10 ສິ່ງທີ່ຜູ້ຍິງຢາກໃຫ້ຜູ້ຊາຍຮັບຮູ້ ແຕ່ບໍ່ກ້າບອກອອກໄປ


1. ຢາກໃຫ້ຜູ້ຊາຍເບິ່ງດູດີ:
ຜູ້ຍິງທຸກຄົນກໍ່ຢາກໃຫ້ແຟນຂອງໂຕເອງດູດີກັນທັງນັ້ນ ພຽງແຕ່ບາງເລື້ອງຖ້າເວົ້າຫລາຍເກີນໄປກໍ່ຈະກາຍເປັນຄົນຈູ້ຈີ້ຈຸກຈິກ ແນວໃດແລ້ວຝ່າຍຊາຍກໍ່ຄວນຫມັ່ນດູແລໂຕເອງໃຫ້ດູດີ ທັງເສື້ອຜ້າຫນ້າຜົມ ລວມໄປເຖິງສຸກຂະພາບຮ່າງກາຍ ບໍ່ປ່ອຍເນື້ອປ່ອຍໂຕໃຫ້ເບິ່ງໂຊມຈົນເກີນໄປ ພຽງເທົ່ານີ້ຮັບຮອງວ່າແຟນສາວປະທັບໃຈແນ່ນອນ

2. ຢາກໃຫ້ຜູ້ຊາຍເຮັດເຊີໄພ້ແດ່:
ເລື້ອງນີ້ສາວໆຄົງບໍ່ມີໃຜກ້າບອກ ເພາະຖ້າບອກກໍ່ຄົງບໍ່ແມ່ນເຊີໄພ້ແລ້ວ ເຊິ່ງຄວາມຈິງແລ້ວຜູ້ຍິງຕ່າງກໍ່ຢາກໄດ້ເລື້ອງເຊີໄພ້ກັນທັງນັ້ນ ໂດຍຝ່າຍຊາຍອາດເຊີໄພ້ໃນວັນພິເສດ ຫລື ເຊີໄພ້ເລື້ອເລັກໆນ້ອຍໆໃຫ້ພໍຕື່ນເຕັ້ນຫົວໃຈ ເທົ່ານີ້ຜູ້ຍິງກໍ່ແຮັບປີ້ແລ້ວ

3. ຢາກໃຫ້ຜູ້ຊາຍຮູ້ໃຈ:
ນອກຈາກເລື້ອງເຊີໄພ້ແລ້ວ ສິ່ງທີ່ເຮັດໃຫ້ຜູ້ຍິງດີໃຈໄດ້ອີກກໍ່ຄົງເປັນເລື້ອງຂອງຂວັນສຸດພິເສດທີ່ຢາກໄດ້ ເຊິ່ງຜູ້ຊາຍຫລາຍໆຄົນກໍ່ເດົາໃຈແຟນບໍ່ຖືກວ່າຄວນຈະຊື້ເຄື່ອງອັນໃດໃຫ້ ຫລື ຈະເຮັດອັນໃດໃຫ້ແຟນຖືກໃຈດີ ເຊິ່ງນັ້ນກບໍ່ບໍ່ຍາກຢ່າງທີ່ຄິດ ພຽງແຕ່ຝ່າຍຊາຍຫມັ່ນສັງເກດວ່າແຟນສາວມັກອັນໃດ ບໍ່ມັກອັນໃດ ໃຊ້ຂອງແບບໃດປະຈໍາ ຫລື ມີສິ່ງຂອງອັນທີ່ທີ່ມັກເວົ້າຂື້ນມາລອຍໆແດ່ ຫລື ບໍ່ ພຽງເທົ່ານີ້ກໍ່ຫນ້າຈະພໍຮູ້ໃຈໃນສິ່ງທີ່ຜູ້ຍິງຕ້ອງການແລ້ວ

