ຮູ້ບໍ່ວ່າ! ຍຸງມັກກັດຄົນປະເພດໃດ ແລະ ກຸບເລືອດໃດຍຸງກິນແຊບຫລາຍທີ່ສຸດ





ຍຸງມັກກັດຄົນເລືອດກຸບໂອ (O):
ອາດຈະຍັງງົງໆກັນຢູ່ວ່າຍຸງນີ້ເລືອກກັດເລືອດກຸບໂອພ້ອມຫວາ ແຕ່ມັນເລືອກກັດແທ້ໆ ຢ່າງທີ່ເຮົາຮູ້ໆກັນດີວ່າຍຸງທີ່ກັດເຮົານັ້ນເປັນຍຸງເພດເມຍ ບໍ່ແມ່ນຍຸງເພດຜູ້ ແລ້ວຍຸງເພດເມຍນັ້ນບໍ່ໄດ້ກັດເຮົາເພື່ອທີ່ຈະນໍາໄປເປັນອາຫານໃຫ້ກັບໂຕເອງ ແຕ່ກັດໄປເພື່ອນໍາໂປຮຕີນໃນເລືອດຂອງເຮົານັ້ນໄປສ້າງເປັນໄຂ່ຂອງພວກມັນ ບາດນີ້ແລ້ວຄົນເລືອດກຸບໂອນັ້ນ ຈະມີໂອກາດຖືກກັດຫລາຍກວ່າຄົນເລືອດກຸບເອ(A)ເຖິງສອງເທົ່າ ສ່ວນກຸບບີ (B) ນັ້ນຈະຖືກກັດຫລາຍກວ່າປະມານຫນຶ່ງເທົ່າ ໂດຍຍຸງນັ້ນຈະຮັບຮູ້ໄດ້ຈາກສານບາໂຕທີ່ສົ່ງມາເຖິງຜີວຫນັງຂອງມະນຸດວ່າເປັນກຸບເລືອດອັນໃດນັ້ນເອງ


ຄົນທີ່ໂຕໃຫຍ່ ຫາຍໃຈດຸ:
ຍຸງນັ້ນຈະມີເລດ້າພິເສດທີ່ເອີ້ນກັນວ່າ Maxillary pulpເຊິ່ງມັນຈະສະແກນລະດັບຄາບອນໄດອອກໄຊທີ່ອອກມາຈາກຮ່າງກາຍຂອງມະນຸດ ໂດຍຈະຈັບເລດ້າໄດ້ປະມານ 50 ແມັດເລີຍ ດັ່ງນັ້ນ ຄົນທີ່ໂຕໃຫຍ່ຈຶ່ງ ມີອັດຕາການປ່ອຍກາສຄາບອນໄດອອກໄຊທີ່ຫລາຍກວ່າ ຈຶ່ງເຮັດໃຫ້ມີໂອກາດຖືກຍຸງກັດໄດ້ຫລາຍກວ່າຄົນທໍາມະດາ


ຜູ້ທີ່ໂຕຮ້ອນ ຫລື ມີເຫື່ອອອກມາຫລາຍ:
ເນື່ອງຈາກຍຸງສາມາດຮັບຄວາມຮູ້ສຶກຈາກລັງສີຄວາມຮ້ອນໄດ້ ຖ້າອຸນ ນະພູມຂອງຜີວຫນັງສູງຂື້ນກໍ່ເປັນອີກປັດໃຈຫນຶ່ງທີ່ຈະສົ່ງສັນຍານເອີ້ນຍຸງໄດ້


ຜູ້ທີ່ມັກດື່ມແອວກໍຮໍ:
ໂດຍໃນເລື້ອງນີ້ ນັກວິໃຈນັ້ນໄດ້ທົດລອງດື່ມເບຍຂວດນ້ອຍໆເຂົ້າໄປ ປາກົດວ່າຫລັງຈາກທີ່ດື່ມເບຍເຂົ້າໄປແລ້ວຍຸງຈະເຂົ້າມາຫາພວກເຂົາຫລາຍຍິ່ງຂື້ນ ແຕ່ທ້າຍທີ່ສຸດພວກເຂົາກໍ່ສະຫລຸບວ່ານັ້ນບໍ່ກ່ຽວກັບປະລິມານແອວກໍຮໍທີ່ອອກມາໃຫ້ເຫື່ອເລີຍ ຈົນເຖິງຕອນນີ້ກໍ່ຍັງບໍ່ຮູ້ສາເຫດທີ່ຊັດເຈນວ່າເປັນຫຍັງຍຸງຈຶ່ງມັກກັດຜູ້ທີ່ດື່ມແອວກໍຮໍຫລາຍກວ່າ


ຜູ້ທີ່ຖືພາ:
ຫລາກຫລາຍງານວິໃຈນັ້ນພົບວ່າແມ່ມານນັ້ນຈະດຶງດູດຍຸງຫລາຍກວ່າບຸກຄົນທໍາມະດາທົ່ວໄປຫລາຍເຖິງສອງເທົ່າ ນັ້ນອາດຈະເປັນເພາະວ່າລົມຫາຍໃຈຂອງແມ່ມານນັ້ນມີປະມານຄາບອນໄດອອກໄຊຫລາຍກວ່າຄົນ ທໍາມະດາຫລາຍເຖິງ 21 ເປີເຊັນເລີຍ ແຖມອຸນະພູມຮ່າງກາຍຂອງແມ່ມານນັ້ນຍັງສູງກວ່າບຸກຄົນທໍາມະດາເຖິງ 1.26 ອົງສາຟາເລັນໄຮອີກດ້ວຍ


ຜູ້ທີ່ມັກການໃສ່ເສື້ອຜ້າສີເຂັ້ມໆ:
ນອກຈາກທັກສະການດົມກິ່ນທີ່ສຸດແສນຈະມະຫາເທບຂອງຍຸງແລ້ວ ຍຸງຍັງມີອີກທັກສະຫນຶ່ງທີ່ເອີ້ນກວ່າດີບໍ່ແພ້ກັນ ນັ້ນຄືການເບິ່ງເຫັນນັ້ນເອງ ການເບິ່ງເຫັນຂອງຍຸງນັ້ນ ຈະເບິ່ງເຫັນຊັດຄື ສີດໍາ ສີນໍ້າເງິນ ສີແດງ ເພາະສະນັ້ນແລ້ວ ຜູ້ທີ່ມັກໃສ່ເສື້ອໂທນສີເຂັ້ມນັ້ນ ມັກຈະລໍ້ຍຸງດີເລີຍແຫລະ


ໂດຍ > ສຸຣິດທິເດດ ບຸດດາວົງ




>>>> ເພີ່ມເຕີມ ຄວາມຮູ້ ທີ່ Biz Solution


Post a Comment

0 Comments