ອາລັງການ! ເປີດໂຕສະມາດໂຟນເຮືອທົງ Huawei Mate 30 และ Mate 30 Pro ຢ່າງເປັນທາງການທີ່ເຢຍລະມັນ



ເປີດໂຕສະມາດໂຟນເຮືອທົງ Huawei Mate 30 และ Mate 30 Pro ຢ່າງເປັນທາງການທີ່ເຢຍລະມັນ


Mate 30 Pro

ເປີດໂຕແລ້ວກັບ Huawei Mate 30 series ເຊິ່ງໃນງານເປີດໂຕທັງໝົດ 3 ລຸ້ນຄື Mate 30, Mate 30 Pro ແລະ Mate 30 RS ພ້ອມລູກຫຼິ້ນໃໝ່ຫຼາຍຢ່າງ.


ເຊິ່ງການເປີດໂຕຄັ້ງນີ້ໂຕທີ່ໜ້າສົນໃຈທີ່ສຸດກໍໜ້າຈະແມ່ນ Mate 30 Pro ທີ່ໃຊ້ໜ້າຈໍຂະໜາດ 6.53 ນິ້ວ, ຄວາມລະອຽດ 2,400 x 1,176 ພິກເຊວ, ໜ້າຈໍ OLED ແລະ ມີລູກຫຼິ້ນ Always-On ພ້ອມຂອບດ້ານຂ້າງທີ່ໂຄ້ງສຸດໆເຖິງ 88 ອົງສາເກືອບຈະຮອດກາງຂອບຂ້າງເຄື່ອງເລີຍ.

ສ່ວນລຸ້ນ Mate 30 ຈະໃຊ້ເປັນໜ້າຈໍ 6.62 ນິ້ວ ຄວາມລະອຽດ 2,340 x 1,080 ພິກເຊວ, ໜ້າຈໍ OLED ແລະ ຂອບຈໍແມ່ນຈະເປັນຂອບທໍາມະດາບໍ່ໄດ້ໂຄ້ງຄືລຸ້ນໂປຣ.

ແບັດທີ່ທົນ ແລະ ການສາກແບັດທີ່ວ່ອງໄວ


ດ້ານແບັດຕາຣີ ລຸ້ນໂປຣ Mate 30 Pro ຈະໃຫ້ມາຂະໜາດ 4,500 mAh ທີ່ທາງຫົວເຫວີຍບອກມາວ່າສາມາດໃຊ້ງານໜັກໄດ້ຍາວນານເຖິງ 9.2 ຊົ່ວໂມງ, ສ່ວນລຸ້ນທໍາມະດາ Mate 30 ກໍຈະມີຂະໜາດນ້ອຍລົງມາໜ້ອຍໜຶ່ງ 4,200 mAh ໃຊ້ງານໄດ້ດົນເຖິງ 8.2 ຊົ່ວໂມງ.


ລະບົບການສາກໄຟໃຫ້ມາເປັນລະບົບສາກໄວ 40W ຜ່ານສາຍປົກກະຕິ ແລະ ສາມາດສາກໄຮ້ສາຍໄດ້ທີ່ກໍາລັງ 27W ຜ່ານແທ່ນສາກ SuperCharge

Kirin 990 5G


ດ້ານໂຕຊິບເຊັດແນ່ນອນວ່າຕ້ອງເປັນ Kirin 990 5G ຜະລິດດ້ວຍເທັກໂນໂລຢີໃໝ່ລ່າສຸດ 7 ນາໂນແມັດ, ເພີ່ມປະສິດທິພາບການເຮັດວຽກຕ່າງໆໃຫ້ສູງຂຶ້ນກວ່າເກົ່າ ແລະ ດ້ວຍລະບົບ 5G ກໍສາມາດເຮັດວຽກໄດ້ໄວກວ່າລະບົບເກົ່າ ເດີມໆຫຼາຍຂຶ້ນ

ກ້ອງມີຊື່ວ່າ ຊື່ວ່າ “Halo Ring” ໃສ່ກ້ອງ “Cine Camera”ຄວາມລະອຽດ 40 ລ້ານພິກເຊວ


ດ້ານລະບົບກ້ອງ ມີການອອກແບບກອບດ້ານຫຼັງໃໝ່ເປັນຊົງວົງມົນຊື່ວ່າ “Halo Ring” ໃສ່ກ້ອງ “Cine Camera”ຄວາມລະອຽດ 40 ລ້ານພິກເຊວມາໃຫ້ ເປັນກ້ອງທີ່ມີຄວາມສາມາດໃນການຖ່າຍວິດີໂອໄດ້ໃກ້ຄຽງກັບກ້ອງຖ່າຍມືອາຊີບ, ມີກ້ອງ “SuperSensing” ຄວາມລະອຽດ 40 ລ້ານພິກເຊວ ແລະ ກ້ອງ Telephoto ຂະໜາດ 8 ລ້ານພິກເຊວ ແລະ ເລນ 3D Depth-Sensing


ໜຶ່ງຄວາມສາມາດໂດດເດັ່ນທີ່ເອົາມາໃຫ້ທຸກຄົນຮູ້ຈັກຄືການຖ່າຍພາບຄວາມໄວສູງໃຫ້ເປັນ Ultra-Slow Motion ໃນ Mate 30 Pro ສາມາດເອົາໄປຖ່າຍນົກປະເພດທີ່ກະພືປີກບິນໄວທີ່ສຸດ ແລ້ວນໍາມາເຮັດໃຫ້ຊ້າລົງຈົນເຫັນທຸກການເຄື່ອນໄຫວຂອງນົກເລີຍ.