4. ຢາກເຫັນມຸມຕະລົກເຮຮາຂອງຂອງຝ່າຍຊາຍ:
ສາວໆຕ່າງກໍ່ມັກຜູ້ຊາຍທີ່ອາລົມຂັນກັນທັງນັ້ນ ບໍ່ຈໍາເປັນຕ້ອງເກັກຫລໍ່ມາດເທ້ຕະຫລອດເວລາ ກໍ່ພຽງແຕ່ຢາກໃຫ້ຜູ້ຊາຍເປັນໂຕຂອງໂຕເອງ ມີມຸມຫລຸດໆ ຮາໆແດ່ ກໍ່ເປັນການເປີດເຜີຍໂຕຕົນທີ່ແທ້ຈິງ ແຖມຍັງຊ່ວຍສ້າງສີສັນໃຫ້ກັບຊີວິດຮັກໄດ້ເປັນຢ່າງດີ

5. ຢາກໃຫ້ຝ່າຍຊາຍເຮັດອາຫານໃຫ້ກິນ:
ຈາກຜົນສໍາຫລວດພົບວ່າຜູ້ຍິງສ່ວນໃຫ່ຍຈະຮູ້ສຶກວ່າຜູ້ຊາຍມີສະເຫນ່ ແລະ ມີຄວາມເຊັກຊີຫລາຍຂື້ນເມື່ອໄດ້ເຮັດວຽກທີ່ກ່ຽວຂ້ອງກັບອາຫານເຊັ່ນ: ພໍ່ຄົວ, ບາລິສຕ້າ, ເຊບເຮັດຂະຫນົມ ເປັນຕົ້ນ ຍິ່ງຖ້າຜູ້ຍິງໄດ້ຮູ້ວ່າແຟນຂອງໂຕເອງຕັ້ງໃຈເຮັດອາຫານຈັກມື້ໃຫ້ກິນ ກໍ່ຈະຍິ່ງສ້າງຄວາມປະທັບໃຈເປັນຢ່າງຍິ່ງ ແຕ່ຖ້າໃຜທີ່ເຮັດອາຫານບໍ່ເປັນແທ້ໆ ກໍ່ອາດຊື້ອາຫານແຊບໆມາກິນກັນຈັກມື້ ແລ້ວສ້າງບັນຍາກາດເທິງໂຕະອາຫານໃຫ້ໂລແມນຕິກດ້ວຍການຈຸດທຽນ ພ້ອມກັບຈິບວາຍຈັກແກ້ວ ກໍ່ໂລແມນຕິກບໍ່ແພ້ກັນ

6. ຢາກໃຫ້ຝ່າຍຊາຍເປັນສຸພາບບູລຸດ:
ຜູ້ຍິງທຸກຄົນກໍ່ຢາກໃຫ້ແຟນຂອງໂຕເອງເປັນສຸພາບບູລຸດ ບໍ່ວ່າໃຜກໍ່ມັກຄົນທີ່ຈິງໃຈ ຮູ້ຈັກເສຍສະລະ ມີຄວາມຮັບຜິດຊອບ ມີຄວາມອົດທົນ ຫມັ້ນຄົງໃນຄວາມຮັກ ແລະ ຫມັ່ນໃຫ້ກຽດກັນ ແລະ ກັນຢ່າງສະຫມໍ່າສະເຫມີ ຍິ່ງເວລາທີ່ຝ່າຍຊາຍໄດ້ເຜີຍມຸກມຸມສຸພາບບູລຸດຂອງໂຕເອງອອກມາກໍ່ຍິ່ງເຮັດໃຫ້ແຟນສາວປະທັບໃຈຫລາຍຂື້ນເທົ່ານັ້ນ

7. ຢາກໃຫ້ຝ່າຍຊາຍໃຫ້ກຽດ:
ຄວາມຮັກ ແລະ ຄວາມສໍາພັນຈະດໍາເນີນຕໍ່ໄປໄດ້ດີ ເມື່ອຕ່າງຝ່າຍຕ່າງໃຫ້ກຽດເຊິ່ງກັນແລະກັນ ເຊິ່ງລວມໄປເຖິງການໃຫ້ຄວາມໄວ້ເນື້ອເຊື່ອໃຈ ນຶກເຖິງຄວາມຮູ້ສຶກຂອງອີກຝ່າຍ ຮັບຟັງຄວາມເຫັນຂອງກັນແລະກັນ ການຊື່ນຊົມຍິນດີພ້ອມໃຫ້ກໍາລັງໃຈຢູ່ຄຽງຂ້າງ ບໍ່ເຮັດໃຫ້ຝ່າຍຍິງເສຍຫນ້າ ຫລື ອັບອາຍ ບໍ່ນໍາຄວາມລັບ ຫລື ເລື້ອງບໍ່ດີຂອງຝ່າຍຍິງໄປເລົ່າຕໍ່ ໃຫ້ກຽດທັງຕໍ່ຫນ້າແລະລັບຫລັງ ພຽງເທົ່ານີ້ຝ່າຍຍິງກໍ່ຈະຮູ້ສຶກຫມັ້ນໃຈໃນໂຕຂອງຝ່າຍຊາຍຫລາຍຂື້ນແລ້ວ

