ບໍລິສັດ ຊີງຍີ ມອບເງິນ 100 ລ້ານຊ່ວຍຜູ້ປະສົບໄພນໍ້າຖ້ວມ


ໃນຕອນແລງ ຂອງວັນທີ 13 ກັນຍາ 2019 ທີ່ຫ້ອງວ່າການສຳນັກງານນາຍົກລັດຖະມົນຕີ, ທ່ານ ເສີນ ຈົງຮັນ ປະທານບໍລິສັດ ຊີງຍີ (ລາວ) ພັດທະນາ ບໍ່ແຮ່ ຈຳກັດ ໄດ້ມອບເງິນຊ່ວຍເຫລືອຜູ້ປະສົບໄພນໍ້າຖ້ວມ ຈຳນວນ 100.000.000 ກີບ, ຊຶ່ງຮັບໂດຍ ທ່ານ ເພັດ ພົມພິພັກ, ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ໂດຍມີພະນັກງານທີ່ກ່ຽວຂ້ອງ ຂອງຫ້ອງວ່າການສຳນັກງານນາຍົກລັດຖະມົນຕີ ແລະ ບໍລິສັດດັ່ງກ່າວ ເຂົ້າຮ່ວມ.

            ໃນໂອກາດນີ້, ທ່ານ ເພັດ ພົມພິພັກ ໄດ້ກ່າວຂອບໃຈ ຕໍ່ບໍລິສັດ ຊີງຍີ (ລາວ) ພັດທະນາ ບໍ່ແຮ່ ຈຳກັດ ທີ່ໄດ້ປະກອບສ່ວນ ໃຫ້ການຊ່ວຍເຫລືອປະຊາຊົນຜູ້ປະສົບໄພນໍ້າຖ້ວມ ໃນຄັ້ງນີ້. ເງິນຊ່ວຍເຫລືອດັ່ງກ່າວ ແມ່ນຈະໄດ້ນຳໄປມອບໃຫ້ກະຊວງແຮງງານ ແລະ ສະຫວັດດີການສັງຄົມ ເພື່ອນຳໄປຊ່ວຍເຫລືອບັນເທົາທຸກ ແກ່ຜູ້ປະສົບໄພນໍ້າຖ້ວມໃນປີນີ້, ຊຶ່ງຢ່າງຍິ່ງຫວັງວ່າ ການຊ່ວຍເຫຼືອດັ່ງກ່າວ ຈະປະກອບສ່ວນເຮັດໃຫ້ການແກ້ໄຂໄພ ພິບັດ ກໍ່ຄືຜົນກະທົບຕໍ່ຊີວິດການເປັນຢູ່ຂອງປະຊາຊົນ ທີ່ປະສົບໄພນໍ້າຖ້ວມ ຢູ່ທ້ອງຖິ່ນຕ່າງໆ ໃນຂອບເຂດທົ່ວປະເທດ ໄດ້ຮັບຜົນເປັນຢ່າງດີ.

ພາບແລະຂ່າວ: ຂປລ

Post a Comment

0 Comments