ຮອງປະທານສະພາແຫ່ງຊາດ ພົບປະຜູ້ມີສິດເລືອກຕັ້ງຢູ່ ສະຫວັນນະເຂດ


ວັນທີ 9 ກັນຍາ 2019, ທ່ານ ພົນໂທ ແສງນວນ ໄຊຍະລາດ ເລຂາທິການສູນກາງພັກ ຮອງ ປະທານສະພາແຫ່ງຊາດ ພ້ອມ ດ້ວຍຄະນະ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 13 ແຂວງສະຫວັນນະເຂດ, ໄດ້ ເຄື່ອນໄຫວພົບປະຜູ້ມີສິດເລືອກ ຕັ້ງ ແລະ ໂຄສະນາເຜີຍແຜ່ຜົນສໍາ ເລັດກອງປະຊຸມສະໄໝສາມັນ ເທື່ອທີ 7 ຂອງສະພາແຫ່ງຊາດ ຊຸດທີ VIII ແລະ ກອງປະຊຸມສະ ໄໝສາມັນເທື່ອທີ 7 ຂອງສະພາ ປະຊາຊົນແຂວງສະຫວັນນະ ເຂດ ຊຸດທີ I ຢູ່ ກອງບັນຊາການທະຫານແຂວງສະຫວັນນະເຂດ. 

ພາຍຫຼັງໄດ້ຮັບຟັງລາຍງານ ສະພາບການໂດຍຫຍໍ້ຂອງແຕ່ ລະຄະນະພັກ-ຄະນະກອງບັນຊາ ການ, ທ່ານ ພົນໂທ ແສງນວນ ໄຊຍະລາດ ໄດ້ສະແດງຄວາມ ເປັນຫ່ວງເປັນໄຍຕໍ່ເຫດການໄພ ພິບັດ ໃນພາກໃຕ້ຂອງລາວ ກໍຄື ແຂວງສະຫວັນນະເຂດ ແລະ ສະ ແດງຄວາມຊົມເຊີຍໃນການເອົາ ໃຈໃສ່ຂອງກອງກໍາລັງປ້ອງກັນ ຊາດ-ປ້ອງກັນຄວາມສະຫງົບ ໃນການຊ່ວຍເຫລືອ-ບັນເທົາທຸກ ປະຊາຊົນຜູ້ໄດ້ຮັບຜົນກະທົບ; ທ່ານຍັງໄດ້ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII ເຊິ່ງໄດ້ພິຈາລະນາ ແລະ ຮັບຮອງເອົາຫຼາຍບັນຫາສໍາ ຄັນຂອງຊາດ ຄື: 

ໄດ້ພິຈາລະນາ ແລະ ຮັບຮອງເອົາບົດລາຍງານ ຂອງນາຍົກລັດຖະມົນຕີກ່ຽວ ກັບການປະຕິບັດແຜນພັດທະນາ ເສດຖະກິດ-ສັງຄົມ ແລະ ແຜນ ງົບປະມານແຫ່ງລັດ 4 ເດືອນ ຕົ້ນປີ ແລະ ທິດທາງແຜນການ 6 ເດືອນທ້າຍປີ 2019; 

ບົດລາຍ ງານກ່ຽວກັບການພັດທະນາຊັບ ພະຍາກອນມະນຸດທີ່ຕິດພັນກັບ ການພັດທະນາເສດຖະກິດ-ສັງ ຄົມໃນແຕ່ລະໄລຍະ; ການຊີ້ແຈງ ຕໍ່ຄໍາຊັກຖາມຂອງສະພາແຫ່ງ ຊາດກ່ຽວກັບການຄຸ້ມຄອງ, ການອອກໃບຕາດິນຊໍ້າຊ້ອນ ໃນ ໄລຍະຜ່ານມາ ແລະ ມາດຕາ ການແກ້ໄຂໃນຕໍ່ໜ້າ, ກ່ຽວກັບ ການຟື້ນຟູປ່າ ແລະ ປູກປ່າ;ການ ເລືອກຕັ້ງປະທານສານປະຊາ ຊົນສູງສຸດ ແລະ ບົດລາຍງານ ຂອງອົງການໄອຍະການປະຊາ ຊົນສູງສຸດກ່ຽວກັບການປະຕິ ບັດກົດໝາຍຂອງອົງການສືບ ສວນ-ສອບສວນ. 

ກອງປະຊຸມ ຍັງໄດ້ຮັບຮອງເອົາການສ້າງ ແລະ ປັບປຸງກົດໝາຍ 10 ສະ ບັບ, ໃນນັ້ນກົດໝາຍສ້າງໃໝ່ 5 ສະບັບ ຄື: ກົດໝາຍວ່າ ດ້ວຍອາ ກອນລາຍໄດ້, ກົດໝາຍວ່າດ້ວຍ ອາກອນຊົມໃຊ້, ກົດໝາຍວ່າ ດ້ວຍການຕອບໂຕ້ການທຸ້ມຕະ ຫຼາດ ແລະ ການຊ່ວຍໜູນ, ກົດ ໝາຍວ່າດ້ວຍການຄຸ້ມຄອງໄພພິ ບັດ ແລະ ກົດໝາຍວ່າດ້ວຍເອ ກະສານ; ປັບປຸງກົດໝາຍ 5 ສະ ບັບ ຄື: ກົດໝາຍວ່າດ້ວຍທີ່ດິນ, ກົດໝາຍວ່າດ້ວຍປ່າໄມ້, ກົດ ໝາຍວ່າດ້ວຍການຄຸ້ມຄອງ ສ່ວຍສາອາກອນ, ກົດໝາຍວ່າ ດ້ວຍຄ່າທໍານຽມສານ ແລະ ກົດ ໝາຍວ່າດ້ວຍອາຊີວະສຶກສາ. ທ່ານ ນາງ ຄໍາເພັງ ວິໄລທອງ ສສຊ ປະຈໍາເຂດເລືອກຕັ້ງ ແລະ ທ່ານ ນາງ ແກ້ວວຽງໄຊ ຈັນສະ ໄໝ ສສຂ ໄດ້ຜັດປ່ຽນກັນເຜີຍ ແຜ່ຜົນສໍາເລັດກອງປະຊຸມສະ ໄໝສາມັນເທື່ອທີ 7 ຂອງສະພາ ປະຊາຊົນແຂວງສະຫວັນນະ ເຂດ ຊຸດທີ I ເຊິ່ງໄດ້ພິຈາລະນາ ແລະ ຮັບຮອງເອົາບັນຫາສຳຄັນ ຕ່າງໆຂອງແຂວງ ດ້ວຍບັນຍາ ກາດສ້າງສັນ ແລະ ຄວາມເປັນ ເອກະພາບສູງ ຄື: 

