ເມືອງວິລະບູລີ ແຈ້ງເຕືອນປະຊາຊົນລຽບຕາມສາຍເຊກອກ ແລະ ສາຂາ ໃຫ້ກຽມພ້ອມຮັບມືພາຍຸ ດິເບເຊີນ



ສະຫວັນນະເຂດ: ລາຍງານຈາກ News Vilabouly ໃຫ້ຮູ້ ໃນວັນທີ 3 ກັນຍາ 2019 ມີການແຈ້ງເຕືອ ໃຫ້ປະຊາຊົນທີ່ຢູ່ລຽບຕາມສາຍເຊກອກ ເຊບາຍ ເຊນ້ອຍ ແລະ ສາຍຫ້ວຍຕ່າງໆ ກຽມພ້ອມຮັບມືກັບພາຍຸດິເບເຊີນ ເຊິ່ງສົ່ງຜົນເຮັດໃຫ້ມີຝົນຕົກໜັກ ແລະ ຕົກສະສົມເປັນເວລາຫລາຍຊົ່ວໂມງ ແລະ ຫລາຍວັນ ອາດສົ່ງຜົນກະທົບໂດຍກົງຕ່ໍການເດີນທາງເຂົ້າອອກເມືອງວິລະບູລີ ແລະ ອາດສົ່ງກະທົບຕໍ່ການດຳລົງຊີວິດ ແລະ ເນື້ອທີ່ທຳການຜະລິດນຳອີກ



ປະຈຸບັນລະດັບນ້ຳເຊກອກ ແມ່ນ ຮອດເຂດລະວັງໄພແລ້ວ ວັດແທກໄດ້ 8,51 ແມັດ ແລະມີ ທ່ວງທ່າຈະເພີ່ມຂື້ນໄວຢ່າງໄວ ສະເລ່ຍ ຊົ່ວໂມງລະ 0,28 ແມັດ ປະຈຸບັນເສັ້ນທາງແຕ່ນາບ່ໍເມືອງເຊໂປນ ຫາເມືອງວິລະບູລີ ລົດໄຫຍ່ ລົດໂດຍສານ ລົດຂົນສົ່ງຕ່າງໆ ແມ່ນພົບຄວາມຫຍຸ້ງຍາກ ລະດັບນ້ຳພວມເອີ່ໄຫລເຂົ້າຖ້ວມຫລາຍຈຸດ ຄາດວ່າ ຝົນສືບຕ່ໍຕົກ ຕອນບ່າຍມື້ນີ້ ເສັ້ນທາງດັ່ງກ່າວອາດຖືກຕັດຂາດເປັນຮອບທີ 3 ປີ.

ລາຍງານໂດຍ: News Vilabouly



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------

Post a Comment

0 Comments