ສະຫວັນນະເຂດ ຈັດງານລະດົມທຶນຮ່ວມນ້ຳໃຈຊ່ວຍເຫລືອຜູ້ປະສົບໄພນ້ຳຖ້ວມ ໄດ້ເງິນເກືອບ 3,5 ຕື້ກີບ



ຂປລ. ອຳນາດການປົກຄອງແຂວງສະຫວັນນະເຂດ ນຳໂດຍ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ທ່ານ ຄຳເຜີຍ ຜັນທະຈອນ ປະທານສະພາປະຊາຊົນແຂວງ ແລະ ພາກສ່ວນກ່ຽວຂ້ອງອ້ອມຂ້າງແຂວງ ຈັດງານການກຸສົນຮ່ວມໃຈຊ່ວຍເຫລືອຜູ້ປະສົບໄພພິບັດ ນ້ຳຖ້ວມຢູ່ແຂວງສະຫວັນນະເຂດ ໃນຕອນຄໍ່າວັນທີ 11 ກັນຍາ 2019 ເຊິ່ງມີນັກທຸລະກິດຈາກຫລາຍພາກສ່ວນເຂົ້າບໍລິຈາກ ທັງວັດຖຸ, ປັດໄຈຕ່າງໆ.




ໃນງານຄັ້ງນີ້, ຜູ້ເຂົ້າຮ່ວມກໍໄດ້ຮັບຊົມການສະແດງສິນລະປະ-ວັນນະຄະດີ ແລະ ມີນັກຮ້ອງ, ນັກສິລະປິນ ຈາກຄ້າຍເພງຕ່າງໆທີ່ສະໝັກໃຈເຂົ້າຮ່ວມງານຫລາຍກວ່າ 20 ຄົນ ເພື່ອມາປະກອບສ່ວນສຽງເພງ ສະຫລັບດ້ວຍການມອບ-ຮັບເຄື່ອງບໍລິຈາກວັດຖຸ, ສິ່ງຂອງ, ເຄື່ອງອຸປະໂພກ-ບໍລິໂພກ ແລະ ເງິນຊ່ວຍເຫລືອຜູ້ປະສົບໄພພິບັດນ້ຳຖ້ວມ ຈາກບໍລິສັດ, ຫ້າງຮ້ານ ແລະ ສ່ວນບຸກຄົນ. ຜ່າການຈັດງານສາມາດລະດົມເງິນທີ່ໄດ້ 2,8 ຕື້ກວ່າກີບ ແລະ 52.000 ໂດລາ, ພ້ອມນີ້ຍັງມີເຄື່ອງອຸປະໂພກ-ບໍລິໂພກ ລວມມູນຄ່າ 211 ລ້ານກີບ.

Post a Comment

0 Comments