ບຸນອອກພັນສາ 2019 ແຂວງບໍ່ແກ້ວ ມີອຸປະຕິເຫດເກີດຂຶ້ນ 6 ລາຍ


       ອຸປະຕິເຫດເກີດຂຶ້ນໃນໄລຍະວັນທີ 12 – 15 ຕຸລາ 2019 ຜ່ານມານີ້ ແຂວງບໍ່ແກ້ວ ມີອຸປະຕິເຫດເກີດຂຶ້ນ 06 ລາຍ ໃນນີ້ ມີຜູ້ບາດເຈັບ 12 ລາຍ, ບາດເຈັບສາຫັດ 03 ລາຍ, ມີພາຫະນະເປ່ເພ ທັງໝົດ 11 ຄັນ, ລົດຈັກ 06 ຄັນ, ລົດໃຫຍ່ 05 ຄັນ ປີນີ້ບໍ່ມີຜູ້ເສຍຊີວິດ.



       ທ່ານ ພຕ ແຊລໍລີ ສີສຸພັນ ຫົວໜ້າພະແນກຈາລະຈອນແຂວງບໍ່ແກ້ວ ໃຫ້ຮູ້ວ່າ: ໃນໄລຍະ 03 ວັນອັນຕະລາຍ ບຸນອອກພັນສາປະວໍລະນາປະຈໍາປີ ຄສ 2562 ທາງເຈົ້າໜ້າທີ່ຂອງພວກເຮົາໄດ້ປະຈໍາຢູ່ຄວາມພ້ອມ 24 ຊົ່ວໂມງ. ເພື່ອລະບາຍລົດ ເຊິ່ງຈັດແບ່ງກໍາລັງປະຈໍາຢູ່ຕາມຈຸດຕ່າງໆ ເພື່ອລະບາຍໃນການສັນຈອນໄປ-ມາທີ່ມີຄວາມສ່ຽງເກີດອຸປະຕິເຫດ 



ຜ່ານການລົງປະຕິບັດວຽກງານຕົວຈິງເຫັນວ່າອຸປະຕິເຫດເກີດຂຶ້ນທັງໝົດ 06 ລາຍ ໃນນີ້ ມີລົດຈັກຕໍາລົດຈັກ 2 ລາຍ,ລົດໃຫຍ່ຕໍາກັບລົດໃຫຍ່ 1 ລາຍ, ລົດບັນທຸກ 22 ລໍ້ເສຍຫລັກ 1 ລາຍ, ລົດໃຫຍ່ຕໍາກັບຄົນຍ່າງ 1 ລາຍ, ລົດເກັ່ງຕໍາກັບລົດບັນທຸກ 22 ລໍ້ 1 ລາຍ. ເຮັດໃຫ້ພາຫະນະເປ່ເພ, ປະເພດລົດຈັກ 06 ຄັນ, ລົດໃຫຍ່ 05 ຄັນ ທຽບໃສ່ປີຜ່ານມາແມ່ນ ມີອຸປະຕິເຫດເພີ່ມຂຶ້ນ ຍ້ອນມີພາຫະນະເພີ່ມ ຂຶ້ນເຮັດໃຫ້ການສັນຈອນໄປ-ມາບໍ່ມີຄວາມສະດວກ, ຜູ້ຂັບດື່ມສິ່ງມືນເມົາ ຈຶ່ງນໍາພາໄປສູ່ການສູນເສຍຊັບສິນ ເງິນ-ຄໍາ, ເສຍເວລາ, ເສຍອານາຄົດ ຫາຍແຮງໄປກວ່ານັ້ນນໍາສູ່ເຖິງແກ່ຊີວິດ.

ຂ່າວ - ພາບ: ບຸນເພັດ ໄຊຍະວົງ

Post a Comment

0 Comments