8. ບໍ່ຢາກໃຫ້ຝ່າຍຊາຍມີຄວາມລັບຕໍ່ກັນ:
ຜູ້ຍິງທຸກຄົນຕ່າງກໍ່ບໍ່ມັກໃຫ້ແຟນໂຕເອງມີຄວາມລັບປິດບັງ ຫລື ມີເລື້ອງຂີ້ຕັວະຕໍ່ກັນ ເຖິງແມ່ນວ່າບາງເລື້ອງຝ່າຍຊາຍອາດຈະເບິ່ງວ່າບໍ່ສໍາຄັນ ແຕ່ຖ້າຫາກເປັນສິ່ງທີ່ຜູ້ຍິງໄດ້ຮູ້ພາຍຫລັງ ຫລື ຮູ້ຈາກຄົນອື່ນນອກຈາກຄົນອື່ນໂດຍທີ່ບໍ່ຮູ້ຈາກໂຕຂອງແຟນເອງ ກໍ່ຄົງຈະບໍ່ດີແນ່ນອນ ຈັ່ງໃດແລ້ວຖ້າມີເລື້ອງອັນໃດໃຫ້ເປີດໃຈລົມກັນຕົງໆຈະດີທີ່ສຸດ

9. ຢາກໃຫ້ຝ່າຍຊາຍສະເຫມີຕົ້ນສະເຫມີປາຍ:
ເພາະຄວາມຮັກບໍ່ໄດ້ມີແຕ່ຊ້ວງເວລາໂປຮໂມຊັນ ຫາກເຮົາຢາກໃຫ້ຄວາມສໍາພັນລາບລື້ນ ກໍ່ຄວນດູແລໃຫ້ຄວາມຮັກ ແລະ ຄວາມເອົາໃຈໃສ່ກັນຢ່າງສະຫມໍ່າສະເຫມີ ຊ່ວງແລກເຄີຍຫວານກຸກກິກ ໂລແມນຕິກແນວໃດ ປະຈຸບັນກໍ່ໃຫ້ເປັນແນວນັ້ນໄປຕະຫລອດ ບໍ່ປ່ຽນແປງ ບໍ່ລະເລີຍເຮັດໂຕສະເຫມີຕົ້ນສະເຫມີປາຍທັງຕໍ່ຫນ້າ ແລະ ລັບຫລັງ ຕະຫລອດຊ້ວງເວລາທີ່ຄົບກັນ ເທົ່ານີ້ກໍ່ເຮັດໃຫ້ຜູ້ຍິງມີຄວາມສຸກທີ່ສຸດແລ້ວ

10. ຢາກໃຫ້ຝ່າຍຊາຍບອກຮັກເປັນປະຈໍາ:
ຂໍ້ນີ້ສາວໆທຸກຄົນຕ່າງກໍ່ຢາກໄດ້ຍິນກັນທັງນັ້ນ ພຽງແຕ່ຝ່າຍຍິງອາດບໍ່ກ້າບອກຕົງໆປານໃດ ຖ້າຢາກເອົາໃຈແຟນສາວໃຫ້ຮັກໃຫ້ຫລົງຍິ່ງກວ່າເກົ່າ ຢ່າລືມເຕີມຄວາມຮັກເຊິ່ງກັນ ແລະ ກັນ ຫມັ່ນບອກຄໍາວ່າຮັກໃຫ້ແຟນຟັງຢູ່ປະຈໍາ ພ້ອມກັບສະແດງອອກວ່າຮັກຫລາຍສໍ່າໃດ ເພາະສຸດທ້າຍແລ້ວ ບອກຮັກດ້ວຍການກະທໍາກໍ່ຍ່ອມດີກວ່າຄໍາເວົ້າສະເຫມີ

Post a Comment

0 Comments