ພິຈາລະນາ ແລະ ປະກອບຄຳເຫັນໃສ່ບົດ ລາຍງານຂອງທ່ານເຈົ້າແຂວງໆ ສະຫວັນນະເຂດກ່ຽວກັບສະ ພາບ ການພັດທະນາເສດຖະກິດ-ສັງຄົມ ໄລຍະ 5 ເດືອນ, ຄາດ ຄະເນ 6 ເດືອນຕົ້ນປີແລະ ທິດ ທາງແຜນການ ປະຈຳ 6 ເດືອນ ທ້າຍປີ 2019; ພິຈາລະນາ ແລະ ຮັບຮອງເອົາຂໍ້ຕົກລົງຂອງທ່ານ ເຈົ້າແຂວງໆສະຫວັນນະເຂດ ວ່າດ້ວຍ ການຄຸ້ມຄອງ ແລະ ປົກ ປັກຮັກສາເຂດສະຫງວນທາງ ຫຼວງພາຍໃນແຂວງສະຫວັນນະ ເຂດ; ພິຈາລະນາ ແລະ ຮັບຮອງ ເອົາການຍົກຍ້າຍ, ການແຕ່ງຕັ້ງ ບຸກຄະລາກອນຂອງອົງການໄອ ຍະການປະຊາຊົນແຂວງ, ສານ ປະຊາຊົນແຂວງ ແລະ ຫົວໜ້າ ພະແນກການຂອງອົງການປົກ ຄອງແຂວງ; ພິຈາລະນາ ແລະ ຮັບຮອງເອົາແຜນດັດແກ້ແຜນ ລາຍຮັບວິຊາການ 6 ເດືອນທ້າຍ ປີ 2019 ຂອງອົງການປົກຄອງ ແຂວງ; ພິຈາລະນາ ແລະ ຮັບ ຮອງເອົາມາດຕາການໃນການ ຄຸ້ມຄອງການຜະລິດຖ່ານດຳ ແລະ ມາດຕາການຕໍ່ການອອກ ອະນຸຍາດ ແລະ ການຄຸ້ມຄອງ ໂຮງງານຜະລິດຖ່ານຂາວພາຍ ໃນແຂວງສະຫວັນນະເຂດ. ກອງປະຊຸມຍັງໄດ້ເປີດໂອ ກາດໃຫ້ຜູ້ມີສິດເລືອກຕັ້ງປະກອບ ຄໍາຄິດຄໍາເຫັນ ແລະ ມີຄໍາສະ ເໜີຕ່າງໆ ເຊັ່ນ: ບັນຫາສະພາບ ຄວາມແອອັດຄັບແຄບຂອງຄ້າຍ ຄຸມຂັງ-ດັດສ້າງ, ບັນຫາການ ຊໍາລະຊັກຊ້າຕໍ່ບັນດາໂຄງການ ຮັບເໝົາທີ່ສໍາເລັດແລ້ວ ແລະ ກໍາ ລັງດໍາເນີນຢູ່ ແລະ ບັນຫາອື່ນໆ. 

ທ່ານຮອງປະທານສະພາແຫ່ງ ຊາດ ຍັງໄດ້ໃຫ້ທິດຊີ້ນໍາກ່ຽວກັບ ການສ້າງຂະບວນການຂໍ່ານັບ ຮັບຕ້ອນ ກອງປະຊຸມໃຫຍ່ 3 ຂັ້ນ ຂອງພັກ ແລະ ກອງປະຊຸມໃຫຍ່ ຄັ້ງທີ XI ຂອງພັກ ໃຫ້ມີບັນຍາ ກາດຟົດຟື້ນ ເຊັ່ນ: ຂະບວນການ ກໍ່ສ້າງໜ່ວຍພັກປອດໃສເຂັ້ມ ແຂງ ແລະ ໜັກແໜ້ນ, ຂະບວນ ການຜະລິດເປັນສິນຄ້າໜຶ່ງ ເມືອງ-ໜຶ່ງຜະລິດຕະພັນກໍຄືຂະ ບວນການປັບປຸງຊີວິດການ ເປັນຢູ່ຂອງປະຊາຊົນໃຫ້ດີຂຶ້ນ, ຂະບວນການປ້ອງກັນຊາດ- ປ້ອງກັນຄວາມສະຫງົບຕ້ານປາ ກົດການຫຍໍ້ທໍ້ຕ້ອງເປັນແບບ ຢ່າງໃນການປະຕິບັດລະບຽບ ແລະ ກົດໝາຍ, ຂະບວນການ ສິລະປະວັນນະຄະດີ ແລະ ກີລາ ກາຍະກໍາຕ່າງໆ. 

ໂດຍ: ບຸນເກີດ ວົງໄຊຍາ

Post a Comment

0 Comments