ສະເປັກກ້ອງທີ່ສຸດຍອດ


ສ່ວນໃນລຸ້ນທໍາມະດາຈະໃຫ້ມາເປັນກ້ອງມຸມກວ້າງ Wide-Angle ຄວາມລະອຽດສູງເຖິງ 40 ລ້ານພິກເຊວ ຮູຮັບແສງ f/1.8, ກ້ອງໄລຍະປົກກະຕິແມ່ນຄວາມລະອຽດ 16 ລ້ານພິກເຊວ ຮູຮັບແສງ f/2.2 ແລະ ປິດທ້າຍດ້ວຍກ້ອງ Telephoto ຂະໜາດ 8 ລ້ານພິກເຊວ ຮູຮັບແສງ f/2.4 ພ້ອມລະບົບກັນສັ່ນ OIS

ສີສັນ ແລະ ຮູບຮ່າງທີ່ໂດດເດັ່ນ


ດ້ານກ້ອງໜ້າ ຢູ່ເທິງຕິ່ງຂະໜາດກວ້າງຂອງ Mate 30 Pro ມີເຊັນເຊີນໍາກັນທັງໝົດ 4 ໂຕ, ເລີ່ມຈາກໂຕກ້ອງທີ່ຄວາມລະອຽດ 32 ລ້ານພິກເຊວ, ຕາມດ້ວຍ Gesture Sensor ສໍາລັບອ່ານການເຄື່ອນໄຫວມືຂອງເຮົາເພື່ອເຮັດວຽກຕາມຄໍາສັ່ງການປັດມືແບບຕ່າງໆ (ຄືກັບໃນ LG G8 ) ມີກ້ອງ 3D Depth ແລະ ເຊັນເຊີສໍາລັບຮັບແສງ Ambient Light ກັບຈັບໄລຍະຄວາມໃກ້ຂອງຜູ້ໃຊ້ Proximity. ສ່ວນລຸ້ນ Mate 30 ທໍາມະດາຈະມີຕິ່ງຂະໜາດທີ່ແຄບກວ່າ, ໃຫ້ກ້ອງໜ້າຄວາມລະອຽດ 24 ລ້ານພິກເຊວ ແລະ ເຊັນເຊີຮັບແສງ Ambient Light ກັບຈັບຄວາມໃກ້ຂອງຜູ້ໃຊ້Proximity. ສ່ວນເລື່ອງລະບົບສຽງ ລໍາໂພງຈະຢູ່ທີ່ດ້ານໃຕ້ໂຕເຄື່ອງ.

ການໃຊ້ເຄື່ອງມື “AI Rotate” 


ນອກຈາກຄວາມສາມາດໂດດເດັ່ນໃນການຈັບຄໍາສັ່ງຈາກມືເຮົາທີ່ປັດໄປມາບໍລິເວນໜ້າຈໍໄດ້ແລ້ວ ຍັງມີ “AI Rotate” ທີ່ຈະຈັບຕໍາແໜ່ງຕາຂອງເຮົາວ່າຍັງແນມຈໍຢູ່ ຫຼື ບໍ່? ຈາກທິດທາງໃດ ກໍຈະໝຸນໃຫ້ກົງກັບມຸມທີ່ເຮົາເບິ່ງ ແລະ ເມື່ອມີຂໍ້ຄວາມເຂົ້າກໍຈະສະແດງຜົນໃຫ້ເຫັນ ແຕ່ຖ້າຫາກຈັບໄດ້ວ່າມີຄົນອື່ນຢູ່ກັບເຮົານໍາ ມັນກໍຈະແຈ້ງເຕືອນພຽງວ່າມີຂໍ້ຄວາມໂດຍບໍ່ສະແດງເນື້ອໃນຂໍ້ຄວາມອອກມາ

ເລືອກສີທີ່ທ່ານມັກ



ມີສີມາໃຫ້ເລືອກທັງໝົດ 4 ສີ: ຂຽວ Emerald Green, ດໍາ Black, ເງິນ Space Silver ແລະ ມ້ວງ Cosmic Purple. ເຊິ່ງມີຄວາມພິເສດຢູ່ບ່ອນທີ່ມີການໄລ່ສີຜິວເຄືອບຈາກແບບສີດ້ານບໍລິເວນເຄິ່ງດ້ານລຸ່ມໂຕເຄື່ອງຂຶ້ນໄປເປັນສີມັນເງົາຢູ່ດ້ານເທິງ

ຍັງບໍ່ໝົດພຽງແຕ່ເທົ່ານັ້ນ ທາງຫົວເຫວີຍຍັງນໍາສະເໜີວັດສະດຸດ້ານຫຼັງແບບໃໝ່ອີກສອງລຸ້ນຄືເປັນໜັງ Vegan Leather ທີ່ມີມາ 2 ສີນໍາກັນຄື ສີຂຽວ ແລະ ສີສົ້ມ ມາພ້ອມມາດຕະຖານກັນນໍ້າ ແລະ ຝຸ່ນ IP68 ໃນລຸ້ນ Pro ແລະ IP53 ໃນລຸ້ນທໍາມະດາ


 

ສະຫຼຸບສະເປັກລວມ
ສະເປັກລວມ ແລະ ທັງສອງລຸ້ນມີດັ່ງນີ້.
ສາມາດຕິດຕາມຂໍ້ມູນເພີ່ມເຕີມກ່ຽວກັບວັນທີ່ວາງຈໍາໜ່າຍໃນປະເທດລາວ ແລະ ສິນຄ້າຫົວເຫວີຍໄດ້ທີ່ເພຈທາງການຂອງຫົວເຫວີຍທີ່ https://web.facebook.com/HuaweimobileLA/

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
Twitter ID: @tholakhong
tholakhong@gmail.com | www.tholakhong.com


------------------------------------------





Post a Comment

0 Comments