Huawei ປະກາດຜົນປະກອບການໃນຊ່ວງເຄິ່ງປີທຳອິດຂອງປີ 2019 ນີ້ເພີ່ມຂຶ້ນສູງເຖິງ 23.2% ເມື່ອທຽບກັບປີກ່ອນ

ທີ່ເສິນເຈິ້ນ, ປະເທດຈີນ, ວັນທີ 30 ກໍລະກົດ 2019 ຫົວເຫວີຍໄດ້ປະກາດຜົນປະກອບການເຄິ່ງປີທໍາອິດຂອງປີ 2019 ດ້ວຍຕົວເລກລາຍຮັບ 4.013 ແສນລ້ານຢວນເພີ່ມຂຶ້ນ 23.2% ຈາກຊ່ວງເວລາດຽວກັນຂອງປີທີ່ແລ້ວ, ອັດຕາກໍາໄລສຸດທິຂອງບໍລິສັດສໍາລັບເຄິ່ງປີທໍາອິດຂອງປີ 2019 ຢູ່ທີ່ 8.7% ທ່ານ Liang Hua ປະທານກໍາມະການບໍລິຫານຂອງຫົວເຫວີຍກ່າວວ່າ ການດໍາເນີນງານເປັນໄປໄດ້ດີ ແລະ ອົງກອນກໍຍັງຄົງດໍາເນີນໄປຕາມປົກກະຕິຄືທີ່ຜ່ານມາ ດ້ວຍການຈັດການບໍລິຫານງານທີ່ມີປະສິດທິພາບ ແລະ ຜົນປະກອບການທີ່ດີທີ່ສຸດໃນທຸກໂຕຊີ້ວັດທາງການເງິນທັງໝົດ, ທຸລະກິດຂອງຫົວເຫວີຍຍັງຄົງແຂງແກ່ນໃນຊ່ວງເຄິ່ງປີທໍາອິດຂອງປີ 2019 Mr. Liang Hua, Chairman of Huawei ກຸ່ມທຸລະກິດເຄືອຂ່າຍໂທລະຄົມມະນາຄົມຂອງຫົວເຫວີຍ “ລາຍຮັບຈາກການຂາຍໃນຊ່ວງເຄິ່ງປີທໍາອິດຢູ່ສູງເຖິງ 1.465 ແສນລ້ານຢວນ ໂດຍມີການເຕີບໂຕທີ່ໝັ້ນຄົງໃນດ້ານການຜະລິດ ແລະ ຈັດສົ່ງອຸປະກອນສໍາລັບເຄືອຂ່າຍໄຮ້ສາຍ, ການສົ່ງສັນຍານຜ່ານສາຍອອບຕິກ, ການສື່ສານຂໍ້ມູນ, ໄອທີ ແລະ ຜະລິດຕະພັນເທັກໂນໂລຢີທີ່ກ່ຽວຂ້ອງ. ໃນປະຈຸບັນ HUAWEI ມີສັນຍາ 5G ໃນເຊິງການຄ້າແລ້ວເຖິງ 50 ສະບັບ ແລະ ໄດ້ຈັດສົ່ງຖານສະຖານີໄປທົ່ວຕະຫຼາດໂລກແລ້ວຫຼາຍກວ່າ 150,000 ຊຸດ.” ສໍາລັບກຸ່ມທຸລະກິດ Enterprise ຂອງຫົວເຫວີຍ “ລາຍຮັບຈາກການຂາຍໃນຊ່ວງເຄິ່ງປີທໍາອິດຢູ່ທີ່ 3.16 ໝື່ນລ້ານຢວນ. ໂດຍ HUAWEI ຍັງຄົງສືບຕໍ່ພັດທະນາຜະລິດຕະພັນ ICT ຂອງບໍລິສັດໃນຫຼາຍໆດ້ານເຊັ່ນ: ຄລາວ (Cloud), ປັນຍາປະດິດ (AI), ແຄມປັສເນັດເວີກ, ຂໍ້ມູນເຊັນເຊີ, ອິນເຕີເນັດທຸກໆຢ່າງ ແລະ ການປະມວນຜົນອັດສະລີຍະ. HUAWEI ຍັງຄົງເປັນຜູ້ສະໜອງທີ່ໄດ້ຮັບຄວາມໄວ້ວາງໃຈຈາກລູກຄ້າພາກລັດ ແລະ ຜູ້ວາງລະບົບສາທາລະນູປະໂພກ ລວມມໄປເຖິງລູກຄ້າໃນດ້ານການຄ້າເຊັ່ນ: ການເງິນ, ການຂົນສົ່ງ, ພະລັງງານ ແລະ ຈັກຍົນຕ່າງໆ.” ສ່ວນກຸ່ມທຸລະກິດເພື່ອຜູ້ບໍລິໂພກຂອງຫົວເຫວີຍ “ລາຍໄດ້ຈາກການຂາຍໃນຊ່ວງເຄິ່ງປີທໍາອິດຢູ່ທີ່ 2.208 ແສນລ້ານຢວນ. ໂດຍຫົວເຫວີຍຈັດສົ່ງສະມາດໂຟນ (ລວມເຖິງສະມາດໂຟນໃນເຄືອ) ແມ່ນສູງເຖິງ 118 ລ້ານເຄື່ອງ, ອັດຕາການເພີ່ມຂຶ້ນທຽບຈາກປີກ່ອນແມ່ນ 24%. ບໍລິສັດຍັງມີຍອດການຈັດສົ່ງຄອມພິວເຕີ ແລະ ອຸປະກອນເສີມຂອງຫົວເຫວີຍທີ່ມີການເຕີບໂຕຢ່າງວ່ອງໄວອີກດ້ວຍ. HUAWEI ກໍາລັງເລີ່ມຂະຫຍາຍລະບົບນິເວດດ້ານອຸປະກອນ Deviceຂອງໂຕເອງເພື່ອມອບປະສົບການໃຊ້ງານແບບໄຮ້ຮອຍຕໍ່ ໃນສ່ວນທີ່ເປັນການໃຊ້ງານຫຼັກໆ. ໃນປະຈຸບັນລະບົບນິເວດຂອງສູນບໍລິການສະມາດໂຟນຫົວເຫວີຍມີນັກພັດທະນາທີ່ລົງທະບຽນແລ້ວຫຼາຍກວ່າ 800,000 ຄົນ ແລະ ມີຜູ້ຊົມໃຊ້ຫຼາຍກວ່າ 500 ລ້ານຄົນທົ່ວໂລກແລ້ວ. ທ່ານ Liang Hua ກ່າວວ່າ “ຕັ້ງແຕ່ຕົ້ນປີ 2019 ຈົນເຖິງເດືອນພຶດສະພາລາຍຮັບເຕີບໂຕຢ່າງວ່ອງໄວ ຈາກຮາກຖານທີ່ເຮົາວາງໄວ້ໃນຊ່ວງເຄິ່ງປີທໍາອິດ ເຖິງແມ່ນວ່າຫົວເຫວີຍຈະຖືກເພີ່ມຊື່ເຂົ້າໄປໃນ Entity List ແຕ່ເຮົາກໍຍັງຄົງເຫັນການເຕີບໂຕດ້ານລາຍໄດ້, ທັງນີ້ກໍບໍ່ໄດ້ໝາຍຄວາມວ່າ ເຮົາຈະບໍ່ພົບຄວາມຍາກລໍາບາກໃນອະນາຄົດເບື້ອງໜ້າ ເຊິ່ງແນ່ນອນວ່າຕ້ອງມີ ແລະ ກໍອາດຈະສົ່ງຜົນກະທົບຕໍ່ເສັ້ນທາງການເຕີບໂຕຂອງພວກເຮົາໃນໄລຍະສັ້ນ” ທ່ານກ່າວເສີມອີກວ່າ “ແຕ່ພວກເຮົາຈະຍັງຄົງຢູ່ໃນຕະຫຼາດ ເຮົາເຊື່ອໝັ້ນຢ່າງເຕັມທີ່ກັບສິ່ງທີ່ຈະເກີດຂຶ້ນໃນອະນາຄົດ ແລະ ເຮົາຈະລົງທຶນຢ່າງຕໍ່ເນື່ອງຕາມແຜນທີ່ວາງໄວ້, ລວມເຖິງການວິໄຈ ແລະ ພັດທະນາໃນປີນີ້ ທີ່ລວມມູນຄ່າເຖິງ 120 ພັນລ້ານຢວນ. ພວກເຮົາຈະກ້າວຜ່ານຄວາມທ້າທາຍເຫຼົ່ານີ້ ແລະ ໝັ້ນໃຈວ່າຫົວເຫວີຍຈະກ້າວເຂົ້າສູ່ການເຕີບໂຕໃນອີກລະດັບຫຼັງຈາກສິ່ງທີ່ບໍ່ດີຕ່າງໆໄດ້ຜ່ານພົ້ນໄປແລ້ວ”
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments