ບໍລິສັດ ສີສົມບັດເຊົ່າສິນເຊື່ອ ມອບເຂົ້າສານຊ່ວຍເຫລືອ ຜູ້ປະສົບໄພນໍ້າຖ້ວມຢູ່ແຂວງຈໍາປາສັກ


            
ໃນວັນທີ 17 ກັນຍາ 2019 ທີ່ສະໂມສອນຫລັກ 4 ແຂວງ ຈໍາປາສັກ ທ່ານ ຂາວພອນ ສີສຸວົງ ທີ່ປຶກສາບໍລິສັດ ສີສົມບັດເຊົ່າສິນເຊື່ອ ຈໍາກັດ ພ້ອມຄະນະ ໄດ້ມອບເຂົ້າສານ 2 ໂຕນເຄິ່ງ ເປັນມູນຄ່າ 17 ລ້ານ 5 ແສນກີບ ເພື່ອຊ່ວຍ ເຫລືອບັນເທົາທຸກຜູ້ປະສົບໄພນໍ້າຖ້ວມຢູ່ແຂວງຈຳປາສັກ, ເປັນກຽດຮັບໂດຍ ທ່ານ ບົວລິນ ວົງພະຈັນ ຮອງເຈົ້າແຂວງ ຈຳປາສັກ, ປະທານຄະນະກຳມະການປ້ອງກັນ,ຄວບຄຸມ ແລະ ຟື້ນຟູໄພພິບັດຂັ້ນແຂວງ ພ້ອມດ້ວຍຄະນະ .



ການມອບເຂົ້າຄັ້ງນີ້, ເພື່ອສະແດງໃຫ້ເຫັນເຖິງຄວາມເປັນຫ່ວງເປັນໄຍຂອງບໍລິສັດ ສີສົມບັດເຊົ່າສິນເຊື່ອ ທີ່ມີຕໍ່ປະຊາຊົນຜູ້ປະສົບໄພນໍ້າຖ້ວມ ຢູ່ແຂວງຈໍາປາສັກ ຊຶ່ງຄະນະກຳມະການປ້ອງກັນ,ຄວບຄຸມ ແລະ ຟື້ນຟູ ໄພພິບັດແຂວງ ກໍຈະໄດ້ນໍາໄປມອບຕໍ່ໃຫ້ແກ່ ປະຊາຊົນຜູ້ປະສົບໄພນໍ້າຖ້ວມ ຢູ່ແຕ່ລະບ້ານໃຫ້ທົ່ວເຖິງ.




ຂ່າວ: ເກດສະໜາ ແກ້ວສຸວັນນະແສງ.

Post a Comment

0 Comments