ໜ້າເປັນຫ່ວງ! ພົບຕາຝັ່ງເຈື່ອນຍາວ 6 ກິໂລແມັດ ລ້ອງເຊບັ້ງໄຟ



ສະຫວັນນະເຂດ: ເນື່ອງຈາກໄດ້ເກີດມີສະພາບຝົນຕົກໜັກໃນທ້າຍ ເດືອນສິງຫາຫາຕົ້ນເດືອນ ກັນຍາ 2019 ທີ່ຜ່ານມານີ້ ເຮັດໃຫ້ມີນ້ຳຖ້ວມໜັກຢູ່ເຂດ ລຽບສາຍເຊບັ້ງໄຟ ແລະເຂດ ອື່ນໆຂອງເມືອງໄຊບູລີ ແຂວງສະຫວັນນະເຂດ.ພາຍຫຼັງນ້ຳຫຼຸດລົງສູ່ສະພາບ ປົກກະຕິກໍ່ໄດ້ເກີດມີຕະຝັ່ງ ເຈື່ອນຫຼາຍຈຸດ, ມີຄວາມຍາວ ເກືອບ 6 ພັນແມັດ, ສົ່ງຜົນ ກະທົບໃສ່ເຮືອນປະຊາຊົນ ຈຳນວນ 41 ຫຼັງ, ໃນຈຳນວນ 9 ບ້ານ.

ຕາມການລົງສຳຫຼວດ ຕົວຈິງຂອງຄະນະກຳມະ ການຕ້ານໄພພິບັດເມືອງ ໄຊບູລີ. ເຊິ່ງນຳໂດຍທ່ານ ອ່ອນລຳພັນ ບົວສີແກ້ວ ເຈົ້າເມືອງ, ພ້ອມຄະນະໄດ້ ລົງສຳຫຼວດໃນຄັ້ງວັນທີ 21 ກັນຍາທີ່ຜ່ານມາໄດ້ໃຫ້ ຮູ້ວ່າ: ປະຈຸບັນບ້ານຢູ່ຕັ້ງຕາມ ແຄມເຊບັ້ງໄຟຈຳນວນ 9 ບ້ານຄື: ບ້ານປາກເຊບັ້ງໄຟ, ບ້ານບົວໄຂ, ນາສັງ, ທ່າ ຂາມ, ຜັກເຜື້ອ, ສະກອງ, ແກ້ງໂພສີ, ກ້າງປາ ແລະບ້ານ ດ້າງສະຫວັນ, ໄດ້ເກີດມີຕະ ຝັ່ງເຊເຈື່ອນ ເຮັດໃຫ້ເຮືອນປະ ຊາຊົນຈຳນວນ 41 ຫຼັງຄາ ທີ່ຕັ້ງຢູ່ແຄມເຊໄດ້ຮັບຜົນກະທົບຈາກຕະຝັ່ງເຈື່ອນໃນຄັ້ງນີ້,

ໃນນັ້ນ 4 ຫຼັງ ແມ່ນໄດ້ມີການຍົກຍ້າຍອອກ ແລ້ວ, ສ່ວນທີ່ເຫຼືອຍັງມີ ການປະເມີນ ແລະພ້ອມກັນ ຫາວິທີແກ້ໄຂ, ນອກຈາກ ເຮືອນປະຊາຊົນແລ້ວຍັງມີ ດິນປຸກສ້າງທີ່ຖືກຜົນກະທົບ ອີກ 37 ຕອນ, ດິນຫວ່າງເປົ່າ 4 ຕອນ, ລະບົບຊົນລະປະທານ ກໍ່ໄດ້ຮັບຜົນກະທົບເຊັ່ນ ດຽວກັນເປັນຕົ້ນ:

ໂຄງການ ຊົນລະປະທານ ບ້ານບົວໄຂ ທໍ່ດູດຈັກແກນງ່ຽງ ຍ້ອນຕະ ຝັ່ງຊຸດ ແລະທໍ່ສົ່ງຂາດ ແລະ ໂຄງການຊົນລະປະທານ ທ່າຂາມ, ເສົາຕໍມໍຊຸດ ທໍ່ສົ່ງ ຂາດເຊັ່ນດຽວກັນ ຊຶ່ງປະເມີນ ຄວາມເສຍຫາຍທັງສອງ ໂຄງການປະມານ 500 ລ້ານກວ່າກີບ.

ທີ່ມາ: ສະຫວັນພັດທະນາ

Post a Comment

0 Comments