HUAWEI ເປີດໂຕລະບົບປະຕິບັດການໃໝ່ HarmonyOS ສາມາດໃຊ້ໄດ້ກັບທຸກອຸປະກອນທັງສະມາດໂຟນ ຫຼື ອຸປະກອນ IoT ຕ່າງໆ

ເມື່ອວັນທີ 9 ສິງຫາ 2019 ທີ່ຜ່ານມາ, ທີ່ປະເທດຈີນງານ Huawei Developer Conference ຫົວເຫວີຍໄດ້ນໍາສະເໜີ “HarmonyOS” ທີ່ພ້ອມຈະມອບປະສົບການການໃຊ້ງານທີ່ຕໍ່ເນື່ອງ, ມີປະສິດທິພາບທີ່ສາມາດໃຊ້ງານຮ່ວມກັບອຸປະກອນຕ່າງໆໄດ້ທຸກຊະນິດ ບໍ່ວ່າຈະເປັນ ສະມາດໂຟນ, ລຳໂພງອັດສະລິຍະ, ຄອມພິວເຕີ້, ສາມາດວ໋ອດ, ຫູຟັງ, ລົດຍົນ, ແທັບເລັດ ແລະ ອຸປະກອນ IoT ຕ່າງໆ. ໂດຍລະບົບປະຕິບັດການໃໝ່ HarmonyOS ເປັນລະບົບແບບກະຈາຍ (Distributed Operating System) ເຊິ່ງໃຊ້ Microkernel ໃນການຈັດການຊັບພະຍາກອນລະບົບ. Richard Yu ປະທານກຸ່ມທຸລະກິດເພື່ອຜູ້ບໍລິໂພກຂອງຫົວເຫວີຍ ກ່າວເຖິງແນວຄິດເບື້ອງຫຼັງການພັດທະນາລະບົບປະຕິບັດການໃໝ່ນີ້ວ່າ “ເຮົາກຳລັງເຂົ້າສູ່ຍຸກສະໄໝທີ່ຜູ້ຄົນຄາດຫວັງວ່າຈະໄດ້ຮັບປະສົບການອັນຊານສະຫຼາດສຳຫຼັບອຸປະກອນ ແລະ ສະຖານະການທັງໝົດ, ເພື່ອສະໜັບສະໜຸນສິ່ງນີ້ເຮົາຮູ້ວ່ເປັນເລື່ອງສຳຄັນທີ່ຈະຕ້ອງມີລະບົບປະຕິບັດການທີ່ສາມາດຮອງຮັບໄດ້ທຸກໆແພຼັທຟອມ ແລະ ສາມາດໃຊ້ງານໄດ້ໃນອຸປະກອນທີ່ຫຼາກຫຼາຍ ເພື່ອຕອບສະໜອງຄວາມຕ້ອງການຂອງຜູ້ບໍລິໂພກ ທັງຍັງມີຄວາມປອດໄພທີ່ດີຂຶ້ນອີກດ້ວຍ.” ທ່ານ Richard Yu ກ່າວເສີມ “ສິ່ງທີ່ກ່າວມາຂ້າງເທິງນັ້ນຄືເປົ້າໝາຍຂອງການພັດທະນາ Harmony OS, Harmony OS ນັ້ນແຕກຕ່າງຈາກລະບົບປະຕິບັດການ Android ແລະ iOS. ເນື່ອງຈາກ HarmonyOS ມີພື້ນຖານການຈັດລະບົບແບບ Microkernel ແລະ ເປັນລະບົບແບບກະຈາຍ (Distributed Operating System) ເຮັດໃຫ້ລະບົບປະຕິບັດການ HarmonyOS ສາມາດມອບປະສົບການໃຊ້ງານທີ່ຕໍ່ເນື່ອງ, ມີຄວາມປອດໄພສູງ ແລະ ສາມາດໃຊ້ງານເຂົ້າໄດ້ກັບທຸກໆອຸປະກອນ, ນັກພັດທະນາຊອບແວຈຶ່ງບໍ່ຈໍາເປັນຕ້ອງອອກແບບແອບສໍາລັບອຸປະກອນທີ່ແຕກຕ່າງກັນ ເພາະພຽງອອກແບບຄັ້ງດຽວກໍສາມາດເຂົ້າກັບອຸປະກອນທີ່ໃຊ້ລະບົບປະຕິບັດການ Harmony OS ໄດ້ທຸກປະເພດ”. HarmonyOS ມີຄຸນສົມບັດເດັ່ນ 4 ປະການໄດ້ແກ່: 1.