ຊ່ວງເຮືອບຸນຫໍ່ເຂົ້າສະຫຼາກ ທີ່ເມືອງປາກອູ 2019

ບຸນຊ່ວງເຮືອຢູ່ ວັງຄົກລິ່ນເມືອງປາກອູ ແຂວງຫລວງພະບາງ ໄດ້ຈັດຂຶ້ນໃນມື້ຂື້ນ15 ຄໍ່າເດືອນ10ລາວ ເຊິ່ງແມ່ນ 

ມື້ບຸນຫໍ່ເຂົ້າສະຫລາກ ຂອງຊາວພຸດ ກົງກັບ ວັນ 13  ກັນຍາ 2019 ມີການນຳຂອງເມືອງປາກອູ, ເມືອງອ້ອມຂ້າງ, ແຂກຮັບເຊີນ ແລະມວນຊົນ ເຂົ້າຮ່ວມ. ພິທີ ທ່ານ ແກ່ນຄຳ ຄຳພັນ ຮອງເຈົ້າເມືອງປາກອູ ໄດ້ກ່າວເປີດການແຂ່ງຂັນ ວ່າ: ເປັນປະຈຳທຸກປີເມືອງເຖີງມື້ບຸນຫໍ່ເຂົ້າສະຫຼາກ ປະຊາຊົນຊາວເມືອງປາກອູ ໄດ້ຈັດງານບຸນຊ່ວງເຮືອ ອັນເປັນປະເພນີສືບທອດກັນມາແຕ່ຊຸມປີ 1990 ສະເພາະປີນີ້ ອົງການປົກຄອງເມືອງປາກອູ ໄດ້ກະກຽມຄວາມພ້ອມຫຼາຍດ້ານ ທັງໄດ້ປຸກລະດົມເຮືອຊ່ວງຈາກບັນດາບ້ານພາຍໃນເມືອງ, ຕ່າງເມືອງ ແລະຫົວໜ່ວຍທຸລະກິດຢູ່ໃນແຂວງຫຼວງພະບາງ ເຂົ້າຮ່ວມແຂ່ງຂັນ ເພື່ອໃຫ້ບຸນປີນີ້ ມີຄວາມເບີກບານມ່ວນຊື່ນ.




ການຊ່ວງເຮືອທີ່ວັງຄົກລີ່ນ ເມືອງປາກອູ ໃນປີນີ້ ມີເຮືອຊາວງເຂົ້າແຂ່ງຂັນທັງໜົດ 17 ລໍາ ແບ່ງອອກເປັນ 2 ປະເພດຄື: ປະເພດເຮືອກາບ ຫຼື ເຮືອປະເພນີ ມີ 12 ລຳ ບັນຈຸສີພາຍບໍ່ໃຫ້ເກີນ 25 ຄົນ, ສໍາຮອງ 7 ຄົນ ແລະປະເພດເຮືອສູດ ຫຼື ເຮືອກິລາ ມີ 5 ລໍາ ບັນຈຸສີພາຍບໍ່ໃຫ້ເກີນ 30 ຄົນ, ສໍາຮອງ 7 ຄົນ, ແຂ່ງຂັນໃນຮູບແບບ ເສຍສອງຄັ້ງແລ້ວຈັດອັນດັບທີ່ ສ່ວນເຮືອທີ່ເສຍ 1 ຄັ້ງ ມີສິດເຂົ້າຊີງເຖີງຮອບຊີງຊະນະເລີດ.



ລາຍງານໂດຍ: Phetsakhone Simmavong

Post a Comment

0 Comments