ຫ້ອງການກົມໃຫຍ່ເສນາທິການກອງທັບ ໄດ້ຮັບນາມມະຍົດກອງຮາກຖານເຂັ້ມແຂງ - ໜ່ວຍພັກຮູ້ນຳພາຮອບດ້ານ



ໃນວັນທີ 18 ກັນຍາ 2019 ນີ້, ຫ້ອງການກົມໃຫຍ່ເສນາທິການ ກອງທັບ ໄດ້ຈັດພິທີມອບ-ຮັບ ນາມມະຍົດກອງຮາກຖານເຂັ້ມ ແຂງ-ໜ່ວຍພັກຮູ້ນຳພາຮອບ ດ້ານປະຈຳປີ 2018 ໂດຍການ ເປັນປະທານຂອງສະຫາຍ ພົນຕີ ຈັນທອງ ສອນຕະອາດ ກຳມະການຄະນະພັກກະຊວງ, ຮອງຫົວໜ້າກົມໃຫຍ່ເສນາທິ ການກອງທັບ, ມີຄະນະພັກ-ຄະ ນະບັນຊາ ພ້ອມດ້ວຍພະນັກງານ-ສະມາຊິກພັກເຂົ້າຮ່ວມ. 


ສະຫາຍ ພັນໂທ ສູດທາ ສີສະ ຫຼາດ ຮອງເລຂາໜ່ວຍພັກຫ້ອງ ການກົມໃຫຍ່ເສນາທິການກອງທັບຜ່ານບົດສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາໂດຍໄດ້ຍົກໃຫ້ເຫັນວຽກງານ ດ້ານຕ່າງໆຂອງກົມກອງ,ຄະນະພັກ-ຄະນະບັນຊາກໍໄດ້ເອົາໃຈໃສ່ທາງດ້ານວຽກງານການເມືອງ - ນຳພາແນວຄິດຕິດພັນແໜ້ນກັບວຽກງານວິຊາສະເພາະ, ເຮັດໃຫ້ ສະມາຊິກພັກແຕ່ລະສະຫາຍມີ ແນວຄິດອຸ່ນອຽນທຸ່ນທ່ຽງເຊື່ອ ໝັ້ນຕໍ່ການນຳພາຂອງພັກ, ບັນດາຂໍ້ກຳນົດກົດລະບຽບຂອງ ກອງທັບ, ເອົາໃຈໃສ່ປະຕິບັດຕາມ 5 ຫຼັກການ 3 ທິດນຳ ຂອງພັກ ມາເປັນໄມ້ຫຼາວັດແທກຄຸນນະ ພາບການເມືອງຂອງຕົນຖືເປັນ ສໍາຄັນໃນການນໍາພາ, ສຶກສາອົບ ຮົມສະມາຊິກພັກ, ພະນັກງານ, ນັກຮົບໃຫ້ມີຄວາມໜັກແໜ້ນທາງ ດ້ານການເມືອງ-ແນວຄິດ, ມີ ຄວາມບຸກບືນຫ້າວຫັນ, ເສຍສະ ຫຼະຜົນປະໂຫຍດສ່ວນຕົວ ເພື່ອ ສ່ວນລວມ, 


ນໍາພາຈັດຕັ້ງອົບຮົມຫັດແອບທາງດ້ານການທະຫານ, ການເມືອງ ແລະ ວິຊາສະເພາະ ຕາມເງື່ອນໄຂ ແລະ ຈຸດພິເສດຂອງ ກົມກອງ, ຈັດຕັ້ງແບ່ງຄວາມຮັບ ຜິດຊອບໃນຄະນະໜ່ວຍພັກລົງ ໃກ້ຊິດຕິດແທດກັບແຕ່ລະພະ ແນກ ແລະ ຖືເປັນສໍາຄັນວຽກງານ ກໍ່ສ້າງຮາກຖານ ແລະ ພັດທະນາ ຊົນນະບົດຮອບດ້ານຕິດພັນກັບ ວຽກງານສາມສ້າງທີ່ກົມການ ເມືອງສູນກາງພັກວາງອອກ ໂດຍສະເພາະແມ່ນວຽກງານພັດ ທະນາກຸ່ມບ້ານຄັງວຽງ ແລະ ບໍ ລິເວນຊາຍແດນ, ສືບຕໍ່ຊີ້ນໍາ-ນໍາ ພາການປັບປຸງ ແລະ ສ້າງເສດ ຖະກິດ ໂດຍສະເພາະແມ່ນການ ແກ້ໄຂຊິວິດການເປັນຢູ່ຂອງຄອບ ຄົວແຕ່ລະສະຫາຍຕາມນະໂຍ ບາຍຂອງພັກ ແລະ ຖືກຕອ້ງຕາມ ລະບຽບກົດຫມາຍ ໃຫ້ນັບມື້ນັບດີ ຂຶ້ນສາມາດກຸ້ມຕົນເອງ, ເພີ່ງຕົນ ເອງ ແລະ ສ້າງຄວາມເຂັ້ມແຂງ ດ້ວຍຕົນເອງໄດ້, ເປັນເຈົ້າການ ນໍາພາປະຕິບັດແນວທາງການຕ່າງປະເທດຂອງພັກຕາມຂອບ ເຂດຄວາມຮັບຜິດຊອບຂອງ ຫ້ອງການເປັນຕົ້ນແມ່ນການພົວ ພັນຮ່ວມມືກັບເພື່ອນມິດຍຸດທະ ສາດ, ເພື່ອນມິດອາຊຽນ ແລະ ສາກົນເຊັ່ນ: 


ຮ່ວມມືເຮັດວຽກ ກັບຄະນະຊ່ຽວຊານ ສສ ຫວຽດ ນາມ, ສປ ຈີນ, ຢີ່ປຸ່ນ ແລະ ບັນດາ ປະເທດອາຊຽນສາມາດບັນລຸ ຕາມທິດຊີ້ນຳຂອງຂັ້ນເທິງມອບ ໃຫ້ວຽກງານຂະບວນການກີລາ, ສິລະປະ-ວັນນະຄະດີ ໄດ້ເຄື່ອນ ໄຫວເປັນປົກກະຕິ ແລະ ເຂົ້າຮ່ວມ ນຳຂັ້ນເທິງຈັດຂຶ້ນສ້າງໃຫ້ກົມ ກອງມີບັນຍາກາດຟົດຟື້ນມ່ວນ ຊື່ນຢ່າງຕໍ່ເນື່ອງ, ວຽກງານກໍ່ ສ້າງພັກຜ່ານມາຄະນະພັກໄດ້ເອົາ ໃຈໃສ່ສ້າງໜ່ວຍພັກມີຄວາມໜັກ ແໜ້ນ, ເຂັ້ມແຂງ ສາມາດຮັກສາ ນາມມະຍົດກອງແຂງ-ໜ່ວຍພັກ ຮູ້ນຳພາຮອບດ້ານ 6 ສະໄໝຕິດ ຕໍ່ກັນ. ໃນກອງປະຊຸມຍັງໄດ້ມອບ-ຮັບນາມມະຍົດກອງຮາກຖານ ເຂັ້ມແຂງ-ໜ່ວຍພັກຮູ້ນຳພາຮອບ ດ້ານປະຈຳປີ 2018 ອີກດ້ວຍ.

 ໂດຍ: ອາຫວຸ້ນ

Post a Comment

0 Comments