ເຮັດວຽກໄດ້ຢ່າງຕໍ່ເນື່ອງໃນທຸກອຸປະກອນ: ເປັນລະບົບປະຕິບັດການສໍາລັບສະມາດດີໄວສ (Smart Device) ເປັນລະບົບທໍາອິດທີ່ເປັນລະບົບແບບກະແຈກກະຈາຍ (Distributed Operating System) ຈຶ່ງສາມາດເຮັດວຽກໄດ້ກັບທຸກອຸປະກອນ 2.ເຮັດວຽກໄດ້ຢ່າງລື່ນໄຫຼເທິງເທັກໂນໂລຢີ Deterministic Latency Engine ແລະ high-performance IPC 3.ຄວາມປອດໄພສູງ: ສ້າງນິຍາມໃໝ່ຂອງຄວາມປອດໄພຕັ້ງແຕ່ແກນລະບົບຈາກການໃຊ້ Microkernel 4.ພັດທະນາ Application ພຽງຄັ້ງດຽວກໍໃຊ້ງານໄດ້ທຸກອຸປະກອນດ້ວຍ Multi-Device IDE HUAWEI ARK Compiler ເປັນຄອມໄພເລີແບບ Static ຕົວທໍາອິດທີ່ມີປະສິດທິພາບທຽບເທົ່າກັບ Virtual Machine ຂອງລະບົບປະຕິບັດການ Android ເຊິ່ງຈະຊ່ວຍໃຫ້ນັກພັດທະນາສາມາດຮວບຮວມໂຄດທີ່ຊັບຊ້ອນມາເພື່ອໃຫ້ລະບົບແປງເປັນໂຄດທີ່ລຽບງ່າຍເພື່ອການເຮັດວຽກໄດ້ຢ່າງສະດວກວ່ອງໄວ. HUAWEI ARK Compiler ຈຶ່ງເອື້ອອໍານວຍຄວາມສະດວກ ແລະ ມີປະໂຫຍດກັບນັກພັດທະນາຢ່າງຫຼວງຫຼາຍ. HarmonyOS ຍັງເປັນລະບົບປະຕິບັດການແບບ Open Source ໃຫ້ເຫຼົ່ານັກພັດທະນາທັງຫຼາຍໄດ້ເຂົ້າເຖິງ Source Code ເພື່ອແກ້ໄຂດັດແປງ ຕໍ່ຍອດລະບົບ ແລະ ເຜີຍແຜ່ຕໍ່ໄປໄດ້ອີກ. ນອກຈາກນີ້ ARK Compiler ມີແອບທີ່ຮ່ວມວົງນຳແລ້ວຫຼາຍກວ່າ 40 ກວ່າແອບ. Richard Yu ກ່າວເສີມວ່າພວກເຂົາສາມາດໃຊ້ HarmonyOS ແທນ Android ໃນຕອນນີ້ເລີຍກໍວ່າໄດ້, ແຕ່ວ່າແຜນການຕອນນີ້ຄືພວກເຮົາຈະຍັງຄົງໃຊ້ງານ Android ຂອງ Google ຕໍ່ໄປກ່ອນຈົນກວ່າຈະໃຊ້ບໍ່ໄດ້, ເພາະ Ecosystem ຂອງ Android ຍັງມີຄວາມແຂງແກ່ນຫຼາຍ ພ້ອມກັບບອກອີກວ່າຫາກຈໍາເປັນແທ້ ການປ່ຽນຈາກ Android ໄປໃຊ້ Harmony ກໍບໍ່ໄດ້ຖືວ່າເປັນເລື່ອງຍາກແຕ່ຢ່າງໃດ. ສໍາລັບລະບົບ HarmonyOS ຈະເລີ່ມໃຊ້ງານກັບອຸປະກອນອັດສະລີຍະທໍາອິດແມ່ນ Honor Vision TV ເຊິ່ງເປັນສະມາດທີວີຈາກແບຣນລູກຂອງ Huawei ເຊິ່ງກຽມພ້ອມຈະເປີດໂຕໃນວັນທີ 10 ສິງຫາ 2019 ໃນປະເທດຈີນ.
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments