ບໍລິສັດທີ່ປຶກສາກໍ່ສ້າງ ແລະ ອອກແບບເຂື່ອນໄຟຟ້າຈໍາກັດຜູ້ດຽວມອບເງິນ 100 ລ້ານກີບ ເພື່ອຟື້ນຟູໄພພິບັດຢູ່ແຂວງຈໍາປາສັກ


ຈໍາປາສັກ: ບໍລິສັດທີ່ປຶກສາກໍ່ສ້າງ ແລະ ອອກແບບເຂື່ອນໄຟຟ້າຈໍາກັດຜູ້ດຽວພ້ອມໄດ້ມອບເງິນຊ່ວຍເຫຼືອຟື້ນຟູໄພພິບັດຢູ່ແຂວງຈຳປາສັກຈໍານວນ  100 ລ້ານກີບ ໃນວັນທີ  3 ຕຸລາ 2019  ພິທີມອບ-ຮັບຈັດຂຶ້ນທີ່ຫ້ອງວ່າການແຂວງຈໍາປາສັກ ໂດຍໃຫ້ກຽດມອບຂອງ ທ່ານ ສີສະຫວາດ ແກ້ວມະລາວົງ  ທີ່ປືກສາຂອງບໍລິສັດທີ່ປຶກສາກໍ່ສ້າງ ແລະ ອອກແບບເຂື່ອນໄຟຟ້າຈໍາກັດຜູ້ດຽວ.ໃຫ້ກຽດຮັບໂດຍ ທ່ານ ປອ ບຸນຖອງ ດີວິໄຊ ເລຂາພັກແຂວງ ເຈົ້າແຂວງຈໍາປາສັກ ທ່ານ ບົວລິນ ວົງພະຈັນ ຮອງເຈົ້າແຂວງ ປະທານຄະນະກຳມະການປ້ອງກັນ ແລະ ຟື້ນຟູໄພພິບັດຂັ້ນແຂວງ ພ້ອມດ້ວຍຄະນະ.

     ໂອກາດຮັບເງິນຊ່ວຍເຫຼືອ ທ່ານ ປອ ບຸນຖອງ ດີວິໄຊ ເຈົ້າແຂວງຈໍາປາສັກ ຍັງໄດ້ກ່າວເຸຖິງສະພາບໂດຍຫຍໍ້ກ່ຽວກັບຜົນກະທົບ,ເສຍຫາຍຈາກໄພນໍ້າຖ້ວມ,ການຊ່ວຍເຫຼືອກອບກູ້ຜູ້ປະສົບໄພ ພ້ອມທັງ ສະແດງຄວາມຂອບໃຈ ຕໍ່ການຊ່ວຍເຫຼືອຂອງ ບໍລິສັດທີ່ປຶກສາກໍ່ສ້າງ ແລະ ອອກແບບເຂື່ອນໄຟຟ້າຈໍາກັດຜູ້ດຽວ ທີ່ມີນໍ້າໃຈມອບເງິນຊ່ວຍຜູ້ປະສົບໄພນໍ້ານໍ້າຖ້ວມໃສຄັ້ງນີ້ ຈາກນີ້ກໍຢືນຢັນວ່າຈະນໍາໃຊ້ເງິນທີ່ຊ່ວຍເຫຼືອຄັ້ງນີ້ເຂົ້າໃນການບັນເທົາທຸກ,ກອບກູ້ຟື້ນຟູໄພພິບັດຈາກນໍ້າຖ້ວມ ໂດຍສະເພາະຊີວິດການເປັນຢູ່ຂອງປະຊາຊົນຜູ້ໄດ້ຮັບຜົນກະທົບ ແລະ ພື້ນຖານໂຄງລ່າງພາຍໃນແຂວງໃຫ້ດີຂຶ້ນ.

ສື່ມວນຊົນແຂວງຈຳປາສັກ
ເກດສະໜາ ແກ້ວສຸວັນນະແສງ.

Post a Comment

0 Comments