ໄລຍະບຸນອອກພັນສາປະວໍລະນາປີ 2019 ທົ່ວເທດສະບານເມືອງ ປາກຊັນ ມີຄົນເສຍຊີວິດ 2 ຄົນ ຈາກ ອຸບັດຕິເຫດ


ໄລຍະບຸນອອກພັນສາປະວໍລະນາປີ 2019 ທົ່ວເທດສະບານເມືອງ ປາກຊັນ ມີອຸບັດຕິເຫດເກີດຂື້ນ 02 ເລື່ອງ. ເຮັດໃຫ້ມີຄົນເສຍຊີວິດ 02 ຄົນ.

         ອີງຕາມ ເຈົ້າໜ້າທີ່ພະແນກຕໍາຫຼວດຈາລະຈອນ ປກສ ແຂວງ ບໍລິຄໍາໄຊ ສະຫຼຸບສັງລວມແຈ້ງໃຫ້ຮູ້ວ່າ: ໃນໄລຍະບຸນອອກພັນສາປະວໍລະນາຫຼືບຸນຊ່ວງເຮືອປະເພນີປະຈໍາປີ 2019  ຂອງເມືອງ ປາກຊັນ ແຂວງ ບໍລິຄໍາໄຊ ທີ່ຈັດຂື້ນໃນລະຫວ່າງ ວັນທີ່ 11-13 ຕຸລາ 2019 ນີ້. ທົ່ວເທດສະບານເມືອງ ປາກຊັນ ມີອຸບັດຕິເຫດເກີດຂື້ນເກີດຂື້ນທັງໝົດຈໍານວນ 02 ເລື່ອງ, ເປັນປະເພດລົດຈັກ, ລົດກະບະຮຸ່ນໃດ ແລະ ກະບະວີໂກ່. ຕໍຳຕິດຕໍກັນຫຼາຍຄັນ   ເຊີ່ງໄດ້ເຮັດໃຫ້ມີຜົນເສຍຫາຍທາງດ້ານ ສຸຂະພາບ, ພາຫະນະ, ຊັບສີນ ແລະ ເສຍຊີວິດ ຫຼາຍພໍສົມ.

      ໃນນີ້ມີພາຫະນະເປ່ເພທັງໝົດ 06 ຄັນ, ເປ່ເພເລັກນ້ອຍ 02 ຄັນ ແລະ ເປ່ເພສົມຄວນ 04 ຄັນ. ມີຄົນໄດ້ຮັບເຄາະຮ້າຍທັງໝົດ 08 ຄົນ ໃນນີ້. ໄດ້ຮັບບາດເຈັບເລັກນ້ອຍ 03 ຄົນ, ບາດເຈັບສົມຄວນ 02 ຄົນ, ບາດເຈັບສາຫັດ 01 ຄົນ ແລະ ເສຍຊີວິດ ຍີງ 02 ຄົນ,  


ສ່ວນສາເຫດທີ່ພາໃຫ້ເກີດອຸບັດຕິເຫດ, ເຈົ້າໜ້າທີ່ວິຊາສະເພາະດັ່ງກ່າວໄດ້ໃຫ້ຮູ້ຕື່ມອີກວ່າ: ເນື່ອງມາຈາກຂັບຂີ່ປະມາດ ແລະ ເມົາແລ້ວຂັບ ປະເມີນມູນຄ່າເສຍຫາຍຈາກອຸບັດຕິເຫດທີ່ເກີດຂື້ນທັງໝົດປະມານ 215.000.000 ກີບ. (ສອງຮ້ອຍສິບຫ້າລ້ານກີບ.) ສົມທຽບອຸບັດຕິເຫດເກີດຂື້ນໃນໄລຍະບຸນອອກພັນສາປະວໍລະນາຫຼືບຸນຊ່ວງເຮືອປະເພນີປະຈໍາປີ 2019 ກັບ ປີ 2018 ຂອງເມືອງ ປາກຊັນ ແຂວງ ບໍລິຄໍາໄຊ ແມ່ນເຫັນວ່າຫຼຸດລົງ.

Post a Comment

0 Comments