ພິທີເປີດຫໍມົນດົບອະນຸສອນສະຖານປະດິດສະຖານຮູບເໝືອນຫຼໍ່ທອງສຳຫຼີດ ພຣະອາຈາຣຍ໌ໃຫຍ່ ດຣ. ມະຫາຊາລີ ກັນຕະສີໂລ


ອະນຸໂມທະນາຊົມເຊີຍ ພິທີເປີດຫໍມົນດົບອະນຸສອນສະຖານປະດິດສະຖານຮູບເໝືອນຫຼໍ່ທອງສຳຫຼີດ ພຣະອາຈາຣຍ໌ໃຫຍ່ ດຣ. ມະຫາຊາລີ ກັນຕະສີໂລ  ທີ່ ວັດປ່ານາຄູນນອ້ຍ ໃນວັນທີ 21 ກັນຍາ 2019 ນີ້. 




***ໂດຍການເປັນປະທານຝ່າຍສົງຂອງ:
1. ພຣະເດດພຣະຄຸນ ພຣະຫຼັກແກ້ວມະຫາໂພທິວົງສາທິບໍດີ (ປອ. ມະຫາຄຳມາ ປັນຍາວິຈິດ) ຮອງປະທານສູນກາງ ອພສ, ອົງຜູ້ຊີ້ນຳລວມວຽກງານ ກສປ. ສູນກາງທົ່ວປະເທດ

2. ພຣະຍອດຄຳວໍຣະຍານໂພທິ (ມະຫາບຸນທະວີ ປະສິດທິສັກ) ຄະນະບໍຣິຫານງານປະຈຳສູນກາງ ອພສ, ຫົວໜ້າ ກສປ. ສູນກາງ

3. ພຣະອາຈາຣຍ໌ໃຫຍ່ ມະຫາວັນນາ ສຸຣິຍະວົງ ກຳມະການສູນກາງ ອພສ, ເຈົ້າຄະນະ ອພສ. ນະຄອນຫຼວງວຽງຈັນ

4. ພຣະອາຈາຣຍ໌ໃຫຍ່ ຄຳສວນ ປະຖັມມະວົງ ກຳມະການ ອພສ.ນວ, ເຈົ້າຄະນະ ອພສ. ເມືອງນາຊາຍທອງ ພ້ອມດ້ວຍພຣະເຖຣານຸເຖຣະ





***ປະທານຝ່າຍຄາຣະວາດໃນນາມສິດສາຍານຸສິດມີ:
1. ທ່ານ ນາງ ບົວໄຫຼ ຈິດມະນີ ພັນຣະຍາ ພະນະທ່ານ ບຸນທອງ ຈິດມະນີ ຮອງນາຍົກລັດຖະມົນຕີແຫ່ງ ສປປ ລາວ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ







2. ທ່ານ ນາງ ບຸນກອງມະນີ ເລັ່ງສະຫວັດ ພັນຣະຍາ ພະນະທ່ານ ສົມສະຫວາດ ເລັ່ງສະຫວັດ ອະດິດຮອງນາຍົກລັດຖະມົນຕີ ແຫ່ງ ສປປ ລາວ

3. ທ່ານ ນາງ ວຽງເງີນ ໄຂຄຳພິທູນ ພັນຣະຍາ ພະນະທ່ານ ສຈ. ປອ. ກິແກ້ວ ໄຂຄຳພິທູນ ຄະນະເລຂາທິການສູນກາງພັກ, ເລຂາຄະນະພັກ-ຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ
ພ້ອມດ້ວຍບັນດາສິດສາຍານຸສິດ-ອອກຕົນຍາດໂຍມຊາວພຸດທະບໍຣິສັດ




