ລາວໂຕໂຢຕ້າພາກໃຕ້ ປະກອບສ່ວນຊ່ວຍເຫລືອ ຜູ້ປະສົບໄພນ້ຳຖ້ວມ ຢູ່ ແຂວງ ຈຳປາສັກ ແລະ ແຂວງ ສາລະວັນ


ລາວໂຕໂຢຕ້າພາກໃຕ້ ປະກອບສ່ວນຊ່ວຍເຫລືອ ຜູ້ປະສົບໄພນ້ຳຖ້ວມ ຢູ່ ແຂວງ ຈຳປາສັກ ແລະ ແຂວງ ສາລະວັນ

    ເພື່ອເປັນສ່ວນໜຶ່ງໃນການປະກອບສ່ວນຊ່ວຍເຫລືອຜູ້ປະ ສົບໄພນ້ຳຖ້ວມ, ດັ່ງນັ້ນ ໃນລະຫວ່າງ ວັນທີ 12-13 ກັນຍາ 2019 ນີ້ ບໍລິສັດ ລາວໂຕໂຢຕ້າ ພາກໃຕ້ ຈຳກັດ ໄດ້ນໍາເອົາເຂົ້າສານ, ອາຫານແຫ້ງ, ນ້ຳດື່ມ ແລະ ເງິນ ລວມມູນຄ່າ 10.000.000 ກີບ ມາມອບໃຫ້ຄະນະກໍາມະການປ້ອງກັນ, ຄວບຄຸມ ແລະ ຟື້ນຟູໄພພິບັດ ເພື່ອນຳໄປມອບຕໍ່ໃຫ້ຜູ້ປະສົບໄພຢູ່ ແຂວງຈໍາປາສັກ ແລະ ແຂວງ ສາລະວັນ.  

      ສຳລັບພິທີມອບ-ຮັບ ຢູ່ ແຂວງ ຈຳປາສັກ ຕາງໜ້າມອບໂດຍ ທ່ານ ດາວຽງສອນ ຫວ່າງວິຈິດ ຜູ້ຈັດການໃຫຍ່ພະແນກຂາຍ ແລະ ການຕະຫລາດ ແລະ ທ່ານ ແສງຄຳ ສີວິໄລ ຜູ້ຈັດການໃຫຍ່ ພະແນກ ບຸກຄະລາກອນ ບໍລິສັດ ລາວໂຕໂຢຕ້າ ພາກໃຕ້ ຈຳກັດ ພ້ອມພະນັກງານ ໃຫ້ກຽດຮັບໂດຍ ທ່ານ ບຸນຖອງ ດີວິໄຊ ເຈົ້າແຂວງຈໍາປາສັກ ມີຄະນະກໍາມະການປ້ອງກັນ, ຄວບຄຸມ ແລະ ຟື້ນຟູໄພພິບັດ ຂັ້ນແຂວງ ພ້ອມພະນັກງານກ່ຽວຂ້ອງຮ່ວມເປັນ ສັກຂີພິຍານ. 

ການຊ່ວຍເຫລືອຄັ້ງນີ້ ເພື່ອສ້າງຂວັນກຳລັງໃຈ ແລະ ເປັນການແບ່ງເບົາຄວາມ ທຸກໃນຂັ້ນຕົ້ນ ເຊິ່ງ ບໍລິສັດ ລາວໂຕໂຢຕ້າ ພາກໃຕ້ ຈະສືບຕໍ່ໃຫ້ການ ຊ່ວຍ ເຫລືອຜູ້ປະສົບໄພຕື່ມອີກ. 

ຂ່າວ: ເກດສະໜາ ແກ້ວສຸວັນນະແສງ

Post a Comment

0 Comments