ແຂວງຈໍາປາສັກມອບເຂົ້າສານ 10 ໂຕນໃຫ້​ ເມືອງຊະນະສົມບູນ


  ໃນວັນທີ 18 ກັນຍາ 2019 ການນຳແຂວງຈຳປາສັກນຳໂດຍທ່ານ ສົມສະໜິດ ບຸດຕິວົງ ຮອງເລຂາພັກແຂວງ ຮອງເຈົ້າແຂວງໆຈໍາປາສັກ ໄດ້ເດີນທາງມາມອບເຂົ້າສານຈໍານວນ 10 ໂຕນ ໃຫ້ແກ່ເມືອງຊະນະສົມບູນເພືີອນໍາໄປຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກນໍ້າຖ້ວມ. ໃຫ້ກຽດຮັບໂດຍທ່ານ ສອນສະຫວັນ ສີວິໄລ ເລາຂາພັກເມືອງເຈົ້າເມືອງຊະນະສົມບູນ ພ້ອມດ້ວຍຄະນະ ແລະ ພະນັກງານທີ່ກ່ຽວຂ້ອງ .

    ໂອກາດນີ້ ທ່ານ ສົມສະໜິດ ບຸດຕິວົງ ຮອງເຈົ້າແຂວງ ໄດ້ຟັງລາຍງານສະພາບນໍ້າຖ້ວມ, ການຊ່ວຍເຫລືອປະຊາຊົນທີ່ໄດ້ຮັບຜົນກະທົບ,ຄວາມຕ້ອງການອັນຮີບດ່ວນຂອງປະຊາຊົນ ຈາກນີ້ກໍ່ໄດ້ໃຫ້ທິດຊີ້ນຳຕໍ່ຄະນະພັກປົກຄອງເມືອງ ໂດຍນໍາເອົາຄວາມ ເປັນຫ່ວງ ເປັນໄຍຂອງພັກ  ແລະ ລັດ ກໍຄືຄະນະພັກ,ອົງການປົກຄອງແຂວງ ທີ່ມີຕໍ່ປະຊາຊົນບັນເປົ່າເວົ້າສະເພາະຊາວເມືອງ ຊະນະສົມບູນ ອີກດ້ວຍ.


ສື່ມວນຊົນແຂວງຈຳປາສັກ
ພາບ-ຂ່າວ:   ເກດສະຫນາ ແກ້ວສູວັນນະແສງ

Post a Comment

0 Comments