ໃນພິທີ ໄດ້ມີການຕັດລິບບິ໋ນເປີດອະນຸສອນສະຖານຂອງ ພຣະອາຈາຣຍ໌ໃຫຍ່ ດຣ. ມະຫາຊາລີ ກັນຕະສີໂລ ຢ່າງເປັນທາງການ, ເພື່ອໃຫ້ເປັນບ່ອນຂາບໄຫວ້ສັກກາຣະບູຊາ ແລະ ຈາຣຶກຄຸນງາມຄວາມດີທີ່ພຣະອາຈາຣຍ໌ໃຫຍ່ສາຍວິປັສສະນາກັມມັດຖານ ໄດ້ສ້າງໄວ້ ເພື່ອໃຫ້ຊາວພຸດທະບໍຣິສັດນ້ອຍໃຫຍ່ ທັງພາຍໃນ ແລະ ຕ່າງປະເທດໄດ້ມີບ່ອນສະແດງອອກຕໍ່ການສຳນຶກໃນມະຫາກຸຣຸນາອັນສູງ ແລະຍີ່ງໃຫຍ່ຂອງພໍ່ທ່ານໃຫຍ່..




 ພຣະອາຈາຣຍ໌ໃຫຍ່ ດຣ. ມະຫາຊາລີ ກັນຕະສີໂລ ອະດິດເຄີຍດຳຣົງຕຳແໜ່ງທາງຄະນະສົງລາວເປັນ ຫົວໜ້າກັມມາທິການເຜີຍແຜ່ສີລະທັມ ແລະ ປະຕິບັດກັມມັດຖານ ສູນກາງ ອພສ, ເຈົ້າອະທິການສຳນັກປະຕິບັດວິປັສສະນາກັມມັດຖານວັດປ່ານາຄູນນ້ອຍ ເມືອງນາຊາຍທອງ ນະຄອນຫຼວງວຽງຈັນ ຖືເປັນພຣະເຖຣະອົງໜື່ງທີ່ສຳຄັນ ແລະ ມີບົດບາດຫຼາຍໃນສາຍວິປັສສະນາທຸຣະ ເປັນຄູບາອາຈາຣຍ໌ປະຕິບັດດີປະຕິບັດຊອບທີ່ຊົງໄວ້ເຊີ່ງຈະຣິຍະວັດອັນງົດງາມ ແລະ ຊົງໄວ້ເຊີ່ງແນວທາງການປະຕິບັດສະມະຖະສັນໂດດ ເປັນທີ່ເຄົາຣົບຂອງສິດສາຍານຸສິດທັງພາຍໃນ ແລະ ຕ່າງປະເທດ 




ສ່ວນຖີ່ນກຳເນີດເດີມຂອງເພີ່ນແມ່ນທາງຈັງຫວັດອຸບົນຣາດຊະທານີ ປະເທດເພື່ອນບ້ານ ກ່ອນຈະຜັນຕົວເຂົ້າມາບວດສຶກສາໃນບໍວອນພຣະພຸດທະສາສນາ ແລະຍັງມີບົດບາດໃນບັ້ນຮົຍຕໍ່ສູ້ກູ້ຊາດລາວຈາກສັກດີນາຕ່າງດ້າວລ່າເມືອງຂື້ນ ແລະອາໄສຢູ່ໃນ ສປປ ລາວກ່ອນປີ ຄສ. 1975 ຈົນຮອດເວລາປະເທດຊາດໄດ້ຮັບການສະຖາປານາຢ່າງສົມບູນ ຍາທ່ານໃຫຍ່ນັບວ່າຄຸນູນານັບປະການຫຼາຍຢ່າງຫຼາຍດ້ານເປັນຕົ້ນວຽກງານດ້ານການສຶກສາທັມມະວິນັຍ, ປະຣິຍັດ,ປະຕິບັດ,ປະຕິເວກ ຕະຫຼອດຮອດວຽກງານວົງການແພດຢາພື້ນເມືອງລາວ ເເລະເພີ່ນເປັນຜູ້ລິເລີ່ມນຳພາສ້າງອາຄານຕຶກປີ່ນປົວພຣະສົງ ຢູ່ ໂຮງໝໍເມືອງນາຊາຍທອງ ອີກດ້ວຍ...

ຂ່າວໂດຍ: ພຣະ ອາລຸນຕະຊາດ ເທບທິລາດ ນັກສຶກສາຄົ້ນຄວ້າ ປະຫວັດສາດ ອິດສະຫຼະ
ຮູບພາບໂດຍ: ກອງສື່ວັດປ່ານາຄູນນ້ອຍ


















Post a Comment

0 Comments