຂອງໂຄງການ ແລະ ບໍລິສັດ ປັນທະວົງກໍ່ສ້າງ ຂົວທາງ ແລະ ຊົນລະປະທານກໍ່ສ້າງ ເຄຫາສະຖານ ເປັນຜູ້ຮັບເໝົາກໍ່ສ້າງ, ທ່ານ ກິ ວົງສາວັນທອງ ຮອງຫົວໜ້າໜ່ວຍງານບໍລິຫານ ຫ້ອງການສຶກສາທິການ ແລະ ກິລາເມືອງກາສີ ໄດ້ໃຫ້ຮູ້ວ່າ: ໂຄງການກໍ່ສ້າງດັ່ງກ່າວ ເປັນໂຄງການທຶນງົບປະມານຂອງລັດຮ່ວງຊົດເຊີຍສິ່ງຂີດຂວາງແລວທາງລົດໄຟລາວ - ຈີນ 100% ມູນຄ່າໃນການກໍ່ສ້າງທັງໝົດແມ່ນ 540.677.000 ກີບ. ເຊີ່ງມີທີ່ຕັ້ງຢູ່ເຂດ ບ້ານໂພນສະຫວາດ ເມືອງກາສີ ແຂວງວຽງຈັນ,


ການຈັດຕັ້ງປະຕິບັດເຮັດວຽກຕົວຈິງແຕ່ມື້ເລີ່ມຕົ້ນຈົນຮອດປະຈຸບັນໃນແຕ່ລະໜ້າວຽກສາມາດຕີລາຄາສະພາບລວມແມ່ນປະຕິບັດຕາມເຕັກນິກ ແລະ ນໍາໃຊ້ວັດສະດຸຖືກຕ້ອງອາຄານຮຽນດັ່ງກ່າວຖືວ່າສໍາເລັດ 100% ກ່ອນກໍານົດເວລາໃນສັນຍາ, ຫຼັງຈາກນັ້ນບັນດາທ່ານທີ່ລົງກວດກາໂຄງການດັ່ງກ່າວໄດ້ພ້ອມກັນປະກອບຄໍາຄິດຄໍາເຫັນຢ່າງກົງໄປກົງມາເພື່ອໃຫ້ວຽກງານມີຄວາມລະອຽດຂຶ້ນຕື່ມ. ພ້ອມນັ້ນ ທ່ານ ຄຳສົດ ເພັດລາວັນ ເຈົ້າເມືອງໆກາສີກໍ່ໄດ້ໃຫ້ກຽດຂຶ້ນມີຄຳເຫັນໂອ້ລົມເຊີ່ງທ່ານໄດ້ເໜັ້ນໜັກຕໍ່ຜູ້ອໍານວຍການ - ອໍານາດການປົກຄອງບ້ານກໍ່ຕ້ອງເອົາໃຈໃສ່ປົກປັກຮັກສາພັດທະນາໃຫ້ມີຄວາມສະອາດສວຍງາມຢູ່ສະເໝີ ນຳໃຊ້ໃຫ້ຍາວນານຕະຫຼອດໄປ ແລະ ມີໝາກຜົນອັນສູງສຸດ, ຕໍ່ມາກໍ່ໄດ້ມີການມອບ - ຮັບອາຄານຮຽນດັ່ງກ່າວເຊີ່ງໃຫ້



ກຽດຂຶ້ນມອບໂດຍແມ່ນທ່ານ ບຸນປອນ ປັນທະວົງ ປະທານບໍລິສັດ ປັນທະວົງກໍ່ສ້າງ ຂົວທາງ ແລະ ຊົນລະປະທານກໍ່ສ້າງ ເຄຫາສະຖານ ແລະ ຂຶ້ນຮັບໂດຍ ທ່ານ ອ.ຈ ລາຢູ ແສນໃຈວຸດ ຫົວໜ້າຫ້ອງການສຶກສາທິການ ແລະ ກິລາເມືອງກາສີ ຈາກນັ້ນ ທ່ານກໍ່ໄດ້ມອບຕໍ່ໃຫ້ແກ່ຜູ້ອຳນວຍການໂຮງຮຽນບ້ານໂພນສະຫວາດ ໂດຍມີ ທ່ານ ຄໍາສົດ ເພັດລາວັນ ກໍາມະການພັກແຂວງ ເລຂາພັກເມືອງ ເຈົ້າເມືອງກາສີ, ທ່ານ ສອນໄຊ ວິຊາການ ພະແນກສຶກສາທິການ ແລະ ກິລາແຂວງວຽງຈັນ, ທ່ານ ຄໍາແສງ ຈາກພະແນກໂຍທາທິການ ແລະ ຂົນສົ່ງແຂວງວຽງຈັນ, ຫົວໜ້າ - ຮອງຫົວໜ້າຫ້ອງການທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ.



ຂ່າວ: ເມືອງກາສີ. ນາງ ດາລັກ ເກດຕະວົງ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments